ဇီကာကြောင့် နောင် ၆ လအတွင်း ကိုယ်ဝန်မဆောင်ရဆိုတာ မဟုတ်ပါဘူး( ဒေါက်တာအောင်သူ နှင့် အင်တာဗျူး )

♦ ဒေါက်တာအောင်သူ
(ကူးစက်ဆရာဝန်၊ဗဟိုကူးစက်ရောဂါတိုက်ဖျက်ရေးဌာန၊
ပြည်သူ့ကျန်းမာရေးဦးစီးဌာနနှင့် ဆွေးနွေးခြင်း)

ရန်ကုန်မြို့၌ ဇီကာရောဂါဖြစ်ပွားနေသည့် ၃၂ နှစ်အရွယ် ကိုယ်ဝန်ဆောင် နိုင်ငံခြားသူတစ်ဦးကို ဓါတ်ခွဲစမ်းသပ်မှုများပြုလုပ်ပြီးနောက် အတည်ပြုနိုင်ခဲ့ကြောင်း ကျန်းမာရေးနှင့် အားကစားဝန်ကြီးဌာနက ၂၇-၁၀-၂၀၁၆ ရက်နေ့က သတင်း ထုတ်ပြန်ခဲ့သည်။ ဆက်လက်ပြီး ဇီကာကြောင့် နောင် ၆ လအတွင်း ကိုယ်ဝန်မဆောင်ရဆိုသော သတင်းစကား များ ပြန့်နှံ့လာသဖြင့် ပြည်သူ့ကျန်းမာရေး ဦးစီးဌာန၊ ဗဟိုကူးစက်ရောဂါတိုက်ဖျက်ရေးဌာန၊ ကူးစက်ဆရာဝန်
ဒေါက်တာအောင်သူနှင့် ဆွေးနွေးဖော်ပြလိုက်ပါသည်။
- - - - - - - - - - - - - - - - - - - - - -

Q. ရန်ကုန်မြို့မှာ နောက် ၆ လအတွင်း ကိုယ်ဝန်မဆောင်သင့်ဘူးဆိုတဲ့ သတင်းနဲ့ ပတ်သက်ပြီး သိချင်လို့ပါ ဆရာ။

A. အဲဒါကတော့ မဟုတ်ပါဘူး။ နားလည်မှု လွဲသွားတာပါ။ ဇီကာဗိုင်းရပ်စ်ပိုးရှိတဲ့ အမျိုးသားက အမျိုး သမီးနဲ့ လိင်ဆက်ဆံမှု မပြုရဘူး။ လိင်ဆက်ဆံမှု ပြု မယ်ဆိုရင်လည်း ခြောက်လတိတိ ကွန်ဒုံးသုံးရမယ်လို့
ပြောတာပါ။ အမျိုးသားမှာ ဇီကာဗိုင်းရပ်စ်ပိုးရှိရင် အမျိုးသမီးနဲ့ လိင်ဆက်ဆံတဲ့အခါ အမျိုးသမီးမှာ ကိုယ်ဝန်ရှိသွားနိုင်တယ်။ အဲဒီတော့ ကိုယ်ဝန်ကတစ်ဆင့် ကလေးဆီကို ဇီကာဗိုင်းရပ်စ်ပိုး ကူးစက်နိုင်တဲ့အ တွက် ဇီကာရှိတဲ့ အမျိုးသားကို ခြောက်လတိတိ လိင်ဆက်ဆံမှုမပြုဖို့၊ ပြုခဲ့ရင် ကွန်ဒုံးသုံးဖို့ ပြောတာပါ။
- - - - - - - - - - - - - - - - - - - - - -
Q. ဇီကာဗိုင်းရပ်စ်ရှိတယ်ဆိုရင် ဘယ်လို သိနိုင်မလဲ ဆရာ။

A. ဇီကာဗိုင်းရပ်စ်ပိုး ၀င်သွားရင် လူငါးယောက်မှာ လေးယောက်က
ရောဂါလက္ခဏာ မပြပါဘူး။ တစ်ယောက်မှာပဲ ရောဂါလက္ခဏာ ပြပါတယ်။ သူရဲ့ ရော ဂါလက္ခဏာတွေက ဖျားတာ၊ အနီစက်ထွက်တာ၊ မျက်စိနာတာ၊ မျက်လုံးရဲတာ၊ ကိုယ်လက်ကိုက်ခဲတာ စတဲ့ လက္ခဏာတွေ ပြပါတယ်။ အမျိုးသားမှာ ဇီကာဗိုင်းရပ်စ်ပိုးရှိ၊ မရှိဆိုတာကတော့
သွေးစစ်ရင်တော့ တွေ့နိုင်ပါတယ်။
- - - - - - - - - - - - - - - - - - - - - -
Q. ဇီကာသံသယရှိတဲ့ လူနာတွေက ဘာလုပ်သင့်ပါသလဲ ဆရာ။

A. ဖျားတာ၊ အနီစက်ထွက်တာ၊ မျက်စိနာတာ၊ မျက်လုံးရဲတာ၊ ကိုယ်လက်ကိုက်ခဲတာ စတဲ့ လက္ခဏာ တွေ ပြလာရင် နီးစပ်ရာ ဆေးရုံ၊
ဆေးခန်းတွေကို သွားပြကြပါ၊ တတ်ကျွမ်းနားလည်သူတွေရဲ့ အကြံဥာဏ် ယူပြီး ဇီကာဗိုင်းရပ်စ်ပိုး ရှိ၊ မရှိ စစ်ဆေးလို့ ရ ပါတယ်။ ဇီကာဗိုင်းရပ်စ်ပိုး စစ်ဖို့ အခုလောလောဆယ် အမျိုးသားဓာတ်ခွဲခန်းမှာပဲ စစ်လို့ရပါတယ်။
ဒီလူနာတစ်ယောက် မတွေ့ခင်မှာ အရင် လူနာ ၃၀ ဦးကျော်ကို ဇီကာလို့ သံသယ၀င်ပြီး စစ်ဆေး ထားတာ ရှိပါတယ်။ ဖျားမယ်၊ အနီစက်ထွက်မယ်၊ မျက်စိနာမယ်၊ ကိုယ်လက်ကိုက်ခဲမယ် . .အဲဒီလို လက္ခဏာရှိတဲ့ သူတွေကို ဇီကာသံသယရှိလူနာဆို ပြီး စစ်ဆေးခဲ့ပါတယ်။
- - - - - - - - - - - - - - - - - - - - - -
Q. ကိုယ်ဝန်ဆောင်နိုင်ငံခြားသူမှာ ဇီကာဗိုင်းရပ်စ် ရှိ တယ်လို့ တွေ့တယ်ဆိုတော့ ဘယ်လိုနည်းနဲ့ တွေ့ရှိခဲ့တာပါလဲ ဆရာ။

A. နိုင်ငံခြားသူမှာ ဇီကာဗိုင်းရပ်စ် သံသယဖြစ်ဖွယ် လက္ခဏာတွေကို တွေ့ပါတယ်။ သူက ပညာလည်း တတ်တော့ ဖျားတယ်၊ မျက်စိနာတယ်၊ အနီစက်တွေ ထွက်လာတယ် ဆိုတော့ ဇီကာလား မသိဘူးဆိုပြီး သူ့ကိုယ်သူ သံသယဖြစ်လာပါတယ်။ အဲဒါနဲ့ ကျွန် တော်တို့ ကျန်းမာရေးဌာနနဲ့ ဆက်သွယ်ပါတယ်။ ကျွန်တော်တို့ ကျန်းမာရေးဌာနက သူ့ကို သွေးစစ် ဆေးပါတယ်။ သွေးစစ်လိုက်တဲ့အချိန်မှာ ဇီကာပိုး ရှိ တယ်လို့ တွေ့ရပါတယ်။
- - - - - - - - - - - - - - - - - - - - - -
Q. ကိုယ်ဝန်ဆောင်နိုင်ငံခြားသူက ဘယ်နိုင်ငံသူလဲ ဆရာ။

A. ဒါက ကူးစက်ရောဂါနဲ့ ပတ်သက်တဲ့ အပြည်ပြည် ဆိုင်ရာ ကျန်းမာရေး ပြဌာန်းချက် ဥပဒေ ၂၀၀၅အရ ပြောလို့ မရပါဘူးခင်ဗျ။
- - - - - - - - - - - - - - - - - - - - - -
Q. ကိုယ်ဝန်ဆောင် နိုင်ငံခြားသူတစ်ဦးကို ဇီကာဗိုင်းရပ်စ်တွေ့တယ်ဆိုတော့
လေဆိပ်တွေမှာ ဘယ်လို စောင့်ကြည့်မှုတွေ ပြုလုပ်ထားပါသလဲ ဆရာ။

A. လေဆိပ်တွေမှာ ဟိုးအရင်ကတည်းက အီဘိုလာ ဖြစ်ကတည်းက
Fever Screening စက် (အဖျားတိုင်းတဲ့ စက်)တွေ ရှိပါတယ်။ အဲဒီစက်တွေနဲ့ အပြည်ပြည်ဆိုင်ရာ ခရီးသွားတွေကို အဖျားရှိ၊ မရှိ စစ်ဆေးပါတယ်။ ကူးစက်ရောဂါရှိတယ်လို့ သံသယရှိတဲ့ သူတွေကိုတော့ သူ့ရောဂါအလိုက် ဆက်လက် စစ်ဆေးကုသမှုတွေ
ဆောင်ရွက်ပေးနေပါတယ်။
- - - - - - - - - - - - - - - - - - - - - -
Q.ကိုယ်ဝန်ဆောင်မိခင်တွေက စိုးရိမ်သွားကြပါတယ်။ ဒါနဲ့ ပတ်သက်ပြီး ဆရာ့ ဘာမှတ်ချက်ပေးလိုပါသလဲ။

A. ကိုယ်ဝန်ဆောင်မိခင်အများစုက ဇီကာဗိုင်းရပ်စ် နဲ့ ပတ်သက်ပြီး စိုးရိမ်မှု ရှိသွားကြပါတယ်။ ကျွန်တော် ပြောချင်တာက ကိုယ်ဝန်ဆောင်တွေအနေနဲ့ အရမ်းကြီး ကြောက်စရာ မလိုပါဘူး။ ဇီကာဗိုင်းရပ်စ် ၀င်ခဲ့တဲ့သူတိုင်း ဦးခေါင်းသေးရောဂါမဖြစ်ပါဘူး။ ဇီကာ ဖြစ်သွားပြီ၊ ကလေး ခေါင်းသေးသေးလေး မွေးလာ တော့မှာပဲ ဆိုပြီး အရမ်းကြီး ထိတ်လန့်နေစရာ မလိုပါဘူး။ ခေါင်းသေးလေးတွေ
မွေးတတ်ပေမယ့် မွေးနိုင်ခြေကတော့ နည်းပါတယ်။ ဒါပေမဲ့
#မိုးမပြို ပြိုခဲ့သည်ရှိသော် ကိုယ်ဝန်ဆောင်ကာလအတွင်းမှာ
ခြင်အကိုက်မခံရအောင် နေနိုင်ရင် အကောင်းဆုံးပါပဲ ခင်ဗျ။
#HealthyLifeJournal

(အပတ်စဉ် သောကြာနေ့ထုတ် Healthy Life ဂျာနယ်တွင် ကျန်းမာရေး သတင်းဦး၊ သတင်းထူးများကို ဖတ်ရှုနိုင်ပါသည်)
http://www.healthylifejournalmyanmar.com/ တွင်လည်း ကျန်းမာရေးသတင်းများကို ဖတ်ရှုနိုင်ပါသည်။

 Ref ;

Healthy Life Journal