အီးအိုင်အေက ဖွင့်ချလိုက်တဲ့ တရုတ်-မြန်မာ တရားမ၀င်သစ်ကုန်သွယ်မှု

 
ယူနန်ပြည်နယ်ဟာ သူတို့စီးပွားရေးကောင်းမွန်ဖို့၊ ဖွံ့ဖြိုးတိုးတက်ရေး အတွက် မြန်မာနိုင်ငံက သယံဇာတ၊ ရှိသမျှ အရင်းအမြစ်တွေကို ကုပ်သွေးစုပ်ယူနေ … မြန်မာပြည်ကထွက်တဲ့ သစ်တွေ ဟာ ယူနန်ပြည်နယ်ရောက်တဲ့အခါ တန်ဖိုးမြင့်ပစ္စည်းတွေ၊ ကုန်ချောတွေဖြစ် သွားကြလို့ စီးပွားရေးအရ တွက်ခြေကိုက်ပြီး များစွာအမြတ်ထွက်ခဲ့ …
~~~~~~~~~~~~~~~~~~~~~~~~~~~~~~~~~~~~~~~~~
ဗြိတိန်နိုင်ငံမှ နာမည်ကျော် The Economist အပတ်စဉ်ထုတ် စီးပွားရေး သတင်းစာက တရုတ် ကုမ္ပဏီတွေ မြန်မာနိုင်ငံမှ သစ်တွေ ခိုးယူနေဆဲဖြစ်ကြောင်း ဖွင့်ချလိုက်ပြီးနောက် စက်တင်ဘာလ ၂၂ရက်မှာ လန်ဒန် အခြေစိုက် သဘာဝပတ်ဝန်းကျင် စုံစမ်းစစ်ဆေးရေး အဖွဲ့(EIA)က မြန်မာသစ်တွေ တရုတ်နိုင်ငံထဲကို တရား မ၀င်တင်သွင်းရာမှာ တရုတ်သစ် မှောင်ခိုဂိုဏ်းကထိန်းချုပ်ထားကြောင်း ထုတ်ဖော်လိုက်လို့ ဟိုးလေး တကျော် ကျော်ဖြစ်သွားတယ်။ ဒီအချက်ပေါ်မှာ မြန်မာအစိုးရက တရုတ်နိုင်ငံသား တရားမ၀င်သစ်ခိုးထုတ်သူ ၁၅၀ ကျော်ကို လွတ်ငြိမ်းချမ်းသာခွင့် ပေးခဲ့တာကို ထပ်ဖြည့်လိုက်ရင် အတော်လေး လူပြောများမယ့် အကြောင်း အရာဖြစ်သွားတယ်။…
မှတ်တမ်းတွေအရ တရုတ်-မြန်မာနယ်စပ် တရားမ၀င် သစ်မှောင်ခိုဈေးကွက်က န၀တအစိုးရတက်လာပြီး ၁၉၉၀ ပြည့်နှစ်မှာ စတင်ပေါ်ပေါက်ခဲ့လို့ သက်တမ်းအားဖြင့် ၂၅နှစ်လောက် ကြာမြင့်နေပါပြီ။ ဒီကာလ တစ်လျှောက် မြန်မာနိုင်ငံအနေနဲ့ နစ်နာဆုံးရှုံးခဲ့ရတဲ့ အခွန်အကောက်တွေကို တွေးမိလေ ရင်ထုမနာဖြစ်မိမှာ မလွဲဧကန်ပါ။ အကြမ်းဖျင်း ပုံဖော်လိုက်မယ်ဆိုရင် EIA အဖွဲ့ကထုတ်ပြန်တဲ့ အစီရင်ခံစာအရ ၂၀၁၄ ခုနှစ် အတွင်း တရုတ်နိုင်ငံမှာ အရောင်းအ၀ယ်ပြုလုပ်ခဲ့တဲ့ မြန်မာ တမလန်း သစ်အမျိုးအစား တစ်ခုတည်းကပဲ ဒေါ်လာ ၃ ဘီလီယံကနေ ၄ ဒသမ ၆ ဘီလီယံ ကြားရှိပေမယ့် မြန်မာနိုင်ငံပြန်ရတဲ့ဟာက ဒေါ်လာသန်း ၄၀၀ ခန့်သာရှိတယ်။ ဒီပမာဏက ၂၀၁၄ ခုတစ်နှစ်တည်းအတွက်သာဖြစ်ပြီး ၂၅ နှစ်အတွင်းမှာ မြန်မာဘက်က အကြီးအကျယ် နစ်နာဆုံးရှုံးခဲ့ရတယ်ဆိုတာကို မီးမောင်းထိုးပြနေတယ်။
EIA အစီရင်ခံစာမှာ ဖော်ပြထားတဲ့ အချက်တွေကို ကြည့်လိုက်ရင် တရုတ်-မြန်မာနယ်စပ် သစ်မှောင်ခိုးထုတ်မှု ကို နှိမ်နင်းဖို့ အတော်ခက်ခဲမယ်ဆိုတာ ပေါ်လွင်နေတယ်။
– ပြည်ပသို့ သစ်အလုံးလိုက် တင်ပို့မှု တားမြစ်ထားပေမယ့် တရုတ်-မြန်မာ နယ်စပ်တွင် တရားမ၀င် သစ်အလုံး လိုက်တင်ပို့မှုများရှိနေခြင်း၊
– သစ်ခိုးတင်သွင်းမှုကို တရုတ်မှောင်ခိုဂိုဏ်းတစ်ခုက ထိန်းချုပ်ထားခြင်း၊
– သစ်ရောင်းဝယ်မှုတွင် ငွေစက္ကူအတု အသုံးပြုမှု မြင့်တက်လာခြင်းကြောင့် ရွှေချောင်းများပေး၍ လာဘ်ထိုး ခြင်းအပါအ၀င် ခြစားမှုများရှိနေခြင်း၊
– ယူနန်ပြည်နယ်အတွင်းရှိ ရွှေလီအပါအ၀င် မြို့ ၃မြို့တွင် မြန်မာနိုင်ငံမှ ၀င်ရောက်လာသော သစ်များကို လွတ် လပ်စွာ ကုန်သွယ်မှုပြုလုပ်ခြင်း၊
– တရုတ်-မြန်မာ နှစ်နိုင်ငံအစိုးရများအနေဖြင့် တရားမ၀င်သစ်တင်သွင်းရောင်းချမှုကို ထိရောက်သော တားဆီး မှုများချက်ချင်းလုပ်ဆောင်ရန် လိုအပ်ခြင်း၊
– မြန်မာနိုင်ငံမှ ၀င်ရောက်လာသော သစ်များကို သွင်းကုန်ခွန်ဆောင်နေသမျှ ကာလပတ်လုံး တရုတ်နိုင်ငံက ကုန်သွယ်ရေးနှင့် ဖြန့်ချိရေးကို ခွင့်ပြုထားခြင်း၊
– မြန်မာနိုင်ငံမှ တရုတ်နိုင်ငံသို့ ပိတောက်နှင့် တမလန်းသစ်များကို အဓိက တရားမ၀င်တင်သွင်းနေခြင်းကို မတားဆီးနိုင်ပါက လာမည့် ၁၀နှစ်အတွင်း မြန်မာတမလန်းသစ် မျိုးတုန်းပျောက်ကွယ်သွား ဖွယ်ရှိနေခြင်း၊
– ၂၀၁၄ ခုနှစ်အတွင်း တရုတ်နိုင်ငံ၌ ဒေါ်လာ ၂၅ဘီလီယံခန့် သစ်ရောင်းဝယ်ခဲ့ရာတွင် မြန်မာတမလန်းသစ်မှာ ၁၂ရာခိုင်နှုန်းခန့်ရှိသဖြင့် ဒေါ်လာ ၃ဘီလီယံမှ ၄ဒသမ ၆ဘီလီယံကြား ရှိသော်လည်း မြန်မာနိုင်ငံဘက်မှ ဒေါ်လာသန်း ၄၀၀ခန့်သာ ပြန်လည်ရရှိခြင်း၊
တကယ်တော့ မြန်မာနိုင်ငံက သစ်တွေကို နယ်စပ်ဖြတ်ကျော် တရားမ၀င်လမ်းကြောင်းက တစ်ဆင့် တရုတ် ဘက်သို့ မှောင်ခိုထုတ်နေတာကို သဘာဝပတ်ဝန်းကျင် ထိန်းသိမ်းရေးဝါဒီတွေက တောက်လျှောက် သတိပေး ခဲ့ပေမယ့် အလေးဂရုစိုက်မှု နည်းပါးခဲ့တယ်။
ဒါပေမဲ့ ပြီးခဲ့တဲ့လများအတွင်း မြန်မာနိုင်ငံအနှံ့အပြား ရေကြီးရေလျှံဖြစ်ခဲ့ရာမှာ အဓိကအကြောင်းရင်းက သစ် တွေကိုအဆမတန်ခုတ်လှဲရာမှ သစ်တောပြုန်းတီးမှုကြောင့်လို့ “လက်ညှိုးထိုး” လာကြတဲ့အခါ သစ်မှောင်ခို ကိစ္စကို မဖြစ်မနေကိုင်တွယ်ဖို့ အကြောင်းဖန်လာပါတယ်။
စီးပွားရေး ရှုထောင့်ကကြည့်ရင် သစ်တွေခုတ်လှဲရောင်းချလိုက်လို့ ရလာတဲ့ငွေနဲ့ “မကာမိ”ဘဲ သစ်တောပြုန်း တီးမှုကြောင့် မြန်မာနိုင်ငံအနှံ့ ရေကြီးခဲ့တဲ့အခါ ထိခိုက်ပျက်စီးဆုံးရှုံးမှုက အဆပေါင်းများစွာ ကွာခြားနေတယ်။ ရေဘေးကြောင့် ထိခိုက်ဆုံးရှုံးမှု အနည်းဆုံး ကျပ်ငွေဘီလီယံပေါင်း ၁၆၀အထက်မှာရှိတယ်။ စိုက်ဧကပေါင်း ၁ ဒသမ ၄သန်းကျော်ရေမြုပ်ခဲ့ပြီး လူပေါင်း ၁ဒသမ၆သန်းကျော် ရေဘေးသင့်ခဲ့တယ်လို့ အစိုးရက တရားဝင် ထုတ်ပြန်ခဲ့တယ်။
ငါးပုစွန်ကန်ဧက ၃၆,၀၀၀၊ ကျွဲနွား ကောင်ရေ ၂၀,၀၀၀ကျော် ပျက်စီးဆုံး ရှုံးခဲ့တယ်။ ဒါ့အပြင်ရေကြီး နစ်မြုပ်မှု ကြောင့် ပျက်စီးသွားတဲ့ သီးနှံစိုက်ဧက ၉သိန်းနီးပါးအနက် ၆၀ ရာခိုင်နှုန်းက ပြန်လည်စိုက်ပျိုးလို့ မရတော့သလို တချို့ဒေသတွေမှာ သီးနှံတွေ အချိန်မီပြန်စိုက်ပြီးခါမှ ဒုတိယအကြိမ် ရေပြန်တက်လာလို့ လယ်သမား မိသားစု ကြီးမားစွာ ဒုက္ခရောက်ခဲ့တယ်။
ဒီလို ရေကြီးမှုကြောင့် နစ်နာဆုံးရှုံးခဲ့ရတာကို အရင်းစစ်လိုက်တဲ့အခါ သစ်တွေကို အဆမတန် ခုတ်လှဲမှုကြောင့်၊ သစ်တော ပြုန်းတီးမှုကြောင့်၊ မြန်မာနိုင်ငံအနှံ့အပြားက သစ်တွေ တရုတ်ပြည်ကို မှောင်ခိုထုတ်မှု တွေကြောင့်ပဲ မဟုတ်ပါလား။
၂၅ နှစ်လောက် ကြာမြင့်နေပြီဖြစ်တဲ့ တရုတ်-မြန်မာ သစ်မှောင်ခိုထုတ်မှုက သမ္မတဦးသိန်းစိန် အစိုးရတက် လာပြီးနောက် ၂၀၁၃ ခုနှစ်မှာ အမြင့်ဆုံးစံချိန်တင်သွားပြီး ကုဗမီတာ ၁ ဒသမ ၇ သန်းရှိလို့ ဒီနှုန်းအတိုင်း ဆက် သွားနေရင် နောင် ၁၀နှစ်လောက်ကြာရင် မြန်မာနိုင်ငံမှာ တမလန်းသစ်မျိုးသုဉ်း ပျောက်ကွယ်မယ်လို့ EIA က ထုတ်ဖော်ပြောဆိုလိုက်တယ်။
EIA က စောဒကတက်လို့ တရုတ်ဘက်က တရားမ၀င် သစ်တင်သွင်းရောင်းဝယ်မှုကို စက်တင်ဘာလမှ ဒီဇင် ဘာလအထိ ၄ လပိတ်ပင်မယ်လို့ ဆိုပါတယ်။ တစ်ဖက်ကလည်း ၂၀၁၅ ရွေးကောက်ပွဲရလဒ်နဲ့ ရွေးကောက်ပွဲ လွန် အစိုးရသဘောထား၊ တုံ့ပြန်မှုတွေကို တီးခေါက်လိုတဲ့ သဘောမျိုးနဲ့ ၂၀၁၅ ခုနှစ်ကုန်အထိ ၄လသာ တား မြစ်ထားတယ်။
တကယ်တော့ မြန်မာနိုင်ငံကသစ်တွေ တရုတ်နိုင်ငံထဲကို တရားမ၀င် မှောင်ခိုထုတ်နေတာ ကာလကြာမြင့်လာ တဲ့အလျောက် တဖြည်းဖြည်းကြီးထွားလာတဲ့ သဘောရှိတယ်။
နိုင်ငံတကာ သဘာဝပတ်ဝန်းကျင် စောင့်ကြည့်ရေးအဖွဲ့ဖြစ်တဲ့ Global Witness ရဲ့ ခန့်မှန်းချက်အရ ၂၀၀၆ ခုနှစ်မတိုင်မီ မြန်မာနိုင်ငံမှ တရုတ်နိုင်ငံ၊ ယူနန်ပြည်နယ်ကို တရားမ၀င်လမ်းကြောင်းက တစ်ဆင့် သစ်ခိုးထုတ်မှု ပမာဏကတစ်နှစ်ကို တန်ချိန်တစ်သန်းဝန်းကျင် ရှိနေတယ်။
၂၀၀၆ ခုနောက်ပိုင်းမှာ နယ်စပ်လမ်းကြောင်းက သစ်မှောင်ခိုထုတ်မှု ကျဆင်းသွားပေမယ့် ရန်ကုန်ဆိပ် ကမ်း ကနေ သစ်တင်ပို့်မှုများပြားလာတာကြောင့် သစ်တောပြုန်းတီးမှုကတော့ မြင့်မားနေဆဲပါ။ ဒါပေမဲ့ ၂၀၁၁ ခု နောက်ပိုင်းမှာ တရားမ၀င် သစ်ခိုးထုတ်မှု ပြန်လည်မြင့်တက်လာတယ်လို့ သတင်းတွေက ဆိုပါတယ်။ ဒီ နေရာမှာ အစိုးရ တရားဝင်ထုတ်ပြန်ချက်နဲ့ နိုင်ငံတကာမှာ လက်ခံထားတဲ့ ကိန်းဂဏန်းတွေအကြားမှာ နှိုင်း ယှဉ်စရာ ဖြစ်လာတယ်။
သမ္မတဦးသိန်းစိန်းအစိုးရ လက်ထက်မှာ ၄ နှစ်အတွင်း ကျွန်းနှင့်သစ်မာတန်ချိန် ၅ ဒသမ ၇ သန်း ထုတ်ခွင့်ပြုခဲ့ ကြောင်း မြန်မာ့သစ်လုပ်ငန်း အချက်အလက်တွေအရ သိရတယ်။
၂၀၁၁-၁၂ ဘဏ္ဍာနှစ် – ၂ ဒသမ ၃ သန်း
၂၀၁၂-၁၃ ဘဏ္ဍာနှစ် – ၁ ဒသမ ၇ သန်း
၂၀၁၃-၁၄ ဘဏ္ဍာနှစ် – ၁ သန်း
၂၀၁၄-၀၅ ဘဏ္ဍာနှစ် – ၀ ဒသမ ၇ သန်း
ဒါပေမဲ့ လန်ဒန်အခြေစိုက် သဘာဝပတ်ဝန်းကျင်ဆိုင်ရာ စုံစမ်းစစ်ဆေးရေး အေဂျင်စီ(EIA)က ၂၀၁၅ ခု၊ မတ်လ ၂၅ ရက်မှာထုတ်ပြန်တဲ့ အစီရင်ခံစာအရ မြန်မာနိုင်ငံက သစ်လုံးတင်ပို့မှုနဲ့ပတ်သက်ပြီး တရားဝင်ထုတ်ပြန်လိုက် တဲ့ ကိန်းဂဏန်းဟာ နိုင်ငံတကာမှာ လက်ခံထားတဲ့ ကိန်းဂဏန်းတွေရဲ့ ၂၈ရာခိုင်နှုန်းသာရှိကြောင်း ဖော်ပြထား တယ်။ ၂၀၀၀ပြည့်နှစ်မှ ၂၀၁၃ ခုနှစ်အထိ ၁၃နှစ်အတွင်း တရားမ၀င်သစ်ခိုးထုတ်မှုက ဒေါ်လာသန်းပေါင်း ၅၇၀၀ နီးပါးရှိလို့ ၂၀၁၃-၁၄ ဘဏ္ဍာနှစ် မြန်မာတစ်ပြည်လုံး ပညာရေးနဲ့ ကျန်းမာရေးအသုံးစရိတ်စုစုပေါင်းရဲ့ ၄ ဆနဲ့ညီမျှကြောင်း ဖော်ပြထားတယ်။ ၂၀၁၅ခု၊ မတ်လ၂၅ရက်မှာ ထုတ်ပြန်ခဲ့တဲ့ EIA အစီရင်ခံစာက ၁၃နှစ် အတွင်းမှာ တရားဝင်ခွင့်ပြုချက်မရှိဘဲ ကုဗမီတာ ၁၆ ဒသမ ၅သန်းခန့်ရှိတဲ့ သစ်လုံးတွေ ခိုးထုတ်ခဲ့တယ်လို့ ဆိုပါတယ်။
မြန်မာ့ကျွန်းသစ်ထုတ်လုပ်မှုကဏ္ဍမှာ ဥပဒေနဲ့ မညီညွတ်မှုတွေ၊ အကျင့်ပျက်ခြစားမှုတွေ အခိုင်အမာရှိနေပြီး သစ်ခိုးထုတ်မှုမှရရှိတဲ့ ဒေါ်လာ သန်းပေါင်းများစွာက နိုင်ငံတော်ဘဏ္ဍာထဲသို့ ရောက်ရှိမလာဘဲ ဘာကြောင့် ပျောက်ဆုံးနေတာလဲလို့ EIA အစီရင်ခံစာထဲမှာ တစ်ဆက်တည်း မေးခွန်းထုတ်ထားတယ်။ တစ်ဖက်ကလည်း တရုတ်-မြန်မာ နယ်စပ်သစ်မှောင်ခိုးထုတ်မှုကို ထိထိရောက်ရောက် ကိုင်တွယ်မယ်ဆိုရင် ကြီးမားတဲ့ အဟန့် အတားတွေရင်ဆိုင်ရမှာ ဖြစ်ပါတယ်။
အဓိကပြဿနာက မြန်မာနိုင်ငံနဲ့ထိစပ်နေတဲ့ ယူနန်ပြည်နယ်ဟာ ကုန်းတွင်းပိတ်ဒေသ ဖြစ်နေပြီး တရုတ်နိုင်ငံ ရှိပြည်နယ်တွေထဲမှာ စီးပွားရေး၊ ဖွံ့ဖြိုးတိုးတက်မှု အနိမ့်ဆုံးစာရင်းထဲ ရောက်နေသလို ပညာ တတ်မြောက် မှုနည်းပါးပြီး ရာဇ၀တ်မှုထူပြောတဲ့ ပြည်နယ်ဖြစ်နေတယ်။
အဆိုးရွားဆုံးအချက်က ယူနန်ပြည်နယ်ဟာ သူတို့စီးပွားရေးကောင်းမွန်ဖို့၊ ဖွံ့ဖြိုးတိုးတက်ရေးအတွက် မြန်မာ နိုင်ငံက သယံဇာတ၊ ရှိသမျှ အရင်းအမြစ်တွေကို ကုပ်သွေးစုပ်ယူနေခြင်းပဲ ဖြစ်ပါတယ်။ မြန်မာပြည်က ထွက်တဲ့ သစ်တွေဟာ ယူနန်ပြည်နယ် ရောက်တဲ့အခါ တန်ဖိုးမြင့်ပစ္စည်းတွေ၊ ကုန်ချောတွေဖြစ်သွားကြလို့ စီးပွားရေး အရတွက်ခြေကိုက်ပြီး များစွာအမြတ်ထွက်ခဲ့တယ်။
– ကုန်ကြမ်းကို ကုန်ချောထုတ်လုပ်နိုင်မှာဖြစ်လို့ လုပ်ငန်းတွေရရှိတယ်။
– အမြတ်အစွန်း ကြီးကြီးမားမားရတယ်။
– သူတို့နိုင်ငံသားအတွက် အလုပ်အကိုင်၊ အခွင့်အလမ်း ဖြစ်ထွန်းပေါ်ပေါက်တယ်။
– လွှစာမှုန့်၊ သစ်တိုသစ်စအစရှိတဲ့ ဘေးထွက်ပစ္စည်းတွေကို နည်းပညာအကူအညီနဲ့ ကြိတ်သားဗီရို၊ ရုံးသုံး ပစ္စည်း၊ စားပွဲကုလားထိုင် အစရှိတဲ့ ပရိဘောဂအမျိုးမျိုး ပြန်လည်ထုတ်လုပ်ပြီး မြန်မာနိုင်ငံလို ဆင်းရဲပြီး နည်း ပညာနောက်ကျနေတဲ့နိုင်ငံတွေကို ပြန်လည်တင်ပို့ ရောင်းချတယ်။ ငါးကြင်းဆီနဲ့ ငါးကြင်းပြန်ကြော်တာဖြစ်လို့ အကျိုးအမြတ်များစွာ ရှိတယ်။
မြန်မာပြည်ကထွက်တဲ့ သယံဇာတတွေကို “အောက်ဈေး”နဲ့ရနေ လို့ မြိုးမြိုး မြက်မြက်ကလေး စားနေ၀ါးနေရ တယ်။ ဒါကြောင့် နယ်စပ်ဖြတ်ကျော် တရားမ၀င် သစ်ရောင်းဝယ်ဖောက်ကားမှုတွေ ကို မြန်မာဘက်က နှိမ်နင်း ချင်ရင်တောင် “အရသာသိ”နေပြီဖြစ်တဲ့ ယူနန်ဘက်တွေက လက်ခံပါ့မလား၊ မြန်မာအစိုးရဘက်က ဘယ် လောက်အထိ စွမ်းဆောင်နိုင်မလဲ၊ ထိရောက်ပြတ်သားစွာ ကိုင်တွယ်နိုင်ပါ့မလား ဆိုတာ မေးခွန်းထုတ်စရာတွေ ရှိလာတယ်။
တစ်ဖက်မှာလည်း မြန်မာနိုင်ငံမှာ အဂတိလိုက်စားမှု၊ အကျင့်ပျက်ခြစားမှုတွေရှိနေတော့ ကိုယ့်ပြဿနာနဲ့ကိုယ် လုံးထွေးနေပြီး ကိုယ့်ပုဆိုးကိုယ်ပြန်နင်းမိမှာလည်း ထည့်တွက်ရသေးတယ်။ ယူနန်ဘက်ကလည်း ဒီအားနည်း ချက်ကို “အပိုင်ကိုင်”ပြီး တရားမ၀င်ကုန်သွယ်မှု ဆက်လက်ပြုလုပ်ဖို့အတွက် “သွေးတိုးစမ်း” မှာတော့ အသေ အချာပါ။ ( စံတော်ချိန် သတင်းစာ )