ရွှေနန်းဆီသို့  ( ၂ ) သုဝဏ္ဏဘူမိ။

• 

  
  
  ( ခ ) ရာဇဝင်ကို ခွဲခြမ်းကြည့်သော်။
  
  သထုံရာဇဝင်ပါအကြောင်းအရာတို့သည် ခေတ်ပြိုင် ကျောက်စာလည်းမဟုတ်၊ သမိုင်းမှတ်တမ်းလည်းမဆိုသာ ၊ ဒဏ္ဍာရီပါ အကြောင်းအရာတို့ကို သမိုင်းနည်းဖြင့် အချိန်ကာလ၊ နေရာဒေသနှင့် အဖြစ်အပျက်များကို ထုတ်နှုတ်ပြီးဆန်းစစ် တင်ပြပါမည်။အချိန်ကာလအားဖြင့် ဗုဒ္ဓခေတ်နှင့် ဗုဒ္ဓလွန်ခေတ် အကြောင်းတို့ပါဝင်နေသည်။ သုဝဏ္ဏဘူမိ သထုံပြည်ကို ဗုဒ္ဓမြတ် စွာမပွင့်ခင်က တည်ထောင်ခဲ့သည်ဆိုထား၏။ တဖန် သိကြား ၊ ရသေ့ ၊ ဝိဇ္ဇာဓိုရ် တို့တည်ထောင်ခဲ့သော ပထမ နှင့် ဒုတိယ သုဓမ္မ ဝတီ တို့သည်လည်းပါဝင်လေရာ မြို့ရိုးခုနှစ်ထပ် ကျုံးခုနှစ်ထပ်ဖြင့် တည်ပေးခဲ့သည်ဟုမှတ်သားဖွယ်ရာ တွေ့ရသည်။ထို့ပြင်သထုံမြို့တွင် မြို့ရိုးအထပ်ထပ်ဖြင့် တည်ထား သောမြို့ဟောင်းရာများကို ကောင်းကင်ဓါတ်ပုံများမှ ရှာဖွေတွေ့ရှိထားပေသည်။ဥပမာ ကျိုက္ကရာ မြို့ဟောင်းအရာဆို လျှင် မြို့ရိုးခုနှစ်ထပ်ထက်မနည်း ရှိသည်ကိုတွေ့နိုင်ပါသည်။ ဇုတ်သုတ်မြို့ဟောင်းတွင်လည်း မြို့ရိုးအထပ် များပါသည်။ ဤ မြို့ဟောင်းနှစ်မြို့မှာ အရွယ်အစား မသေးငယ်လှပေ။မြို့တည်ရာအနေအထားကလည်း ကောင်းသည်။ ကျိုက္ကသာ မှာ စစ်တောင်းမြစ်ဝတွင်ရှိပြီး ဇုတ်သုတ်မှာဘီးလင်းမြစ်ဝ တွင်ရှိသည်။ရှေးဟောင်း အဆောက်အအုံ နှင့် ယဉ်ကျေးမှုလက် ရာ အကြွင်းအကျန် များတွေ့ရှိရပါသည်။
  ဒုတိယ သုဓမ္မဝတီမြို့သည်လည်း မြို့ရိုး ခုနှစ်ထပ် ကျုံး ခုနှစ်ထပ် ဖြင့်တည်ခဲ့သည်။ တည်ထောင်ချိန်ကို မသိရပေ။ဗုဒ္ဓဘုရား မပွင်မီ ဟုသာမှတ်ရသည်။ မြို့တည်သော နေရာ မှာ ရသေ့နှစ်ပါးသီတင်းသုံးရာတောင်နှစ်ခုကြား ဟုဆိုပြီး ထိုမြို့ အတွက် မြို့ဟောင်းရာ အတည်မပြုနိုင်သေးပေ။
  
  တတိယ သုဓမ္မဝတီမြို့သည်လည်း တည်ထောင်သည့် ရက်စွဲ မသိရပေ။မြို့တည်သောနေရာမှာ ယခုသထုံမြို့ အရှေ့ က် တောင်တန်းကြီးမှ ဂေါ့တောင်၏မြောက်ဖက်အရပ် ဟုဆိုထား သည်။ယခုသထုံမြို့အနီးဝန်းကျင်ဖြစ်သည်။ အစနှစ်နှင့် အဆုံးနှစ် ကိုမသိ၍ မြို့ဟောင်းရာကိုလည်း အတည်မပြုနိုင်ပါ။
  
  စတုတ္ထ သုဓမ္မဝတီမြို့သည် တတိယ သုဓမ္မဝတီမြို့နေရာမှာပင် အသစ်ထပ်မံတည်သောမြို့ ဖြစ်ပါသည်ဥကပေါက်သောလူသား အကြောင်းပါဝင်၍ ဒဏ္ဍာရီဆန်ပါသည်။ မြို့တည်ချိန်ကား ဗုဒ္ဓ ပွင့်ချိန်နှင့် တိုက်ဆိုင်ပါသည်။အိန္ဒိယ ကျမ်းစာများတွင် မပါဝင်သော ဂဝံပတိ ရဟန္တာ အကြောင်းပါဝင်နေ၍ သုတေသန အမြင်တွင်ပြောစရာဖြစ်နေပါသည်။ သို့သော် ဂဝံပတိ ရဟန္တာ၏ အမည် သည် အိန္ဒိယတွင်မထင်ရှားလှပေ ။ပုဂံခေတ်မူလထိုး ကျောက်စာတချပ်တွင်တော့ ဂဝံတိ ရဟန္တာအမည်ပါရှိသည်။အောက်မြန်မာနိုင်ငံ၊ သထုံဒေသ တွင်မတော့ ဂဝံပတိ ရဟန္တာသည် ၎င်းပင့်ဆောင်လာ၍ ယနေ့တိုင် ကိုးကွယ် နေကြ သော သွားတော်ဓါတ်တော်များ ၊ ဗုဒ္ဓ ဆံတော်များ ကြောင့် ဖယ်ထုတ်၍မရ နိုင်သော သမိုင်းဝင်ပုဂ္ဂိုလ်ပင်ဖြစ် သည်။
  
  ရှေးဟောင်း သုတေသနအမြင်နှင့်ဆိုလျှင် ဤစတုတ္ထ သုဓမ္မဝတီ မြို့သည် မြိုရိုး(၇) ထပ် ကျုံး(၇) ထပ် နှင့်တည်သည်။တည်သောခုနှစ်ကို အတိအကျသိရသည်။ မြို့တည်စဉ်ကာလ အတွင်း သမိုင်းဝင်အဖြစ်အပျက် များစွာရှိခဲ့သည်။သထုံနယ်မှ ဆံတော်စေတီ(၁၅) ဆူ၊ သွားတော် ဓါတ်စေတီ(၁၁)ဆူ၊ အမည်ထင်ရှားလျက် ယနေ့တိုင်တည်ရှိနေသည်။ ထို့ပြင် သုဝဏမင်းကြီး တည်ထားခဲ့သော ရွှေစာရံစေတီ၊ မြသပိတ်စေ တီ၊သရကလျာဏီကုန်းစေတီ၊ ဇံသီးစေတီ၊ နန်းတော်ဦးစေတီ၊ ရဟန္တာတိုက်တော်စသည့် အဆောက်အအုံများ ယနေ့တိုင်တည်ရှိနေသည်။ဤသည်တို့မှာ ရှေးဟောင်း သုတေသန နည်းဖြင့် စူးစမ်း လေ့လာအဖြေရှာရမည် ဖြစ်သည်။သထုံမြို့ဟောင်း မှမြို့ရိုးဟောင်းများကိုလည်း ဘီစီ-၅၈၂ တွင် တည်ခဲ့သလောဟု စနစ်တကျ စူးစမ်းလေ့လာ ဖော်ထုတ်သင့် ပါသည်။
  
  ပဉ္စမ သုဓမ္မဝတီမြို့(ဥပဒေဝမြို့)သည် မြေမျိုသွားသော မြို့ရာ ဟောင်း၏တောင်ဖက် ကပ်လျှက် မြို့ရိုးသုံးထပ် ကျုံးသုံးထပ် ( ယခု သထုံမြို့ဟောင်းနေရာ)တွင်တည်ထား သည်ဟုဆို၏။
  
  ဆဌမ သုဓမ္မဝတီမြို့( ဓညဝတီမြို့ )သည်ယခု မုတ္တမ မြို့အနီး တွင် ရှိသည်။ပဲခူး၊ ဟံသာဝတီ၊ တို့ကိုထူထောင်သော သမလ နှင့် ဝိမလ မင်းသားတို့၏ မွေးရပ်ဇာတိ လည်းဖြစ်သည်။ သထုံ နှင့် ပဲခူး ခေတ်ပြိုင်ထွန်းကားခဲ့ပုံကိုလည်း လေ့လာနိုင်သည်။ သုတေသန ပြုသင့်သော မြို့ဟောင်းနေရာဖြစ်သည်။
  
  သတ္တမ သုဓမ္မဝတီမြို့ ( မရိုက်သဖုံးမြို့ ) ၊ အဌမ သုဓမ္မဝတီမြို့( ရွှေလောင်းမြို့ )၊ နဝမ သုဓမ္မဝတီမြို့တိုက်ကလား ( ဝင်းက ) ၊မူလ သုဓမ္မဝတီမှ မြောက်ဖက်သို့ ခွဲထွက်သွားသည်။ မရိုက်သဖုံး နှင့် ရွှေလောင်းမြို့တို့သည် တည်တံ့ချိန်တိုတောင်း၍ မထင်ရှား လှသော်လည်း နေရာမှာထင်ရှားရှိသည်။မရိုက်သဖုံး မြို့ဟောင်းမှ မရမ်းကုန်း ကတိုက်ကြီး ကတိုက်ကလေး တို့သည် မြန်မာပြည်တွင် ထူးခြားသော ထင်ရှားသော မြိ်ု့ဟောင်းရာများ ဖြစ်ကြသည်။ အရွယ်အစားသေးငယ်သော်လည်း မြို့တည်ပုံ ဆန်းပြားသည်။ ကတိုက်ကြီး ကတိုက်ကလေး တို့သည် ဇုတ်သုတ်နှင့် ကျိုက္ကသာ မြို့ဟောင်း တို့နှင့် တူလှစွာ ခြေဖဝါး ( ပါဒ ) ပုံမျိုး ရှိ၍ဆန်းသည်။
  
  တိုက်ကလား ( ဝင်းက ) မြို့ဟောင်းမှာ အရေးပါသော မြို့ ဖြစ်သည်။ ထိုမြို့တွင် သီရိမာသောကမင်းလက်ထက် တွင် မဇ္ဈိမဒေသ ၊ ပါလိပုတ္တရ မြို့မှ သာသနာပြု ရဟန်းတော်များ အရှင်သောဏ နှင့် အရှင်ဥတ္တရတို့ ကြွရောက်လာကြောင်း ပဲခူး ကလျာဏီ ကျောက်စာ၌ ရေးထိုးခဲ့သောကြောင့် သမိုင်းဆရာများ အမျိုးမျိုး ဝေဖန် သုံးသပ်လျက် ရှိသော ပြဿနာလည်းဖြစ်သည်။ မြန်မာ နိုင်ငံ အစောဆုံး ရှေးဟောင်းသုတေသန ပညာရှင် ဒေါက်တာ အီးဖော်ခမ်းမား ကအရေးတယူ ပြု၍ ၁၉၇၆ မှ ၁၉၇၈ အတွင်း ကုန်းပေါင်း (၆) ကုန်းအား ရှေးဟောင်းသုတေသန နည်းဖြင့် တူး ဖော်သုတေသနပြုခဲ့သောမြို့ဟောင်း ဖြစ်သည်။ဘီစီ-၃၃၆ မှ ဘီစီ-၉၄ ထိ မြို့သက်ပေါင်း (၂၄၂) နှစ်ဖြစ်ကြောင်း သိရသည်။
  
  ဒဿမ သုဓမ္မဝတီမြို့ သုဝဏ္ဏဘူမိမြို့ မှာ အရေးအပါဆုံးသော မြို့ဖြစ်သည်။ဘီစီ-၉၄ မှ ဘီစီ - ၁၀၅၇ အထိ နှစ်ပေါင်း ၁၁၅၀ နှစ်တိုင် တည်တံ့ခဲ့သော မြန်မာ့ သက်တမ်းအရှည်ကြာဆုံး ရှေးမြို့တော် ကြီးဖြစ်သည်။ မင်းဆက်ပေါင်း (၄၈) ဆက်အုပ်စိုးခဲ့ပြီး မြို့နေရာ အတိအကျ ရှိ၍ မြို့ဟောင်းရာ ကျုံးရာ နန်းတော်ကုန်းဟောင်း များ အထင်အရှားရှိသည်။ရွှေစာရံ ၊ပိဋကတ်တိုက် ၊ဖောင်တော်ဦး ဘုရား ၊သိကြားဘုရား၊ ကလျာဏီကျောက်စာ၊ ရှေးဟောင်း ကျောက်စာတိုင် အကြွင်းအကျန်များ သည် ယခုသထုံမြို့သစ် နေရာတွင် ရှိနေသည်။ ထို့ကြောင့် သထုံတွင် မတင်မကျ ပြဿ နာပေါင်း မြောက်များစွာရှိနေသည် ။ ရှေးဟောင်းသုတေသန တူးဖော်နည်းများဖြင့် စနစ်တကျ ဖော်ထုတ်နိုင်ရန်လိုအပ်လျက် ရှိပါသည်။
  
  ခေတ်ပြိုင်အယူအဆ နှင့် ထိုင်းတို့၏ သုဝဏဘူမိ။
  
  မွန်တို့၏ အိမ်နီးချင်းဒေသ ထိုင်းနိုင်ငံသည် ရှမ်းရိုးမ၊ ဒေါန တောင်တန်းနှင့် တနင်္သာရီ တောင်တန်းတို့၏ တဖက်တွင်ရှိ၍ ရေမြေ အနေအထား ကွာခြားမှုမရှိလှပါ ။လေကွယ်ဖက် ရောက်ရှိ နေ၍ မုတ္တမပင်လယ်ကွေ့တွင်ရှိသော သထုံဒေသ ထက် မုတ်သုံမိုး ထက်ဝက်ခန့် လျော့နည်း သည်။ အဓိကမြစ်ကြီး ဖြစ်သော မဲနမ် -ချောင်ဖရာမြစ်က အလယ်ပိုင်း မှနေ၍ ထိုင်း ပင်လယ်ကွေ့တွင်းသို့စီးဝင်သည်။ ထို ပင်လယ်ကွေ့ကြီးကို သုဝဏ္ဏဘူမိဖြစ်မည်ဟု စွဲလမ်း ယုံကြည် လျက် ရှိပါသည်။ ကျောက်ခေတ် သစ်ကိုလွန်မြောက်ပြီး ကြေးခေတ်၊ သံခေတ်( ဘီစီ၂၀၀၀-၅၀၀) ကိုရောက်လာသည့်အခါ သက်ရင့် တောင်တန်းကြီးဖြစ်သော အရှေ့ရိုးမတောင်တန်းမှ ငေ၊ွ ခဲ၊ သွပ် ၊ခဲ မဖြူ ၊ခနောက်စိမ်း၊စသည့် အဖိုးတန် တွင်းထွက်များအပြင် သောင်ပြင်များတွင် ရွှေကိုလည်းကျင်ယူနိုင်သဖြင့် သုဝဏ္ဏဘူမိ ဟုထင်ရှားခြင်းဖြစ်သည်။ထိုတောင်တန်းကြီး၏ အနောက်ဖက် ရှိ မုတ္တမ ပင်လယ်ကွေ့တွင် သုဝဏ္ဏဘူမိအစဉ်အလာရှိသကဲ့သို့ အရှေ့ဖက် ထိုင်းပင်လယ်ကွေ့တွင်လည်း သုဝဏ္ဏဘူမိ အစဉ်အလာ ရှိနေသည်။ ယင်းအစဉ်အလာကို ရှေးဟောင်း သုတေသန တူးဖော်မှုများက အထောက်အကူပြုပါသည်။ထိုင်းတို့သည် ဒေါနတောင်တန်းကြီး၏ အရှေ့ဖက် တောင်ခြေ မှ တစ္ဆေဂူ ( spirit cave) မှ ကျောက်ခေတ်ဂူ အောင်းလူသားများ၏ အထောက်အထားများ ၊ဘန်ကောက် (Ban Kao)ရွာမှ ကျောက်ခေတ်သစ် ရွာဟောင်းကုန်း၊ ဒုံတားဖက်ရွာမှ ကြေးနှင့် သံခေတ်ဦး ရွာဟောင်းကုန်းတို့ကို တူးဖော်တွေ့ရှိခဲ့သည်။သံခေတ် ရှေးမြို့ဟောင်းယဉ်ကျေးမှုကို ဦးထောင်းမြို့ဟောင်း၊ နမ်ကွန်ပထုံမြို့ဟောင်း၊ ကူဘူးဝါးမြို့ဟောင်နှင့် ပုန်တုတ်မြို့ဟောင်းရာတို့တွင်တွေ့ရသည်။ထိုင်းပင် လယ်ကွေ့ မြို့ဟောင်းများ၏ ယဉ်ကျေးမှုကို ဒွါရဝတီ ယဉ်ကျေးမှုဟု လည်း ခေါ်ပါ သည်။ဒွါရဝတီ မြို့တော်ကြီးကို သုဝဏ္ဏဘူမိ ဖြစ်သည်ဟု သက်သေပြရန် သုတေသန အချက်အလက်တို့ဖြင့် ထိုင်းတို့ ကြိုး ပမ်းနေကြပါသည်။သုဝဏ္ဏဘူမိမြို့ဟောင်းတည်နေရာဌာန နေရာဒေသကို ရှေးဟောင်းသုတေသနသမားများနှင့် သမိုင်း သုတေသီ များက အယူအဆကွဲပြားခဲ့ဖူးပါသည်။အောက်မြန်မာနိုင်ငံက သထုံဖြစ် သလား ၊ ထိုင်းတောင်ပိုင်းက ချိုင်းယ ( ဇယဘုမ္မိ) ဖြစ်သလား၊ ထိုင်းအလယ်ပိုင်း လွင်ပြင်မှ နမ်ကွမ်ပထုန်ဖြစ်သလား၊စူဖန်ပူရီ သုဝဏ္ဏပူရီ ဖြစ်သလားဟူသော အချက်များပင်ဖြစ်သည်။ထိုင်းနိုင်ငံ ၏ ကျောင်းသုံးစာအုပ် ( text book)တွင် အသောကခေတ်နှင့် ခေတ်ပြိုင် ရှေးဟောင်းယဉ်ကျေးမှု ပစ္စည်း များဖြစ်ကြသည့် ဓမ္မာစင်္ကြာလှည်းဘီး နှင့် သမင်ပုံ ကျောက်ဆစ် ရုပ်ကြီးကြောင့်လည်းကောင်း အိန္ဒိယ နိုင်ငံ ဆန်ချီပုထိုးတော်ကြီး နှင့်ပုံစံတူ စေတီတစ်ဆူရှိနေခြင်းကြောင့်လည်းကောင်း ထောက်ထားလျှင် နမ်ကွမ်ပထုန်မှ သုဝဏ္ဏပူရီအထိ ဖြန့်ကျက် လျက် ရှိနေသောဒေသကို သုဝဏ္ဏဘူမိ၏ ဗဟိုချက်အဖြင့် သတ်မှတ်သည်ဟု ထည့်သွင်းသင်ကြားခဲ့ပါသည်။
  
  မင်းသားကြီး ဒင်မရောင်း၏ အယူအဆ။
  
  ထိုင်း သုတေသန အသင်းကို ထိုင်းဘုရင့်တော်ဝင် မိသားစုမှ တည်ထောင် ခဲ့ပါသည်။မင်းသားကြီး ဒင်မရောင်းသည်( Prince Damrong) အသင်းကြီးတွင် အယုဒ္ဓယမြို့တော် တည်ထောင်ပုံ ဟူသောစာတမ်းကို ဦးစွာတင်သွင်းဖတ်ကြားခဲ့၍ ထိုင်းသုတေသန လှုပ်ရှားမှုကို ဦးဆောင်ခဲ့သူဖြစ်သည်။မင်းသား ကြီးသည် အောက်မြန်မာနိုင်ငံမှ သထုံကို သုဝဏ္ဏဘူမိ ဟူသော သံသယစိတ်နှင့် စိတ်ဝင်စားခဲ့၍ ၁၉၃၅ ခုနှစ်တွင် မြန်မာနိုင်ငံ ပုဂံ ၊ ရန်ကုန်နှင့် သထုံ တို့သို့ ကိုယ်တိုင်ကိုယ်ကျ လာရောက် ကွင်းဆင်းလေ့လာ ခဲ့သည်။၎င်းအမြင်၌ သထုံမြို့ဟောင်းတွင် ရှေးဟောင်း ယဉ်ကျေးမှု အဆောက်အအုံ အကြွင်းအကျန် နည်းလွန်းသည် ဟူ၍ဖြစ်သည်။မြန်မာနိုင်ငံ သမိုင်းအကြောင်း ကျွမ်းကျင်သူ ဆာဂျော့စကော့ထံမှလည်း သထုံအကြောင်းကို စုံ စမ်းရာ သထုံတွင် အစိုးရ ပြန်တမ်းဝင် ရှေးဟောင်း အဆောက်အအုံ အကြွင်းအကျန်များ နည်းလွန်းသည် ဟူသော အဖြေကို ရခဲ့သည်။ထိုစဉ်က စကော့သည် အိန္ဒိယပြည်ထဲရေး ဝန်ကြီးဌာန မှ(၁၈၈၃-၁၉၁၉) ခုနှစ်အတွင်း ထုတ်ပြန်သော အမိန့်အရ တနင်္သာရီတိုင်းနှင့် မွန်ပြည်နယ်တို့တွင် အစိုးရမှ တရားဝင်ထုတ်ပြန်ထားသော ဂေဇက်ဝင်ရှေးဟောင်း အဆောက်အအုံ ဟူ၍ ရွှေစာရံ( သထုံ) ၊ သိကြားဘုရား( သထုံ ) ၊ ဇင်းကျိုက်ဘုရား(ဇင်းကျိုက်) ၊ကော့ဂွန်းဂူဘုရား(ကော့ဂွန်း)၊ ဇွဲကပင်ဘုရား( ဘားအံ) နှင့် ကျိုက်ထီးရိုးဘုရား (ကင်ပွန်းစခန်း) တို့သာရှိသည်ဟု ဖြေကြားခဲ့ပါသည်။ထို့ဖြင့် မင်းသားကြီးမှာ မိမိကိုယ်တိုင်ကလည်း ရှေးဟောင်းအဆောက်အအုံများ မတွေ့ ရခြင်း ၊ သြဇာတိက္ကမရှိသူ ပညာရှင်တစ်ဦးကလည်း အတည်ပြု ပေးခဲ့ခြင်းကြောင့် ပုဂံခေတ် အနော်ရထာမင်းကြီးနှင့် ခေတ်ပြိုင် ထွန်းကားခဲ့သော သုဝဏ္ဏဘူမိသည် မိမိနိုင်ငံ( ထိုင်း) နိုင်ငံ အတွင်း ရှိနကွန်ပထုမ် မြိ်ု့ဟောင်းသာဖြစ်ကြောင်း ယူဆသွား ခဲ့ပါသည်။ထိုယူဆချက်ကို သက်သေထူနိုင်ရန် အတွက် ပြင်သစ် ရှေးဟောင်းသုတေသန ပညာရှင်ကြီး ဒူးပွန့်ကို နကွန်ပထုမ် မြို့ဟောင်းတူးဖော်မှုကို ဦးစီးစေပြီး ပရထုမ်စေတီ ၊မြင့်မိုရ်တောင်စေတီ၊ အပါအဝင် ရှေးဟောင်း ဌာနများကို သုတေ သနပြု ဖော်ထုတ် စေခဲ့သည်။ ကမ္ဗည်းကျောက်စာရှင် ဂျော့ဆေး ဒေးက နကွန်ပထုမ် မှ ယေဓမ္မာ ဂါထာ အုတ်ခွက်စာ လက်ရေး ကိုလေ့လာ၍ အေဒီ ၇- ရာစု ရက်စွဲကို သတ်မှတ်ပေးခဲ့သည်။ ဒူးပွန့်ကလည်း မြင့်မိုရ်တောင်စေတီ ၏ပန္နက် တောင် ပုဂံကျန်စစ် သားမင်းကြီး၏ ကောင်းမှု အာနန္ဒာဂူဘုရား၏ ပန္နက်တော်နှင့် ဆင်တူကြောင်း ကောက်ချက်ချပေးခဲ့သည်။ ယင်းအဖြေတို့ကိုထောက်ထား၍ နကွန်ပထုမ် သည် ပုဂံနှင့် ခေတ်ပြိုင်ထွန်းကားသော (သို့) ပုဂံ မတိုင်မီက မြို့တော်တစ်ခုဖြစ်ခဲ့ကြောင်း အနော်ရထာမင်း လာရောက်တိုက်ခိုက်သော သုဝဏ္ဏဘူမိမှာ နကွန်ပထုမ် ဖြစ်ကြောင်း စစ်ချီလာသော အနော်ရထာမင်းနှင့်အတူ သူရဲကောင်း ကျန်စစ်သားသည်လိုက်ပါလာ၍ မြင့်မိုရ်တောင် စေတီ ကိုတွေ့မြင်ပြီး အာနန္ဒာဂူဘုရားကို ပုံစံတူတည်ခဲ့ကြောင်း သမိုင်းကြောင်းကောက်ချက်ချမှုများ ကြုံတွေ့ လာပါသည်။သုဝဏ္ဏဘူမိသည် သထုံတွင်မရှိ နမ်ကွမ်ပထုန် တွင်သာ ရှိသည် ဟုလည်း သတ်မှတ်လိုက် ကြပါသည်။ ထို့ပြင် မင်းသားကြီး ဒမ်ရောင်းက ဖရာ့ ကျောက်ဥတောင်းမင်းက အယုဒ္ဓယ နိုင်ငံကို မတည်ထောင်မီ ယိုးဒယားနိုင်ငံသမိုင်းဟူသောစာတမ်းကို ထိုင်း သုတေသနအသင်းဂျာနယ်တွင် တင်ပြလိုက်ပါသည်။ဒေါက်တာ ကွာရစ်ဝေးလ် နှင့် ပေါဝစ်တလေ ဆိုသူတို့ကလည်း ၎င်း အယူအဆ နှင့် ဆင်တူရိုးမှား ဖော်ပြလာကြပါသည်။
  
  ထိုင်းသုတေသနတူးဖော်မှု၏ဂရက်။
  
  နကွန်ပထုမ် ၊ ဥထောင်း၊ ပုံထုတ်၊ကူဘူးဝါး၊ လော့ယူရီ၊မူဝင်ဖရာ ရွတ်၊ ဒုံစရီမဟိုစွတ်၊ စရီထက်၊ ဘန်ခူမူဝင်၊ စပ်ချန်ပါ၊ လန်ဖုံး စသည်တို့သည် ဒွါရဝတီ မြို့ဟောင်းတို့ဖြစ်ကြပါသည်။ဒွါရဝတီမြို့ဟောင်းတို့တွင်တွေ့ရသော ရှေးဟောင်း အဆောက်အအုံများ၏ ဗိသုကာ လက်ရာတို့ မှာ အိန္ဒိယ အရှေ့မြောက် ပိုင်း ဂုပ္ပတ ခေတ်တွင်တွေ့ရသော လက်ရာ များ ဖြစ်ကြောင်းသိရပါသည်။ ကျောက်စာ ၊ ကြေးပြားစာ စသည့် စာ အရေးအသားမှာလည်း ဂုပ္ပတ ခေတ်အရေးအသားများ ဖြစ်သည်။ဗုဒ္ဓဆင်းတုတော်များ လက်ရာနှင့် ဓမ္မစင်္ကြာလှည်းဘီး လက်ရာတို့မှာ ဗာရာဏသီ ၊ဆာရ်နတ်ဒေသ အနုပညာ ဟန်မျိုး ဖြစ်၍ မောရိယ ခေတ်အနုပညာ နှင့် ဆက်နွယ်မှုရှိသည်။
  ဒုတိယ ကမ္ဘာစစ်ကြီး ပြီးသွားပြီးနောက် သေမင်းတမန် ရထားလမ်း ဖောက်လုပ်ရေး လုပ်ငန်းတွင် ပါဝင်ခဲ့သော ရှေးဟောင်း သုတေသန ပညာရှင် ဒတ်ရ်ှလူမျိုး သုံ့ပန်း ဗီဟီ ကေရင် ဆိုသူသည် စစ်အတွင်းတွင် ဤဒေသ၌ ကျောက်ခေတ် လက်နက် ကရိယာ များကိုတွေ့ ရှိ ခဲ့ ရာမှ စစ်ပြီးသွား သောအခါ ထိုင်းအစိုးရကိုခွင့်တောင်းပြီး သုတေသနပြုခွင့် ရသွားခဲ့သည်။ ၎င်း အခွင့်အရေးမှာ အစဉ်အလာ တစ်ခုလည်း ဖြစ်သွားခဲ့ ပါသည်။ ထိုင်း၊ အမေရိကန်၊ သြစတေးလျ၊ ဗြိတိန် နှင့် နယူး ဇီလန် ရှေးဟောင်း သုတေသီများနှင့်ပါ လက်တွဲဆောင်ရွက် ခဲ့သည် အထိ တိုးတက်ခဲ့သည်။ ဗီဟီကေရင်၏ သမိုင်းမတင်မီ ခေတ် ရှာဖွေတွေ့ရှိမှုများကြောင့် ထိုင်းတို့သည်လည်း သမိုင်းမ တင်မီခေတ်ကို အထူးစိတ်ဝင်စား၍ ရှေးမြို့ဟောင်း ဒွါရဝတီ ကို တူးဖော်၍သုတေသနပြုခြင်းများကို အရှိန်အဟုန်မြှင့် ဆောင်ရွက် ခဲ့သည်။ ထို့ကြောင့် ၁၉၅၃ မှ ၁၉၉၆အတွင်း ဒွါရဝတီ မြို့ဟောင်းရာပေါင်း ၁၃ ခုကို တူးဖော်သုတေသန ပြုနိုင်ခဲ့သည်။ နည်းပညာ အားသာချက်များ အင်မတန်ကောင်းသော ပံ့ပိုးမှုများ နှင့် ထိုင်းတို့၏ သုဝဏဘူမိ ရှာပုံတော်သည် ဤမျှထိ ခရီးပေါက်နေသော်လည်း သထုံမြို့ဟောင်း အတွက်မူ တိမ်ခိုးများဖုံးလွှမ်း ခံရသလို မှုန်ဝါးလှသည်။ခေတ်ပြိုင်မှတ်တမ်း များထဲတွင်လည်း ဒွါရဝတီ ယဉ်ကျေးမှုသည် သုဝဏ္ဏဘူမိ ယဉ်ကျေးမှုနှင့်ဆက်စပ်လျှက် ရှိပေရာ ရှေးဟောင်း ဗိသုကာလက်ရာတို့မှာ ဆင်တူရိုးမှားဖြစ်နေသည်မှာမဆန်းလှပေ ။ သို့သော် ထိုင်းသုတေသီတို့ တူးဖော်အဖြေရှာခဲ့သလို သံသယ နေရာ အဖြစ်သတ်မှတ်ခြင်းခံရသော သထုံကို တူးဖော်အဖြေရှာ၍ ပေါ်ထွက်လာသော ရလာဒ်များကို တ်ိုက်ဆိုင်ကြည့်သင့်ပါသည်။ ထိုအခါမှ မည်သည့်မြို့ဟောင်းသည် သုဝဏ္ဏဘူမိ ဖြစ်ကြောင်း အတည်ပြုသင့်သည်မှာ သမိုင်းသုတေသီကောင်းတို့၏သိက္ခာ အမှန်ပင်ဖြစ်သည်။ ဤသို့အားဖြင့် နကွန်ပထုမ် ကို သုဝဏ္ဏဘူမိ ဟုအတည်ပြုလိုက်ခြင်းအားဖြင့် မြန်မာတို့အတွက် ဂုဏ်ယူဖွယ် အလွန်ရှေးကျသော ၊ ဘာသာရေး ကနဦး ပြယုဒ်ဖြစ်သော မြန်မာ့ ပိုင်မြို့ ကြီးတစ်ခု၏ သမိုင်းကြောင်း အမွေအလု ခံလိုက်ရခြင်း သည် အိမ်နီချင်းဆိုးများကိုသာ အစဉ်အဆက်ပိုင်ဆိုင်လာသော မြန်မာနိုင်ငံကြီးအတွက် မပြယ်နိုင်သော ကျိန်စာတစ်ခု သာဖြစ်တော့သည် ။သို့သော် အမွေစစ်သည်ကား အမိမြေအပေါ် တွင်တည်ရှိရိုးမှန်လျှင် စနစ်တကျ ဖော်ထုတ် သင့်သည်။ မည်သို့သောရလာဒ် ပေါ်ထွက်လာသည်ဖြစ်စေ တည်ငြိမ်စွာ လက်ခံပေးနိုင်စွမ်း လည်းရှိရမည်။ နောင် ဆောင်းပါး များတွင် ပညာရှင်များ မည်သို့အငြင်းပွား၍ ရာမညတိုင်း၏ အဖိုးမဖြတ်နိုင်သော ယဉ်ကျေးမှု အမွေအနှစ် ဖြစ်သော သုဝဏ္ဏဘူမိကို မည်သို့ ကျိုးစား ဖော်ထုတ်ခဲ့ကြသည်ကို ဆက်လက်ဖော်ပြပါဦးမည်။
  သျှင် လေညင်း ။ ။ ( ၉ ၊၃၊ ၂၀၁၃ )
  
  ကိုးကား ;ဦးစံဝင်း(သမိုင်းသုတေသန) သုဝဏ္ဏဘူမိသုတေသန
  
  https://www.facebook.com/photo.php?fbid=480762268639296&set=a.474475725934617.100938.474473762601480&type=1

  Unlike · · 151 · 37 minutes ago · 

   

  By :

  • 

    Rango Black was tagged in သမိုင်း သက်သေတည်ပါစေ။'s photo.

  • 
    
  • You and 14 others like this.
  • 

    Lin San Letpanpya မသိမီလိုက်တဲ့ သမိုင်းအကြောင်းအရာလေးတွေ လေ့လာစူးစမ်းနေရတာ စိတ်ဝင်စား မွေ့ပျော်ဖို့ ကောင်းပါတယ်။``သုဝဏ္ဏဘူမိ``ကို ခြေရာခံ လိုက်ရှာနေတဲ့ သျှင်လေညင်းရဲ့ သုတေသနဆောင်းပါး(ပို့စ်)ကနေ ဗဟုသုတတွေ အများကြီးရပါတယ်။ နောက်စီးရီးတွေကို စောင့်ဖတ်ချင်မိပါတယ် ....ကျေးဇူးအထူးပါ .....သျှင်လေညင်းခင်ဗျာ။