စင်ကာပူအိမ်ရှင်ကို သတ်သည်ဆိုသော မြန်မာအိမ်အကူ စိတ်ကျန်းမာရေးပုံမှန် မဟုတ်၍ တရားရုံးမထုတ်နိုင်သေး

စင်ကာပူနိုင်ငံတွင် ပြီးခဲ့ သည့် နှစ်လခန့်က အသက် (၈၅) ကျော်အရွယ် အိမ်ရှင်အမျိုးသမီး ကို သတ်၍ ရေကူးကန်ထဲ၌ ပစ်ချထားသည်ဟု စင်ကာပူထုတ် သတင်းစာများက ဖော်ပြခဲ့သော မြန်မာအိမ်အကူ အမျိုးသမီးအား ဖမ်းဆီးထားသော်လည်း စိတ်ကျန်းမာရေးအခြေအနေပုံမှန် မဟုတ်၍ တရားရုံး စစ်မေးမှုများ တွင် တက်ရောက်နိုင်ခြင်းမရှိ ကြောင်း သတင်းရရှိသည်။

မသန်းသန်းဝင်းသည် ၎င်း အား အမြဲဆူပူနေသော အိမ်ရှင်အ ဘွားကြီးကို ကျန်အိမ်သားများ မရှိချိန်တွင်သတ်၍ ရေကူးကန်ထဲပစ်ချထားသည်ဟု စင်ကာပူတရားရုံး၌  တရားစွဲဆိုထားသော်လည်း စိတ်ကျန်းမာရေး ပုံမှန်အခြေအနေမရှိ၍ ဆရာဝန်နှင့် ပုံမှန်ပြသနေရကြောင်း ၎င်းကို ကူညီစောင့် ရှောက်ထားသူ စင်ကာပူအခြေစိုက်ဟုမ်းစင်တာမှ မကစ်တီက ပြောကြားသည်။

‘‘အိမ်ရှင်အဘွားကြီးဆူ ကြောင်း၊ စကားများကြောင်းတော့အောက်ထပ်က မြန်မာအ မျိုးသမီးကို သူပြောဖူးတယ်။ သူ့ ကလေးဘ၀ကလည်း မကောင်းခဲ့ဘူး။ အဖေက မိန်းမတွေ အများကြီးယူထားပြီး တာဝန်မကျေဘူးပေါ့။ သူ့မှာ စိတ်ညစ်စရာတွေ ရှိပေမယ့် သူသိပ်ချစ်ရတဲ့ မောင်လေးအတွက် သူသည်းခံပြီးလုပ်နေတယ်လို့ သူ့ဟန်းဖုန်းထဲမှာ ရေးထားတာတွေရှိတယ်။  အဲဒါတွေအခုရဲက သိမ်းထားတယ်။ သူ့စိတ်က ပုံမှန်မရှိတာတော့ သေချာတယ်။ ဆရာဝန်နဲ့ ပုံမှန် ပြနေတယ်’’ဟု မကစ်တီကပြောသည်။

စိတ်ပိုင်းဆိုင်ရာချို့ယွင်းမှု ရှိသော်လည်း အမှုမှာ တရား ရုံးကိုရောက်နေပြီဖြစ်၍ စွပ်စွဲခံရ သူ မသန်းသန်းဝင်းမလာနိုင်ပါက ဗီဒီယိုရိုက်ယူ၍ တရားရုံးက စစ် မေးမှုစတင်နေကြောင်း၊ ရုံးချိန်း လေးချိန်း ကြားနာပြီးဖြစ်ကြောင်း သိရသည်။

‘‘စစ်ဆေးမှုတွေကတော့ မရပ်ဆိုင်းပါဘူး’’ဟု ၎င်းကပြော သည်။

စင်ကာပူရောက် မြန်မာ အသိုင်းအ၀ိုင်းတွင်လည်း မသန်း သန်းဝင်းမှာ ကျန်းမာရေးအခြေအ နေမကောင်းသဖြင့် စစ်မေးမှုများ မပြုနိုင်သေးဟု သိရကြောင်း စင် ကာပူမြေအောက်ရထားလိုင်း SMRT မှ အင်ဂျင်နီယာကိုဇော်မိုး ကလည်းပြောသည်။

‘‘စင်ကာပူမှာက အိမ်အကူ ခေါ်ရင် လူ့စွမ်းအားဝန်ကြီးဌာန က ပေးရမယ့် Leavy ကြေးရယ်။ အိမ်အကူလခရယ်ပေါင်းလိုက် ရင် ဒေါ်လာရှစ်ရာလောက်ဖြစ် နေပြီ။ ဒီမှာ အိမ်ဖော်တွေရဲ့ ဘ၀က တော်တော်ဆိုးပါတယ်။ နှိပ်စက်မှုတွေမရှိဦးတော့ ထမင်းမစားရတာများတယ်။ ဒီကလူတွေက လူပိုတစ်ယောက်ဆန်ဖိုး၊ ဟင်းဖိုးပါလိုက်တွက်တာ။ ကျွန်တော့် အသိတရုတ်မတစ်ယောက်ဆို သူ့အိမ်ဖော်ထမင်းအရမ်းစားလို့ ညည်းပြတာကြုံဖူးတယ်’’ဟု ကို ဇော်မိုးကပြောသည်။

ထို့ကြောင့်စင်ကာပူအိမ်ရှင် အများစုက အိမ်အကူများအတွက် ခေါက်ဆွဲခြောက်ထုပ်များဖာ လိုက်ဝယ်ထားပြီး နံနက်နှင့်ညကိုတစ် ထုပ်စီသာကျွေးကြောင်း ၎င်းက ပြောသည်။

‘‘ဒီအမှုက သတင်းတော့ ကြားတယ်။ စင်ကာပူမှာ အလုပ် လုပ်ရတဲ့ မြန်မာတွေမှာ ဖိအား တွေများတယ်။ ဒါက ဘယ်နိုင်ငံ မှာပဲဖြစ်ဖြစ် ကိုယ့်နိုင်ငံမဟုတ် တော့ အလုပ်လုပ်ရတာ ဘယ် ပျော်ကြမလဲ။ ပညာတတ်လည်း ပညာတတ်အလျောက်စိတ်ညစ် ရတာတွေရှိတယ်။ အခုဒီလူသတ် မှုက သူနဲ့ အိမ်ရှင်အဘွားကြီးပဲ ကျန်ခဲ့တာ။ သူသတ်တယ်လို့ တော့ အများစုက ငြင်းမရအောင် ထင်ရှားတယ်ပေါ့။ ဒါပေမဲ့ တကယ်သတ်ချင်ရင်တောင်  နာ ကြည်းချက်နဲ့  လုပ်တာမဟုတ် လောက်ဘူး။ အဘွားကြီးက အရမ်းလည်း ဆူပူတော့ စိတ်ဖိစီးမှုအရမ်းများသွားပြီး ထွက်ပေါက် မဲ့သွားလို့ဖြစ်နိုင်ပါတယ်’’ဟု စင် ကာပူရောက် အိုင်တီကျွမ်းကျင်သူ မသင်းစုလဲ့က ပြောသည်။

နောက်တစ်ကြိမ်ရုံးချိန်းမှာ ဇူလိုင် ၁ ရက် နံနက် ၉ နာရီဖြစ် ပြီး မသန်းသန်းဝင်းဘက်က Homeစင်တာမှ မကစ်တီ တက်ရောက်ကြားနားမည်ဖြစ်ကြောင်း  သတင်းရရှိသည်။

7Day Daily