ရန်ကုန်- အောက်တိုဘာ ၂၄
ကချင်ပြည်နယ် မံစီမြို့နယ်အတွင်း တရားမ၀င်
သစ်ခုတ်လှဲ၍ စုပုံခြင်း၊ ပြည်ပသို့ သစ်ခိုးထုတ်ခြင်းများကြောင့်
နယ်မြေရှင်းလင်း ဆောင်ရွက်ရာ ကျွဲနွားမှောင်ခို သမားများ ဖမ်းဆီး ရမိပြီး
လက်နက်ငယ်၊ ကျည်နှင့် ဆက်စပ်ပစ္စည်းများ ၊ နွားများ၊ သစ်တင်ယာဉ်များ၊
သစ်များ သိမ်းဆည်းရမိခဲ့ကြောင်း သိရှိရသည်။
မံစီမြို့နယ် မံစီ၊ မိုးမိတ်၊
မဘိမ်းနယ်မြေအတွင်း နယ်မြေခံ စစ်ကြောင်းက ရှင်းလင်း ဆောင်ရွက်ရာ အောက်တိုဘာ
၂ ရက်မှ ၅ ရက်အထိ ယာဉ်မျိုးစုံ ၇ စီး၊ သစ်မျိုးစုံ ၃၃၄ တုံး၊ ဆီတိုင်ကီ
အလွတ် ၁၂ လုံး၊ ကျွဲနွား မှောင်ခိုသမား ၁၂ ဦး၊ ကျွဲ ၉ ကောင်၊ နွား ၂၂
ကောင်တို့အား ဖမ်းဆီးရမိခဲ့ကြောင်း သိရသည်။
အလားတူ အောက်တိုဘာ ၁၇ ရက်နေ့နှင့် ၁၈
ရက်တို့တွင် ကျွဲနွားမှောင်ခိုသမား ၁၉ ဦး၊ နွား ၅၆ ကောင် ကို
ဖမ်းဆီးရမိပြီး သစ်ခိုးထုတ်သူများ ထားရှိခဲ့သော သစ်တင်ကရိန်း ၅ စီး၊
သစ်မျိုးစုံ တန် ၂၀၀ နှင့် သစ်ခိုးထုတ်မှုတွင် ပါဝင်ပက်သက်သည်ဟု ယူဆရသူ
တစ်ဦးတို့အား ဖမ်းဆီးရမိခဲ့ကြောင်း သိရသည်။
စက်တင်ဘာ ၃၀ ရက်မှ အောက်တိုဘာ ၂၀ ရက်အထိ
နယ်မြေရှင်းလင်း ဆောင်ရွက်စဉ် အလောင်းတစ်လောင်း၊ လက်နက်ငယ် ၁ လက်၊
ကျည်အတောင့် ၂၀၀၊ ကျည်ကတ် ၃ခု၊ လက်ပစ်ဗုံး ၆ လုံး၊ ကျည်ကာအကျီင်္ ၄ ထည်၊
ကျည်ကာဦးထုတ် ၄ လုံး၊ လမ်းလျှောက် စကားပြောစက် ၂လုံး၊ ကျွဲနွားမှောင်ခို
၃၁ ဦး၊ သစ်ခိုးထုတ်မှုတွင် ပါဝင်ပက်သက်သည်ဟု ယူဆရသူ တစ်ဦး၊ ကျွဲ ၉ ကောင်၊
နွား ၇၈ ကောင်၊ ယာဉ်မျိုးစုံ ၁၂ စီး၊ သစ်မျိုးစုံ ၂၂၆ ဒဿမ ၈တန်တို့ကို
ဖမ်းဆီးရမိခဲ့ကြောင်း ကာကွယ်ရေး ဦးစီးချုပ်ရုံး (ကြည်း) မှ သတင်းရရှိသည်။
မြဝတီ
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။