မြင်မြင်ကရာ မကောက်တော့ပါ

ဒီတစ်ခါကြုံတာလေးကိုပြောပြမယ်။ အဲဒီနေရာ အဲဒီအိမ်နဲ့ အဲဒီတုန်းကလူတွေ အခုထိရှိနေကြဆဲပဲ သွားရောက်စုံစမ်းနိုင်ပါတယ်။

နေရာ ရန်ကုန်မြို့။မင်္ဂလာဒုံမြို့နယ်။ ဗဟိုနိုင်ငံရေးရှေ့

အချိန်။ ။ ၁၉၉၃ ခုနှစ်၊ အစောပိုင်း (ကျွန်တော့်အသက် (၁၅)နှစ်အရွယ်ပေါ့။)

အဲဒီနေရာမှာ ကကနက်(ကာကွယ်ရေးဝန်ကြီးဌာန၊စစ်လက်နက်ပစ္စည်းညွှန်ကြားရေးမှူးရုံး)အပိုင် အရာရှိအိမ်တလုံးနဲ့ ကကဆေး(ကာကွယ်ရေးဝန်ကြီးဌာန၊ ဆေးဝန်ထမ်းတပ်ဖွဲ့ညွှန်ကြားရေးမှူးရုံး) အပိုင် အရာရှိအိမ်တလုံးတွဲလျက်ရှိတယ်ဗျ။ ရောက်ဘူးသူတွေသိကြမှာပါ။ အခုအဖြစ်အပျက်က ကကနက်အပိုင် အရာရှိအိမ်မှာဖြစ်တာပါ။ အဲဒီအိမ်က အရာရှိရဲ့ ဘက်စ်မင်းက ကျွန်တော်တို့နဲ့ ဘောလုံးကန်ဘက်၊ ပိုက်ကျော်ခြင်းကစားဖက်ဗျ။ အဲဒီနေ့မှာ ကျွန်တော့်အကိုရယ်။ ကျွန်တော်ရယ်။ သူငယ်ချင်းနှစ်ယောက်ရယ်။ သူ့ကိုခြင်းခတ်ဖို့ ညနေ (၄) နာရီလောက်မှာ သူအိပ်တဲ့အဆောင်လေးမှာသွားခေါ်တာပေါ့။ အဲဒီမှာ သူ့ကိုတွေ့ရတာ တမျိုးပဲ။ မျက်လုံးကပွင့်လျက်သားဖြစ်နေပြီး ကျွန်တော်တို့ကိုတွေ့လျက်နဲ့ မမြင်သလိုပဲ။ ကျွန်တော်တို့ကတော့ သူ့နာမည်ကိုခေါ်ပြီး လာလေကွာ သွားမယ် ဘာညာပေါ့ပြောပြီးခေါ်တာ ခေါင်းပဲခါတယ်ဗျ။ ဘာမှမပြောဘူး။ အဲဒီမှာ အကိုက သူငယ်ချင်းတွေဆိုတော့ နောက်တယ်ထင်ပြီး နားရင်းကိုအုပ်လိုက်တာ အကိုကိုပြန်ကြည့်တဲ့မျက်လုံးနဲ့အမူအယာကိုကြည့်ပြီး ကျွန်တော်တို့အားလုံး ကြက်သီးတွေထသွားကြတာ မျက်လုံးက လုံးဝမျက်တောင်မခတ်ဘူးဗျာ။ ကြည့်တာမှစူးစူးရဲရဲ အဲဒါနဲ့ အကိုက တခုခုပဲဟေ့ကောင်တွေ ချုပ်ပြီးအိမ်ပေါ်တင်ကွာဆိုပြီး လေးယောက်သားချုပ်ပြီးအတင်မှာ အတင်းရုန်းပြီး ဆောင့်ကန်လိုက်တာ အကိုလုပ်သူ သွားကျွတ်ပါလေရော။ ဒါပေမယ့်လေးယောက်သားတက်ညီလက်ညီချုပ်ပြီး အိမ်ပေါ်တင် ဘုရားခန်းထဲအရောက်ပို့လိုက်ကြတယ်။ ဘုရားခန်းထဲအရောက်မှ မျက်လုံးစုံမှိတ်ပြီး ဟိုဟာတွေဖြုတ်ပေး ဟိုဟာတွေဖြုတ်ပေးဆိုပြီးလေက်ညှိုးထိုးအော်တော့တာပဲ သူလက်ညှိုးထိုတဲ့နေရာတွေကိုကြည့်လိုက်တာ ဘုရားခန်းရဲ့ ထောင့်ရှစ်ထောင့်မှာပူဇော်ထားတဲ့ ပဌာန်း (၂၄) ပစ္စည်းစက်ဝိုင်းတွေပဲ။ အဲဒီမှာ အကိုက မဖြုတ်ပေးဘူးကွာတိတ်တိတ်နေဆိုပြီး မျက်နှာကို ခြေထောက်နဲ့စကန်တော့ ကျွန်တော်တို့ကလည်း အနောက်က ၀ိုင်းအားပေးကြတာပေါ့ တယောက်တလက် ကျောင်းသားလက်ဆိုလား စကားတောင်ရှိသေးတာပဲ။ ပြီးတော့အဲဒီအချိန်မှာ သူဟာ ပုံမှန်မဟုတ်ဘူးဆိုတာလဲသိနေပြီလေ။

အဲဒီလိုကန်ကြ၊ ကျောက်ကြ ခြေသွေးကြပြီးတော့ သူငယ်ချင်းတယောက်က လူကြီးတွေကိုသွားပြော နောက်တယောက်က ကျွန်တော်တို့အတွက် မုန့်သွားဝယ်နေတုန်း ညီအကိုနှစ်ယောက်ထဲကျန်ခဲ့တယ်။ သူကလည်းကြမ်းပြင်ကြီးမှာပက်လက်ကြီးပေါ့ ။နှစ်ယောက်သားမောမောနဲ့ထိုင်နေတုန်း အကိုခြေဆင်းထားတာကို သူ့ခေါင်းနဲ့အထိမှာ

“ငါ့ကိုဘာလို့ ကန်တာလဲ” ဆိုပြီး ခြေထောက်ကိုဆွဲကိုက်တာ အကိုကလည်းအတင်းရုန်း ကျွန်တော်ကလဲ ခေါင်းကိုကန် အဲဒီမှာမှ လွှတ်ပေးတယ်ဗျ။ အဲဒီနောက်နှစ်ယောက်စလုံးမွှန်သွားပြီး အိပ်ခန်းထဲဝင် ကုတင်တိုင်တွေချွတ်ပြီး မျက်နှာနဲ့ခေါင်းကိုချည်းပဲ ညီအကိုနှစ်ယောက် စိတ်ကြိုက်ရိုက်ကြတာများ တလက်မခွဲပတ်လည် တိုင်လေးတိုင်ကုန်တဲ့အထိပဲ ဘာမှမဖြစ်ဘူးဗျ။ အား အား နဲ့ပဲအော်နေတာ။ အဲဒီအချိန် လူကြီးတွေရောက်လာတော့ အားလုံးတယောက်တပေါက် ၀ိုင်းပြောကြဆွေးနွေးကြနဲ့ ညနေစောင်းသွားရောဗျာ။ အဲဒီမှာ ပယောဂဆရာဆိုလားပင့်လာပြီး ကုတာပေါ့။ လာကြည့်ကြတဲ့သူတွေလည်း ရာနဲ့ချီတယ်ဗျ။ အနီးအနားက လိုင်းခန်းကလူတွေ အကုန်လာကြည့်ကြတာ။ အဲဒီသရဲက 007 ၀င်ပူးသလားထင်ရတယ်ဗျ။ ကျွန်တော်တို့နဲ့ (၇) မိုင်လောက်ဝေးတဲ့ ရွာမှာ နွားပေါ်နေတာကအစသိတယ်ဗျ။ အဲဒီကနွားသားစားချင်တယ်ဆိုပဲ။ လူကြီးတွေ သွားကြတော့ တကယ်ဟုတ်တယ်တဲ့ဗျ။ စားလိုက်တဲ့အစားကလည်း ဝေသာလီပြည် ဘီလူးစီးသလားအောက်မေ့ရတယ်။ လူလေးငါးယောက်စာမကဘူး တထိုင်ထဲစားတာ ဒီလိုနဲ့ အဲဒီပယောဂဆရာနဲ့ အဆင်ပြေတော့မယ်ကြံကာရှိသေး လာကြည့်တဲ့အထဲက ကောင်မလေး ( ၁၅ နှစ်လောက်ရှိပြီ။) တယောက်ကို ဘယ်သူတွန်းလိုက်တယ်မသိ ၀ိုင်းထဲရောက်လာတယ်ဗျ။ အဲဒီမှာပဲ ၀င်ပူးနေတဲ့ ကျွန်တော်တို့ဇာတ်လိုက်ကျော်ကြီးက ဇာတ်လမ်းစတော့တာပဲ။ ဆရာကို “နင်က ဘာကောင်မို့လို့ ငါတို့ကို အမိန့်ပေးနေရတာလဲ” ဆိုပြီး ပွဲကြမ်းတော့တာပဲ။ ဆရာလည်း အဲဒီမှာတင် အားလုံးသတိထားကြပေတော့ မရတော့ဘူး စည်းပေါက်ပြီဆိုပြီး သူလည်းရှက်တောင်မရှက်တော့ဘူး။ ချက်ချင်းကိုဆင်းပြေးတော့တာပဲ။ လာကြည့်တဲ့ပရိတ်သတ်တွေလည်း ဆရာတောင်ပြေးပြီဆိုမှတော့ နောက်ကျတဲ့ခြေထောက် သစ္စာဖောက်ပဲပေါ့။ နောက်ဆုံးကျွန်တော်တို့အပါအ၀င် ယောက်ျားလေးချည်းပဲ ၁၅ ယောက်လောက်ပဲကျန်ခဲ့တော့တယ်။ အားလုံးကညီတော့ညီတယ်။ လက်နက်ကိုယ်စီကိုင်ထားကြတာပေါ့။ ရုတ်ရုတ်ရုတ်ရုတ်လုပ်ရင်တော့ နွှာမှာပဲဆိုတဲ့ရုပ်တွေအကုန်လုံးမှာပေါ်နေတယ်ဗျ။ လူသိရှင်ကြားဆိုတော့လည်း ဘာဖြစ်ဖြစ် အမှုမစပ်ဘူးလေဗျာ။ သူကလည်းလည်သလားတော့မသိဘူး။ ဘာမှမလုပ်ဘူးဗျ။ ဒီအတိုင်းပဲစကားတွေပြောနေတာ သူပြောတဲ့အကြောင်းအရာတွေက အင်းစိန်ဘိုကုန်းက ညောင်ပင်ကြီးလည်းပါရဲ့၊ အဲဒီမှာ သူ့အကိုရှိတယ်ဆိုပဲ။ နောက် မင်္ဂလာဒုံဈေး အသားဆိုင်တွေနောက်က ညောင်ပင်ကြီးလည်းပါရဲ့ အဲဒီမှာ ကုလားမတကောင်နေတယ်ဆိုပဲ။ နောက်ပြောတာကတော့ သူ့ကို ထန်းပင်ကုန်းကားမှတ်တိုင်နားက အပင်ကိုလှဲပြီးခေါ်လာတာတဲ့။ သူ့အပြင် ဒီမှာနောက်ထပ်အဖေါ်အပေါင်းတွေရှိသေးတယ်ဆိုပဲ။ အဲဒီအချိ်န်မှာပဲ အဲဒီအိမ်က ဗိုလ်မှူးကတော်က နောက်ထပ်ဆရာတယောက်ကိုပင့်လာတယ်။

အဲဒီဆရာကို ပွဲစတာနဲ့ အဲ့ဒီကောင်ကြီးကပွဲကြမ်းတော့တာပဲ။ ဆရာကသူတို့ပညာနဲ့လုပ်လိုက် (ကျွန်တော်လည်းနားမလည်ပါဘူး။ နဂါးပတ်ကျော့ကွင်းတွေလည်းပါရဲ့။ ဆေးကြိမ်လုံးဆိုတာလဲပါရဲ့။) ပူးတဲ့အကောင်က နောက်တယောက်ပြောင်းသွားလိုက် (နောက်တယောက်ပြောင်းသွားတယ်ဆိုတာ ဒီလူတယောက်ထဲကိုပဲ အလဲအလှယ်နဲ့ ၀င်ပူးကြတာကိုဆိုလိုတာပါခင်ဗျာ။) အဲဒီလိုပြောင်းသွားတယ်ဆိုတာ သူပြောတဲ့အသံတွေအမျိုးမျိုးပြောင်းသွားတာကိုနားထောင်ပြီးသိရသလို ကျွန်တော်တို့ဘော်ဒါကြီးရုပ်ကလည်း ပုံစံအမျိုးမျိုးပြောင်းသွားတာကိုလည်းတွေ့ရတယ်ဗျ။ နောက်ဆုံးမှာ ဆရာကမေးပြီး အရင်တယောက်လက်ထက်မှာစည်းပေါက်သွားသေးတယ်လို့ လူတယောက်ကပြောလိုက်တော့ (ချော်လဲရောထိုင်တာလားမသိဘူး။) အဲဒါကြောင့်ဖြစ်မယ် ထိန်းလို့မရတော့ဘူး ဆိုပြီး ခဏပဲနေတယ် ချက်ချင်းပြန်သွားတော့တာပဲ။ အဲဒီအချိန်မှာည 11 နာရီကျော်နေတယ်။ (ဆင်းပြေးသွားတယ်လို့တောင်ပြောချင်တယ်။) အဲဒီမှာ ကျွန်တော့်အဖေအပါအ၀င် လူကြီးတွေက ဒီအတိုင်းထားလို့မဖြစ်တော့ဘူး။ ဘာကောင်ဖြစ်ဖြစ် လက်တွေခြေတွေသံကြိုးခတ်ပြီး ဆေးရုံပို့မှဖြစ်မယ်ဆိုပြီး ဆေးရုံပို့လိုက်ကြတယ်။ ထူးဆန်းတာက လမ်းမှာ ဒီအကောင် ဘာမှမသောင်းကျန်းသလို ပါးစပ်ကပွစိပွစိပြောတာကလွဲရင် ဘာမှလည်းထူးထူးခြားခြားမဖြစ်ဘူးဗျ။ (ကျွန်တော်တို့မပါသွားဘူးဗျ ဆေးရုံကို လူကြီးတွေပြန်ပြောပြတာ) အဲ..ဆေးရုံရောက်တော့မှ ပြန်သောင်းကျန်းတာ သံကြိုးပါပြတ်ထွက်လို့ ထူးခတ်ထားရတယ်တဲ့ဗျ။ (ထူးဆိုတာ ဆင်ခတ်တဲ့ထိပ်တုံး ဆေးရုံမှာတော့ဘယ်ရှိမလဲ သံကြိုးအကြီးကြီးတွေနဲ့ နံရံကငုတ်တွေမှာတွဲပြီး ချုပ်ထားတာကိုပြောပြချင်တာ ရွာသာကြီးတို့ စစ်ဆေးရုံ အရူးဆောင်တို့ကို ရောက်ဖူးတဲ့သူတွေသိပါလိမ့်မယ်။)အဲဒီသောင်းကျန်းတဲ့အချိန်မှာ ဘယ်သူမှအနားကပ်လို့မရဘူးတဲ့။ မျက်လုံးတွေဆိုတာ ရဲပြီးကြောက်စရာတော်တော်ကောင်းတယ်တဲ့ နောက်ဆုံး စားသောက်ဆောင်က ထမင်းတွေဟင်းတွေချကျွေးမှငြိမ်သွားတော့တယ်တဲ့။ ထမင်းချပေးတဲ့ဇလုံးကိုမှောက်ပြီးကြမ်းပေါ်ကျမှ လျှာနဲ့သိမ်းပြီးစားတာတဲ့ဗျာ။ ဆရာဝန်တယောက်က ကင်မရာနဲ့ဓါတ်ပုံရိုက်ထားတာကို ကျွန်တော်တို့နောက်တနေ့ဆေးရုံသွားတော့ တွေ့ရတာ။ အဲဒီမှာတရက်နဲ့ တညကြာတယ်ဗျ။ နောက်ရက်ကျတော့မှ ဘာဆရာမှမဟုတ်တဲ့ ဘုရားတရားအရမ်းလုပ်ပြီးဘုရားတရားမြဲတဲ့ အငြိမ်းစားဆရာကြီးတယောက်ရောက်လာတယ်။ အဲဒီမှာ လူကြီးတွေက တပ်အလုပ်တွေနဲ့ဆိုတော့ ကျွန်တော်တို့ လူငယ်ငါးယောက်က အဲဒီဆရာကြီးကိုစောင့်ပေးရတယ်။ အဲဒီဆရာကြီးက ဇာတ်လိုက်ကြီးထားတဲ့အခန်းမှာ တရားထိုင်၊ ပုတီးစိတ်၊ မေတ္တာပို့ (မမတွေ ကျွန်တော့်ကိုမေတ္တာပို့သလိုတော့မဟုတ်ဘူးပေါ့။ ) အမျှတွေဘာတွေဝေပြီးမှ ဇာတ်လ်ိုက်ကြီးကို အင်တာဗျူးတော့တာပဲ။ ဘယ်ကလာသလဲ၊ ဘယ်လိုဖြစ်တာလဲ၊ မေးတဲ့အခါမှာ ပြောပြတာကတော့ သူတို့ကို အရင် နေခဲ့တဲ့သူတွေက အစောင့်ဆိုပြီးမွေးထားခဲ့တာတဲ့ အားလုံး ခုနှစ်ယောက်ရှိသတဲ့။ အခုဒီအထိပါလာတာ (၆) ယောက်တဲ့။ တယောက်က လိုက်မလာခဲ့ဘူးတဲ့။ ခေါ်လို့လည်းရမှာမဟုတ်ဘူးတဲ့။ အကောင်လည်းတော်တော်ကြီးနေပြီလို့ပြောတယ်ဗျ။

အဲဒီနောက်မှာတော့ ဘိုကုန်းမှာနေတယ်ဆိုတဲ့တယောက်က သူအဲဒီကိုပြန်ချင်တယ်တဲ့။ ပို့ပေးလို့ရရင် ပို့ပေးပါဆိုပြီးတောင်းပန်လို့ မေတ္တာပို့ပြီး လမ်းရှင်းပေးလိုက်တာ တခါတည်းသွားတော့တာပဲ။ (ကျွန်တော်တို့လည်းမမြင်ရပါဘူး။ အဲဒီဆရာကြီးပြောပြတာပဲ။) ကျန်တဲံသူတွေကိုတော့ ပုလင်းလွတ်လေးတလုံးထဲကိုမေတ္တာပို့ပြီး တယောက်ချင်းထည့်တာဗျ။ ကျွန်တော်တို့တွေ့နေတာကတော့ တယောက်ကိုခေါ်ပြီးထည့်လိုက်ရင် (နာမည်တွေတော့မပြောတော့ပါဘူး။ အလွယ်တကူ ပြောင်းပေးလိုက်ပါရစေ။ ဥပမာ။ ။ ဒေးဗစ်ဘက်ခမ်း၊ရီဝေယံ၊စိုင်းစိုင်း) စသည်ဖြင့်ပေါ့ဗျာ။ နာမည်တစ်ခုခေါ်လိုက်တိုင်း ပုလင်းလေးထဲကို အငွေ့လေးတွေ ရစ်ရစ်ပြီးကျလာတာဗျ။ အားလုံးလည်းကုန်သွားရော ပုလင်းလေးကိုပိတ်ပြီး ကျွန်တော်တို့ကို ခေါ်လို့ အဲဒီပုလင်းလေးကို ရန်ကုန်မြစ်ထဲမှာသွားမျှောလိုက်တယ်ဗျ။ အဲဒီနောက်မှာ တော့ ကျွန်တော်တို့ဘော်ဒါလည်း အနည်းအကျဉ်းနာတာကျင်တာကလွဲရင် ဘာမှမဖြစ်ပဲ ပြန်ကောင်းလာတယ်ခင်ဗျ။ သူပြောပြတာကတော့ သူအိပ်နေတုန်းစကားသံကြားလို့ကြည့်လိုက်တော့ အခန်းဝမှာမည်းမည်းမည်းမည်းတွေ ငါးယောက်လောက်ရှိတယ်တဲ့ အဲဒါနဲ့ကြောက်ပြီး အော်မယ်အလုပ်မှာ အမွှေးတွေဖုံးနေတဲ့လက်ကြီးတဘက်က သူ့ပါးစပ်ကိုပိတ်ပြီး ဆွဲလှဲလိုက်တာပဲသိလိုက်တယ်တဲ့ သတိရတော့ ဒီဆေးရုံပေါ်ရောက်နေတာပဲတဲ့။ ဒါပါပဲဗျာ။

ကျွန်တော်ကတော့ပုလင်းလေးသွားလွှင့်ပစ်တဲ့လမ်းမှာ အဲဒီဆရာကြီးပြောတဲ့စကားတခွန်း အခုထိဦးနှောက်ထဲမှာစွဲမှတ်ထားတယ်ဗျ။

“သားတို့ လမ်းမှာတွေ့တွေ့၊ မြစ်ထဲချောင်းထဲ ပင်လယ်ထဲမှာတွေ့တွေ့ ဗူးခွံတွေ၊ ပုလင်းခွံတွေ အလုံပိတ်ထားတဲ့ပစ္စည်းတွေတွေ့ရင် ဘယ်တော့မှမကောက်ကြနဲ့။ အခုအဘတို့တွေ မျှောလိုက်တဲ့ပုလင်းထဲမှာဘာတွေပါတယ်ဆိုတာ သားတို့အသိဆုံးပဲ” တဲ့။

ကျွန်တော့်ညီအကို မောင်နှမတွေလည်း သတိထားနိုင်ကြပါစေဗျာ။

နောက်ထပ်ရခဲ့တဲ့အသိတစ်ခုကတော့ နောက်ဆုံးမှာဘယ်ပညာရပ်တွေဘယ်လိုပဲပေါ်ထွန်းပါစေ အမှောင့်ပယောဂဘေးအန္တရာယ်တွေကို နှိမ်နင်းဖယ်ရှားတဲ့နရာမှာ ဘုရားတရားသာကိုးကွယ်ရာပဲဆိုတာကိုပါပဲ။

Credit to http://mmcybermedia.com/community/index.php?topic=3398.360
 

သရဲ သဘက် ဘီလူး အစရှိသော - ပေတလောကသားများအကြောင်း