တကယ့်ကို ...အစဉ်အလာနဲ့နာမည်ကြီးခဲ့တဲ့ နေရာတစ်ခုအကြောင်းကိုပြောပြမယ်ဗျာ။ ကျွန်တော်တို့ မင်္ဂလာဒုံမှာရှိတဲ့ ကျိုက္ကလို့စေတီတော်ဆိုတာ ကြားဘူးကြမယ်ထင်ပါတယ်။ အဲဒီ စေတီတော်နဲ့ ကျိုက္ကလဲ့စေတီတော်ကို တိုက်ရိုက်ဆက်သွယ်ထားတဲ့ ရိုး (ချောင်းထက် အနည်းငယ်ကျဉ်းသော) အဆင့်လောက်ရှိတဲ့ ရေကန်ကြီးရှိတယ်ဗျ။ အဲဒီရေကန်ကြီးဟာ ကျိုက္ကလို့ဘုရားရှေ့ ကားလမ်းမနံဘေးကနေ တဘက်မှာ ပင်မခဲယမ်းမီးကျောက်တပ်နောက်ကျောဘက် အထိရှည်တယ်ဗျာ။ အကျယ်အားဖြင့် ပေ ၂၀၀ လောက်ရှိပြီး အရှည်ကတော့ မိုင်ဝက်လောက်ရှိမယ်ဗျ။ အဲဒီလိုရှိနေခဲ့တာ ဘယ်အချိ်န်ထဲကလဲတော့မသိပါဘူး။ ဒါပေမယ့် လပြည့်လကွယ်မှာ တခါတခါ နန်းဝတ်နန်းစားနဲ့ မိန်းကလေးတွေ ရေခပ်ဆင်းကြသတဲ့ဗျ။ အဲဒီလိုတွေ့တတ်ကြတာ ၁၉၈၀ လောက်အထိပဲဗျ။ အဲဒီနောက် ၁၉၈၀ ကျော်ပေါ့ဗျာ။ သေသေချာချာတော့မမှတ်မိတော့ဘူး။
အဲဒီရေကန်ကို ဖြတ်ပြီး ကျိုက္ကလို့စေတီတော်ကိုသွားတဲ့လမ်းဖောက်လိုက်တာ ကန်ကိုနှစ်ပိုင်းပိုင်းသလိုဖြစ်သွားေ၇ာဗျာ။ အဲဒီမှာ ဇာတ်လမ်းစတာပဲ။ ကျိုက္ကလို့စေတီတော် ကျောင်းထိုင်ဆရာတော်ကို အိပ်မက်ပေးသတဲ့။ ကန်ကိုမင်းမိန့်နဲ့ပိတ်လိုက်လို့ ဒီဘက်ကန်မှာအစောင့်မရှိတော့ဘူးတဲ့။ အဲဒီအတွက် တစ်နှစ်ကိုတစ်ကြိမ် အစောင့်အတွက် လူခေါ်မယ်တဲ့ အဲဒီလူဟာ အဲဒီကန်ထဲမှာပဲစတေးရမယ်တဲ့။အဲဒီကစလို့ တနှစ်တစ်ခါလူစားလာလိုက်တာ ၂၀၀၁ ခုနှစ်အထိပဲ။ အဲ…လူစားပုံစားနည်းလေးပြောပြမယ်ဗျာ။ အရမ်းစည်းကမ်းရှိတဲ့ နာနာဘာဝတွေပဲ ကျွန်တော်တို့ စံနမူနာယူသင့်တယ်။ ဟိဟိ ...
ဗုဒ္ဓပူဇနိယပွဲတော်က နှစ်စဉ် ဖေဖေါ်ဝါရီလမှာကျင်းပတယ်ဗျ။ အဲဒီ ဘုရားပွဲမတိုင်ခင် တလအတွင်းမှာ အဲဒီကန်မှာ လူတွေရေနစ်သေကြတယ်။ အဲဒီလိုတယောက်ယောက်ရေနစ်မသေခင် တပတ်အလိုမှာ လူခေါ်မယ်ဆိုတဲ့အကြောင်း ကျောင်းတိုင်ဆရာတော်ကို အိပ်မက်နဲ့ SMS ပို့တယ်။ Confirm လုပ်တယ်။ အဲဒီလိုအိပ်မက်ပေးရင် ဆရာတော်က သက်ဆိုင်ရာ လူကြီးတွေကို အကြောင်းကြားတယ်။ ဒါပေမယ့် မရပါဘူး။ တယောက်မဟုတ်တယောက်နစ်သေတာပဲ။ အဲဒီထက်သေချာတာကတော့ အဲဒီလို တယောက်ယောက်ဖြစ်ခါနီးနာရီပိုင်းအလိုမှာ ကန်ရဲ့အခြားနေရာကကြည့်ရင် လှိုင်းကြက်ခွပ်လေးတွေထလာတယ်ဗျ။ ဒါပေမယ့် မြောက်ဘက်ထိပ်မှာရှိတဲ့ ဘန့်ဘွေးပင်ကြီးပေါ်ကတက်ကြည့်ရင် အဲဒီလှိုင်းကြက်ခွပ်ကလေးတွေ စုပြီးမိကျောင်းကြီး ကန်စပ်ကို ဦးတိုက်နေတာကို တွေ့ရတယ်ဗျ။ အဲဒါဆိုရင် သေချာဘီ မကြာခင်တယောက်ယောက်နစ်ပြီးသေတော့မယ်။ အဲဒီလိုသိပေမယ့်လည်း မရဘူးဗျ။ တယောက်မဟုတ်တယောက်သေတာပဲ။ နောက်ပိုင်းအဲဒီလိုဖြစ်ရင် ဘုန်းကြီးတွေ ကိုယ်တိုင်ထွက်စောင့်တာ အဲဒါလည်းမရဘူး။ လစ်တဲ့နေရာက ရေထဲဆင်းတန်းနစ်တာပဲ။ ၁၉၉၃ ခုနှစ်ကဆိုရင် အနီးအနားကတပ်တွေနေ့စဉ်အလှည့်ကျစောင့်တာ အဲဒီထဲက တပ်ကြပ်ကြီးတယောက် အချင်းချင်းစနောက်ကြရင်း ရေစပ်မှာချော်လဲတာ အဲဒီရေစပ်မှာတင်နစ်ပြီး ဆုံးသွားတယ်ဗျာ။
နောက်ပိုင်းနှစ်တွေမှာ နယ်ကလာတဲ့လူတွေချည်းနစ်ကြ သေကြတယ်။ ပဲခူး၊ တောင်ငူ၊ မော်လမြိုင် စုံလို့ပဲ။ အဲဒီနောက်မှာတော့ အဲဒီရေကန်ထဲမှာ ရှင်ဥပဂုတ္တကျောင်းဆောင်ဆောက်လိုက်ကြတယ်။ ဒါပေမယ့်မရပ်သွားဘူး။ လမ်းပေါ်တက်ပြီး ကားတိုက်ခံကြရသေးတယ်။ နောက်ဆုံး (၁၉၉၉/၂၀၀၀) တစ်ခုခုပဲ။ အဲဒီနှစ်မှာတော့ ကျောင်းထိုင်ဆရာတော်ကိုအိပ်မက်ပေးတယ်တဲ့။ “ဒီနှစ်နောက်ဆုံးအနေနဲ့ လောင်းလှေတစ်စီးစာယူမယ်” လို့ ပြောသတဲ့။ လူကြီးသူမတွေပြောကြတာကတော့ လောင်းလှေတစ်စီးမှာ လှော်သူ (၂၀) ယောက်၊ ဦးထိုင် နဲ့ ပဲ့ကိုင်နဲ့ဆိုရင် အားလုံးနှစ်ဆယ့်နှစ်ယောက်ရှိတယ်လို့ ပြောနေကြတယ်ဗျ။ ကျွန်တော်တို့ကတော့ပြောတာပေါ့ (၂၂)ယောက်တပြိုင်တည်း ဘယ်လိုခေါ်မှာလဲပေါ့။ ပြောပြီးမကြာဘူး။ အဲဒီမှတ်တိုင်မှာ (၅၃) ဒိုင်နာမှောက်တာ လူအားလုံး (၂၂)ယောက် တိတိသေပြီး ကျန်တဲ့ခရီးသည်တွေကတော့ ပွန်းတာပဲ့တာလောက်ကလွဲရင် ဘာမှမဖြစ်ကြဘူး။ အဲဒီထဲမှာလည်း နှစ်ယောက်လောက်ကလွဲရင် ကျန်တဲ့ဆုံးပါးသူတွေက ရုပ်ပျက်ဆင်းပျက်မထိခိုက်ကြပဲ သေကြတာဗျ။ အဲဒီမှာ လက်ဖျားခါသွားတော့တာပဲ။
အဲဒီနောက်ပိုင်း မတော်တဆဖြစ်ရပ်ကလွဲရင် အချိန်မှန်လူစားတယ်ဆိုတဲ့ အကြောင်းမကြားရတော့ဘူးဗျာ။ ဘာပဲဖြစ်ဖြစ် အဲဒီလိုကိစ္စမျိုးတွေရှိတယ်။ လူလဲတယ်။ အစောင့်ထားတယ်။ ဂျူတီချိန်းတယ်။ ဟန်းဒ်အိုဗာလုပ်တယ်ဆိုတဲ့ ကိစ္စတွေကတော့ အမှန်တကယ်ရှိတယ်။ ဟိုးအရင်ကနေ အခုအချိန်အထိ ရှိနေဆဲ လို့ပြောပြချင်ပါတယ်။ နောက်လည်း အဲဒီလို အဖြစ်မျိုးလေးတွေ ပြောပြချင်ပါသေးတယ်။
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။