သင့်နားဖာချေးက ပြောတဲ့ သင့်ကျန်းမာရေး

သင့်ရဲ့ နားဖာချေးက သင့်ရဲ့နားကို ကာကွယ်ရာမှာ ကူညီသလို သင့်ရဲ့ ကျန်းမာရေး အခြေအနေ အချို့ကိုလည်း ဖော်ပြ ပေးနိုင်ပါတယ်။ အောက်ပါ အချက်တွေက သင့်ကျန်းမာရေး အခြေအနေနဲ့ ပတ်သက်လို့ သင့်နားဖာချေးက ဖော်ပြပေးနေတဲ့ အချက်တွေပါပဲ။

(၁) နားဖာချေးရဲ့ အရောင်
ပုံမှန်ဆိုရင် နားဖေးချေးက လိမ္မော်ရောင် နုနုကနေ အညိုရောင် ရင့်ရင့်အတွင်းမှာပဲ ရှိတတ်ပါတယ်။ ဒါပေမဲ့ အဝါရောင်၊ အစိမ်းရောင်၊ အဖြူရောင် ဒါမှမဟုတ် အနက်ရောင်တွေ ဖြစ်နေပြီဆိုရင်တော့ ဒါဟာ သင့်မှာ ရောဂါပိုး တစ်ခုခုရှိနေတယ်ဆိုတဲ့ လက္ခဏာ ဖြစ်တာကြောင့် ဆရာဝန်နဲ့ အမြန်ဆုံး သွားရောက် ပြသ ရတော့မှာပါ။

(၂) ခြောက်ကပ်နေတဲ့ နားဖာချေး
သင့်ရဲ့ နားဖာချေးနဲ့ နားအတွင်းပိုင်း အရေပြားတွေက ခြောက်ကပ်ပြီး အဖတ်လေးတွေ ဖြစ်နေမယ်ဆိုရင် ဒါ နှင်းခူနာ ဖြစ်တာပါ။ ဒါ့အပြင် အနီပိန့်တွေထတဲ့ အရေပြား ရောဂါလက္ခဏာလည်း ဖြစ်နိုင်ပါတယ်။ သိပ်တော့ စိုးရိမ်စရာ မရှိလှပါဘူး။ ဒီလို ရောဂါမျိုးတွေက ကုသရ လွယ်ကူပါတယ်။

(၃) နားဖာချေးရဲ့ အနံ့
သင့်နားဖာချေးရဲ့ အနံ့က ဆိုးဆိုးရွားရွား နံနေတာမျိုး မဖြစ်သင့်ပါဘူး။ တကယ်လို့ အနံ့ ပြင်းပြင်းထန်ထန် ထွက်နေပြီဆိုရင် ဒါဟာ ရောဂါ တစ်ခုခုရှိနေတဲ့ လက္ခဏာပါ။ အမြန်ဆုံး ဆရာဝန်နဲ့ ပြသ စစ်ဆေး သင့်ပါတယ်။

(၄) နားဖာချေး အလိုလို စိမ့်ထွက်ခြင်း
ကိုယ်လက် လှုပ်ရှားမှု ပြင်းပြင်းထန်ထန် လုပ်ပြီးချိန်မှာ နားဖာချေးက စိုစွတ်ပြီး စိမ့်ထွက်တာမျိုး ရှိတတ်ပါတယ်။ ဒါပေမဲ့ ပုံမှန် အချိန်တွေမှာ၊ ဒါမှမဟုတ် ညအိပ်နေရင်းနဲ့ နားဖာချေးက အရမ်း စိုစွတ်ပြီး စိမ့်ထွက်တဲ့အထိ ဖြစ်မယ်ဆိုရင်တော့ ဒါဟာ နားရောဂါ တစ်ခုခု ရှိနေတဲ့ လက္ခဏာ ဖြစ်ပါတယ်။ ဆရာဝန်နဲ့ ကုသမှု ခံယူရမှာပါ။

(၅) နားထဲမှာ ခိုးလိုးခုလု ဖြစ်နေတဲ့ နားဖာချေး
နားထဲမှာ နားဖာချေး ရှိနေတာကို သိနေပြီး ခိုးလိုးခုလု ဖြစ်နေတယ်ဆိုရင်
ဒါဟာ နားအတွင်းပိုင်းမှာ နားဖာချေးက ခဲပြီး ပိတ်နေတဲ့သဘောပါ။ ဆရာဝန်နဲ့ ပြပြီး အမြန်ဆုံး ထုတ်ပစ်သင့်ပါတယ်။ ကြာသွားရင် နားရောဂါ တစ်ခုခု ခံစား ရနိုင်ပါတယ်။

(၆) နားထဲမှာ အဆက်မပြတ် ယားနေခြင်း
နားဖာချေး များလာရင် နားအတွင်းပိုင်းက ယားယံ လာတတ်တာ သဘာဝပါ။ ဒါပေမဲ့ အဆက်မပြတ် ယားနေတယ် ဆိုရင်တော့ ဒါဟာ ပိုးဝင်သွားတဲ့ လက္ခဏာ ဖြစ်ပါတယ်။ အမြန်ဆုံး ကုသမှု ခံယူရပါမယ်။
# The Voice Weekly