မြန်မာသက္ကရာဇ် ၁၃၇၈ ခုနှစ်အတွက် သင်္ကြန်စာ

“ကူးပြောင်းခြင်း၊ပြောင်းရွှေ့ခြင်း” ဟု အဓိပ္ပာယ်ရသော ပါဠိဘာသာစကား “သင်္ကန္တ” ကို မြန်မာမှုပြု၍ “သင်္ကြန်” ဟုခေါ်ဆိုခြင်းဖြစ်သည်။နှစ်ဟောင်းမှနှစ်သစ်သို့ ကူးပြောင်းသောကာလကို “သင်္ကြန်ကာလ” လို့ ခေါ်ဆိုပါတယ်။ပါဠိစကားလုံး”အန္တ” မှာဆင်းသက်လာသော “နောက်ဆုံး” ဟု အဓိပ္ပာယ်ရသည့် အတာနှင့်တွဲဖက်ကာ “အတာသင်္ကြန်” လို့လည်း ဆိုကြပါတယ်။ မြန်မာသင်္ကြန်ကိုတော့ ပုဂံခေတ်နရသီဟပတေ့မင်း လက်ထပ်က စတင်ခဲ့ပါတယ်။ သင်္ကြန်ကာလတွင် ရနသီဟပတေ့မင်းသည် မိဖုရားစောလုံကို လူကြားထဲတွင် အရှက်ကွဲလောက်အောင် ရေပက်နောက်ပြောင်ကျီစယ်ခဲ့သဖြင့် စောလုံမှ အဆိတ်ခပ်သတ်တဲ့အထိ ဖြစ်ခဲ့ပါတယ်။အချိန်မီသိခဲ့၍ အသက်မသေခဲ့သော်လည်း မိဖုရားစောလုံကို မီးကျီခဲရဲရဲပေါ်တွင် မီးကင်သတ်စေခဲ့ပါတယ်။ဤကား သင်္ကြန်ရဲ့ကြေကွဲဖွယ်ရာဇာတ်လမ်းအစ ဖြစ်ပါတယ်။ နှစ်သစ်မှာ ပျော်ရွှင်ချမ်းမြေ့စေကြောင်း ဆုတောင်းရင်းနှင့် တစ်ဦးကိုတစ်ဦး ချစ်ကြည်ရင်းနှီးစွာ ရေပက်ကစားကြပါတယ်။ ဝေဒပရောဟိတ်တို့ကလည်း ကြယ်တာရာ၊နက္ခတ်တို့ကို ကြည့်ရှူ့လျက် နှစ်သစ်မှာ ဖြစ်လတ္တံ့သောအရာတို့ကို ကြိုတင်ဟောကိန်းထုတ်ကြခြင်းကို “သင်္ကြန်စာ” ထုတ်တယ်လို့ ခေါ်ပါတယ်။ မဟာသင်္ကြန်ကျချိန်သည် ၁၃၇၇ခုနှစ် နှောင်းတန်ခူးလဆန်း(၆)ရက်၊ခရစ်နှစ် ၂၀၁၆ခုနှစ် ဧပြီလ(၁၃)ရက်၊ဗုဒ္ဓဟူးနေ့ည (၁၀)နာရီ၊(၄၃)မိနစ် (၅၂)စက္ကန့် ဖြစ်ပါတယ်။ မဟာသင်္ကြန်အတက်ရက်ကတော့ ၁၃၇၇ခုနှစ် နှောင်းတန်ခူးလဆန်း(၉)ရက်၊ခရစ်နှစ် ၂၀၁၆ခုနှစ် ဧပြီလ(၁၆)ရက်၊စနေနေ့နံနက် (၂)နာရီ၊(၄၈)မိနစ်၊(၃၄)စက္ကန့်မှာ ဖြစ်ပါတယ်။ယခုနှစ်တွင် သင်္ကြန်အကြတ် (၂)ရက် ဖြစ်ပါတယ်။ ယခုဖော်ပြမှာကတော့ လာမည့်နှစ်သစ် ၁၃၇၈အတွက် ပရောဟိတ်ဦးမင်းသိန်း ကြိုတင်ဟောကိန်းထုတ်ထားသော သင်္ကြန်စာဖြစ်ပါတယ်။

တနင်္ဂနွေသားသမီး ။ ။ ရိုးရိုးကျင့် မြင့်မြင့်ကြံပါက အောင်မြင်အံ့။အင်္ဂါနေ့၊ကြာသပတေးဖွားသူတို့နှင့် အကျိုးပေးလတ္တံ့။အချစ်ရေး၊လူမှုရေးအရှုပ်အထွေးများကို သတိဖြင့်ရှောင်ရှားပါ။အိမ်ထောင်ရေးတွင် အမျိုးသမီးတို့အဖို့ ကံကောင်းအံ့။ပညာရေး၊အိမ်ခြံမြေ၊ဆေးပစ္စည်းလုပ်ငန်းများ အကျိုးပေးမည်။အချစ်စစ် တွေ့ကြုံအံ့။

တနင်္လာသားသမီး ။ ။ အတိုက်အခံ၊အနှောင့်အယှက် များအံ့။အစာအိမ်ရောဂါ၊အူလမ်းကြောင်းရောဂါ၊မီးယပ်၊၀မ်းဗိုက်ဝေဒနာ ဖြစ်အံ့။ရေလုပ်ငန်း၊ကျောက်မြတ်ရတနာ၊အလှကုန်လုပ်ငန်း အကျိုးပေးအံ့။မိသားစုသဘောမတူသူနှင့် အချစ်ရေးကြုံအံ့။

အင်္ဂါသားသမီး ။ ။ မာန်မာနခ၀ါချပြီး အိမ်ထောင်ရေးအရှုပ်အရှင်းကင်းကာ ကြိုးစားလျင် အောင်မြင်အံ့။ပညာရေးတွင် ထူးခြားစွာ အကျိုးပေးအံ့။စက်မှုအိုင်တီလုပ်ငန်းတွင် ကံကောင်းအံ့။ပြည်ပခရီးသွားရအံ့။သွေး၊အရိုးအကြောအဆစ်မြစ် ဝေဒနာခံစားရအံ့။တနင်္လာ၊အင်္ဂါ၊ကြာသပတေးဖွားသူများနှင့် ကံစပ်အံ့။
စာပေ စာနယ်ဇင်း၊ဆက်သွယ်ရေးလုပ်ငန်း၊ကန်ထရိုက်လုပ်ငန်း အကျိုးပေးအံ့။

ဗုဒ္ဓဟူးသားသမီး ။ ။ ဤနှစ်တွင် ထူးထူးခြားခြားကံကောင်းအံ့။ရည်မှန်းချက် ပေါက်မြောက်အံ့။သတ္ထုတူးဖော်ရေး၊အ၀တ်အထည်၊မော်တော်ယာဉ်လုပ်ငန်း အကျိုးပေးအံ့။တနင်္လာနေ့၊စနေနေ့ဖွားသူများနှင့် ကံစပ်အံ့။နှလုံးသားနှင့်ဦးနှောက်လွန်ဆွဲရာတွင် နှလုံးသားက အနိုင်ယူအံ့။

ရာဟုသားသမီး ။ ။ ပတ်ဝန်းကျင်အသစ်တွင် မိတ်ဆွေအသစ်တို့နှင့် စီးပွားရေးအောင်မြင်အံ့။ကွဲကွာနေသာ မိတ်ဆွေများ ဆုံအံ့။စက်မှုလုပ်ငန်း၊ဆေးဝါးလုပ်ငန်း၊ကျောက်မြတ်ရတနာလုပ်ငန်းလုပ်ကိုင်လျင် အောင်မြင်အံ့။တနင်္လာဖွား၊သောကြာဖွားတို့နှင့် အထူးအောင်မြင်အံ့။စန်းပွင့်သောနှစ်ဖြစ်၍ ဖူးစာရှင်တွေ့လတ္တံ့။

ကြာသပတေးသားသမီး ။ ။ စီးပွားသစ်များချဲ့ထွင်ခြင်းမှ အောင်မြင်အံ့။သီလ သမာဓိပြည့်စုံသူတို့၏ ကူညီစောင့်ရှောက်ခြင်းကို ခံရလတ္တံ့။အိမ်ခြံမြေလုပ်ငန်း၊ဟိုတယ်နှင့်ခရီးသွားလာရေးလုပ်ငန်း၊သမဏိလုပ်ငန်းများ အောင်မြင်အံ့။အကြောအဆစ်ဝေဒနာ ခံစားရအံ့။သောကြာဖွား၊တနင်္ဂနွေဖွား၊အင်္ဂါဖွားများနှင့် အကျိုးပေးအံ့။အချစ်ရေးတွင် မည်သို့ပင် အခက်အခဲရှိစေ ကျော်လွှားနိုင်အံ့။

သောကြာသားသမီး ။ ။ မိသားစုအတွင်း ပဋိပက္ခဖြစ်နိုင်အံ့။ငွေရေးကြေးရေး ပူပန်ရအံ့။မိန်းကလေးများအတွက် အယုံလွယ်ခြင်းကို ရှောင်ရမည်။အဆုတ်၊နှလုံးဝေဒနာ ခံစားရအံ့။ကြာသပတေး၊စနေ၊တနင်္လာဖွားသူများနှင့် ကံကောင်းအံ့။အိမ်ခြံမြေလုပ်ငန်း၊ရုပ်ရှင်နှင့်စတူဒီယိုလုပ်ငန်း၊စားသောက်ကုန်လုပ်ငန်း အောင်မြင်အံ့။စစ်မှန်သည့်ဖူးစာရှင် တွေ့နိုင်ရန် နှလုံးသားထက် ဦးနှောက်ဆုံးဖြတ်ချက်က ပိုမှန်အံ့။

စနေသားသမီး ။ ။ ဤနှစ်တွင် ပြိုင်ဘက်များကို ကျော်လွှားပြီး စီးပွာရေးအထူးအောင်မြင်အံ့။အပေါင်းအသင်းများအပေါ်ကောင်းသလောက် မိသားစုအပေါ် အကောင်းမမြင်အံ့။အိမ်ထောင်ရေး၊လူမှုရေး အရှုပ်အထွေးများကို ဖြေရှင်းရအံ့။ဗုဒ္ဓဟူး၊သောကြာဖွားတို့နှင့် အကျိုးပေးအံ့။ရေသန့်၊ရေနှင့်ဆက်စပ်လုပ်ငန်း၊အနုပညာလုပ်ငန်းတို့တွင် အကျိုးပေးအံ့။ပြည်ပခရီးသွားရအံ့။ဝမ်းဗိုက်၊ခါး၊တင်ပါးတို့တွင် ဝေဒနာခံစားရအံ့။မိဘသဘောမတူသူနှင့် ချစ်ကျွမ်းဝင်အံ့။

ဆရာငြိမ်းအေးလူ - ဗေဒင်သုတေသီ