သြဂုတ် ၂ ရက် တွင် ပြုလုပ်မည့် ကိုရီးယား အဆိုတော် 2NE1 အဖွဲ့ ဖျော်ဖြေ မည့် စင်မြင့် တည်ဆောက်မှုသည် ငွေကျပ်သိန်းနှစ်ထောင် နှင့် နှစ်ထောင့် ငါးရာဝန်း ကျင်ခန့် ကုန်ကျသည်ဟု LivingSoundEntertainmentမှCEO JawMaranက ဇူလိုင် ၂၈ ရက် မွန်းလွဲ ၂ နာရီက တော်ဝင်ဂါးဒင်း ဟိုတယ်၌ ပြုလုပ်သည့် 2NE1 In Myanmar Galaxy Stage စာနယ်ဇင်း ရှင်းလင်းပွဲတွင် ပြောကြားခဲ့သည်။
“ကျန်တဲ့ ကုန်ကျမှုတွေလည်း အများကြီးပါဘဲ။ တိတိကျကျတော့ မပြောချင်သေးပါဘူး။ သောက်ရေသန့်ကအစ သူတို့ အတွက် သီးသန့် စီစဉ်ပေးရပါတယ်။ တော်တော်လေး အကုန်အကျခံပြီး ကြိုးစား ပြီးတော့လုပ်ဆောင် ထားပါတယ်” ဟု ၎င်းက ပြောသည်။
ယင်းပွဲ၌ စပွန်ဆာ ပေးထားသည့် SKY NET ရုပ်သံလိုင်းကို ယင်းရှိုးပွဲ၌ 2NE1 သီဆို ဖျော်ဖြေမှု ကို သုံးပုဒ်သာ ရိုက်ကူးခွင့်ပြုမည်ဖြစ်ပြီး တစ်ခြားမီဒီယာများ အနေနှင့်လည်း သတ်မှတ်ထားသည့် အချိန်တွင်းသာ ဓာတ်ပုံများ ရိုက်ကူးရမည် ဖြစ်သည်။
အဆိုပါ ပွဲကို လာရောက် ကြည့်ရှု ကြည့် ပရိသတ်များ အနေဖြင့် ဓာတ်ပုံ ရိုက်ကူး ခွင့်ပြုမည် မဟုတ်ပဲရိုက်ကူး သည်ကို တွေ့ရှိပါကပစ္စည်းများကို သိမ်းယူ သွားမည် ဖြစ် ပြီး ရှိုးပွဲ ပြီးဆုံး သွားပါကယင်းရှိုးပွဲ အကြောင်း ကိုဗီဒီယို အဖြစ် ထွက်ရှိမည် မဟုတ်ပေ။
ကိုရီးယား အဆိုတော် 2 NE1 အဖွဲ့သည် ဇူလိုင် ၃၁ ရက် ညပိုင်းတွင် ကိုရီယားလေကြောင်း လိုင်းဖြင့် ရောက်ရှိ မည် ဖြစ်ပြီး သြဂုတ် ၁ ရက်တွင် SKY NET Studio ၌အမေး ၊အဖြေ ကဏ္ဍကိုလုပ်ဆောင် သွားမည်ဖြစ်သည်။ယင်းအပြင်မွန်းလွဲ ၂ နာရီမှ ၄ နာရီ အထိ Myanmar Event Park တွင် စာနယ်ဇင်း ရှင်းလင်းပွဲကို ပြုလုပ် သွားမည် ဖြစ်သည်။
သြဂုတ်၁ရက်ည ၈ နာရီ မှ၁၁ နာရီ အထိ တွင်ကိုရီးယား အဆိုတော် 2 NE1 အဖွဲ့ကိုPre Welcome Party အနေဖြင့် တော်ဝင်ဂါးဒင်း ဟိုတယ်၌ ပြုလုပ် သွားမည် ဖြစ်သည်။ သြဂုတ် ၂ ရက် တွင် Myanmar Event Park ၌ ၇နာရီမှ ၉နာရီထိ ဖျော်ဖြေပြီးပါက ၎င်းအဖွဲ့သည် မြန်မာနိုင်ငံမှပြန်လည် ထွက်ခွာ မည်ဖြစ်သည်။
Mizzima Burmese
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။