မြန်မာနိုင်ရင် ပြောဖို့ စကားလုံးတွေရှာနေတယ်ဆိုတဲ့ ကိုသစ္စာ

ဘောလုံးပွဲကို အားရပါးရ ကြေငြာနေတဲ့ ကိုသစ္စာ (ဓာတ်ပုံ - ကိုသစ္စာ facebook မှ)

ဒီကနေ့ဆိုရင် မြန်မာ ယူ- ၂၃ အသင်းရဲ့ ဖိုင်နယ်ပွဲစဉ်အတွက် မြန်မာဘောလုံးပရိတ်သတ် အားခဲထားကြပါပြီ။ ဘောလုံးပွဲဆိုလို့ အဲ့ဒီဘောလုံးပွဲတွေနဲ့ အပြိုင် နာမည်ကြီးနေတဲ့သူ တယောက်ရှိပါတယ်။ သူ့ကို ဘောလုံး ပရိတ်သတ်တော်တော်များများကလည်း သတိထားမိကြမှာပါ။ သူကတော့ Sky Net Sport လိုင်းမှာ ဘောလုံးပွဲ နောက်ခံစကားပြောပေးတဲ့ ကိုသစ္စာဆိုသူပါ။ သူ့အကြောင်းကိုလည်း ပရိတ်သတ်တွေ အတော်လေး စိတ်ဝင် စားကြမယ်လို့ထင်ပါတယ်။ ကမ္ဘာ့ဖလားကိုတက်သွားခဲ့တဲ့ ယူ-၂၀ အသင်းရဲ့ ပွဲစဉ်တွေကစလို့ အခုနောက်ဆုံး ဆီးဂိမ်း ဆီးဖီးဖိုင်နယ်အထိ တက်သွားခဲ့တဲ့ ယူ-၂၃ အသင်းထိတိုင်အောင် ပွဲစဉ်တလျှောက်လုံး သူ့ရဲ့ အပြော အဆိုတွေကြောင့် စိတ်ဝင်စားကြတာဆိုရင် မမှားပါဘူး။ စကိုင်းနက်က ကိုသစ္စာနဲ့ ဧရာဝတီတို့ မေးဖြစ် ပြောဖြစ် တဲ့ အတိုအထွာလေးတွေကို ဖော်ပြပေးလိုက်ပါတယ်။

မေး ဘောလုံးပွဲ နောက်ခံစကားပြောမလုပ်ခင်က ကိုသစ္စာ ဘာတွေလုပ်ဖြစ်ခဲ့လဲ။

ဖြေ ကျနော်အရင်က စာသင်ခဲ့ဖူးပါတယ်။ ကျောင်းဆရာအနေနဲ့ပေ့ါ။ ဘ၀မှာ အမျိုးမျိုးလုပ်ခဲ့ဖူးတယ်။ ကျောင်းဆရာ ဆိုတာက ဘာသာစကား သင်ပြတဲ့ ပုံစံမျိုးပေါ့။ ပညာဒါန ကျောင်းတခုမှာ ဆရာသမားတဦးနဲ့တွေ့   ပြီးတော့ ကျောင်းသားတွေကို ပြန်ပြီးတော့ စာပြန်ပြပေးဖူးတယ်။

မေး လက်ရှိ စကိုင်းနက်မှာ ကိုသစ္စာလုပ်နေတဲ့ ရာထူးက ဘာဖြစ်မလဲ။

ဖြေ လက်ရှိ Sky Net မှာ အားကစားချန်နယ် မန်နေဂျာ လုပ်နေပါတယ်။

မေး ဘောလုံးပွဲတွေမှာ နောက်ခံစကားပြောအနေနဲ့ လုပ်လာတာဘယ်လောက်ရှိပြီလဲ။

ဖြေ ၄ နှစ်ရှိပါပြီ။

မေး ကိုသစ္စာကို ဘောလုံးပွဲကြည့် ပရိတ်သတ်တွေကြား လူသိများလာတဲ့အပေါ် ဘာပြောချင်ပါလဲ။

ဖြေ အဓိကက မြန်မာ ယူ-၂၃ အသင်းကကောင်းတော့ ပရိတ်သတ်အားပေးမှုက နဂိုကတည်းက ရှိပြီးသားလေ မြန်မာအသင်းဆိုရင်လေ။ နောက် မြန်မာ ယူ-၂၃ အသင်းကလည်း ကစားသမား တဦးကောင်း တယောက် ကောင်း မဟုတ်ဘူး။ အသင်းလိုက်ကောင်းနေတော့ နောက် စုစုစည်းစည်း စည်းစည်းလုံးလုံး ရှိတော့ ဒါကိုပဲ ပရိတ်သတ်က အားပေးကြတာပေ့ါ။ အဓိကကတော့ မြန်မာ ယူ-၂၃ အသင်းရဲ့ အသင်းလိုက် ကစားရတဲ့ ဘောလုံးအသင်းထဲမှာ တဦးကောင်း တယောက်ကောင်းလိုမျိုး တကိုယ်ကောင်းဆန်စိတ်တွေ လျှော့ပြီးတော့ မြန်မာအသင်းမှာ စုစုစည်းစည်းကစားလာတာက တော်တော် ထူးထူးခြားခြားပေ့ါ။ မြန်မာအသင်းမှာ အရင်တုန်း က ကျနော်တို့ကြည့်ခဲ့တာနဲ့ အရမ်းကွာတယ်။ ပရိတ်သတ်တွေ အားပေးသမျှကို အခုလို အားရပါးရ အားပေး တိုင်း ကစားတဲ့အသင်းဟာ ယူ -၂၀ အသင်းတို့ ယူ-၂၃ အသင်းတို့ လက်ရှိအချိန်ထိပေ့ါနော်။ အနှစ် ၂၀ လောက် အားပေးလာခဲ့တာ ဒီအသင်းနှစ်သင်းပဲ အားရ ရသေးတယ်။ အဲ့ဒါကြောင့်လည်းပါပါတယ်။ အဓိက ကလည်း သူတို့တွေရဲ့ ခြေစွမ်းကြောင့်နဲ့ ပရိတ်သတ်တွေကြောင့်ပါ။ ကျနော်တို့ကြောင့်တော့မဟုတ်ပါဘူး။ ကျနော်တို့ကတော့ စိန်နားကပ်ရောင်ကြောင့် ပါးပြောင်တာပေ့ါ။ ကျနော်တို့ နာမည်ကြီးဖို့လည်း မလိုဘူး။ ကျနော်တို့ဟာလည်း မြန်မာအားကစားပရိတ်သတ်တွေလေ။ မြန်မာယူ-၂၃ ရွှေရရင် အားလုံးပျော်ရမယ်။ အားလုံးပျော်ရရင် အဲ့ဒီအားလုံးထဲမှာ ကျနော်ပါတော့ ကျနော်ပါ ပျော်ရတာပေ့ါ။ ဒါပါပဲ။

မေး ဒီနေ့ ယူ -၂၃ ဖိုင်နယ်ပွဲအတွက် ကိုသစ္စာ ဘာတွေပြောဖို့ ပြင်ဆင်ထားပြီးပြီလဲ။

ဖြေ  မြန်မာနိုင်ရင် ပြောဖို့အတွက် စကားလုံးတွေ ရှာနေပါတယ်။ ပရိတ်သတ်တွေလည်း ကူရှာပေးကြပါ။ အဲ့ဒါပဲ ကျနော့်ခေါင်းထဲမှာရှိတယ်။

မေး ကိုသစ္စာ ဘောလုံးပွဲနောက်ခံစကားပြောရင် အားနဲ့မာန်နဲ့ ပြောတာကို ပရိတ်သတ်တော်တော်များများ သတိထားမိတယ်။ ဘာကြောင့် အဲ့လိုပြောဖြစ်တာလဲ။

ဖြေ ဘာကြောင့်လည်းဆိုတော့ ၅၁ သန်းကျော်သော ပြည်သူတွေကို ကျနော်ကိုယ်စားပြု ပြောနေရလို့ အားရော မာန်ရော ပါနေတာပါ။

မေး ကိုယ့် မြန်မာဘက်ကိုပဲ အားနဲ့မာန်နဲ့ ပြောပြီး တဖက်အသင်းရဲ့ အနေအထားအပေါ်ကို ကျတော့ အားနဲ့ မာန်နဲ့ပြောတဲ့ အနေအထားကို မတွေ့ရတော့ ကိုယ့်ကိုယ်ကိုရော ငါ အဲ့လိုအနေအထားများဖြစ်နေသလား ဆိုတာမျိုး ပြန်သုံးသပ်မိဘူးလား။
ဖြေ အဲ့လိုမျိုးတော့ သုံးသပ်မိပါတယ်။ ညီမလည်း ငယ်ငယ်ကတည်းက မြန်မာအသင်းကို တခါမှလည်း ဒါမျိုး အားမပေးဖူးဘူးလေ။ ၅၁ သန်းကျော်သော ကိုယ်စားပြုလို့ ပြောပြီး ကျနော့အသင်းကို ဂိုးသွင်းခံနေရရင် ပြည်သူတွေက ပျော်ချင်မှ ပျော်မှာလေ။ ကျနော်က သွားပြီးတော့ ၀မ်းသာအားရနဲ့ ထပြီးအော်လို့ မကောင်းဘူး။ ပရိတ်သတ်အနေနဲ့ပဲ ခံစားပါတယ်။ ယူ-၂၀ ၊ ယူ -၂၃  တို့ကို အကြောင်းပြပြီးတော့ Sky Net က သစ္စာ ဆိုပြီး ဖြစ်လာတာလေ။ တကယ်တော့ ကျနော်တို့လည်း ပရိတ်သတ်က ပရိတ်သတ်ပါပဲ။

မေး အရင်က ဘောလုံးပွဲကြေငြာသူထဲမှာ လူသိများဆုံးကတော့ ဦးလှဝင်း ပေ့ါနော်။ သူ့နောက်ပိုင်းမှာ ထူးထူး ခြားခြား ပရိတ်သတ်သတိထားမိတဲ့ ဘောလုံးပွဲကြေငြာသူဆိုတာ မသိသလောက်ရှိနေတာကနေ အခု ယူ-၂၀၊ ယူ-၂၃ ပွဲတွေကျမှ ကိုသစ္စာဆိုတာ ပရိတ်သတ်သတိထားမိလာတဲ့အပေါ် ဘာပြောချင်ပါလဲ။

ဖြေ အဲ့လိုကြီးတော့ ကျနော်မသတ်မှတ်ပါဘူး။ ကျနော်တို့  Sky Net Sport မှာရှိနေတဲ့သူတွေက ကိုယ့်ဟာနဲ့ကိုယ် ကြိုးစားနေကြတာပဲ။ အကြောင်းတရားတွေ တိုက်ဆိုင်ပြီးတော့ ဒါမျိုးဖြစ်လာတာ။ ကျနော်လည်း ပြောခဲ့တာ ကြာပြီ။ အကုန်လုံးက ဒီအချိန်မှာ အကြောင်းတရားတွေ တိုက်ဆိုက်တယ်ပေ့ါ။ သူ့အချိန်အခါဖြစ်လာတယ်။ မြန်မာရွှေခေတ်ရောက်သလို မြန်မာကောင်းလို့ ကျနော်တို့လည်း အပြောကောင်းသွားတာ။ မြန်မာမကောင်းရင် ဘယ်သူ ဘာပြောပြော ဘာအရာထင်မှာလဲ။ ၂၀၁၃ ဆီးဂိမ်းတုန်းကလည်း ကြုံပြီးပြီ။ အဓိကတော့ ပရိတ်သတ် ပါပဲ။

မေး ကိုသစ္စာနဲ့ ပတ်သက်လို့ ဖေ့ဘုတ်တို့ လူမှုကွန်ရက်စာမျက်နှာတွေမှာ ပြောဆိုဝေဖန်နေတဲ့အပေါ် ဘာပြောချင်ပါသေးလဲ။

ဖြေ သူတို့မကြိုက်ဘူးဆိုရင်တော့ ကျနော်တို့ ပြင်ရမှာပေ့ါ။ ဒါကို ကျနော်တို့ ဘာမှ ဝေဖန်လို့ မရဘူး။ လူတိုင်း ကတော့ ဘယ်ချစ်ပါ့မလဲဗျာ။ ဘယ်သူ့ကိုမှ လူတိုင်းချစ်မှာမဟုတ်ပါဘူး။ ဒါကို ကျနော်တို့သွားပြီး ခံစားနေလို့ မရဘူး။ ကျနော်တို့ကတော့ ကိုယ့်အလုပ်ကိုယ်လုပ်ရမှာပဲ။ ဘယ်လိုပဲဖြစ်ဖြစ် ကျနော်တို့ကတော့ အားပေးတယ် လို့ပဲ ခံယူတယ်။ မကောင်းဘူးဆိုရင် ပြင်မယ်။ လိုအပ်တာ ထောက်ပြရင် ပြင်မယ်။ ကောင်းတယ်ပြောတာကို ဆက်ပြင်ပြီး ပိုကောင်းအောင်လုပ်မယ်။ ဒါပါပဲ။ ဘာကြောင့်လည်းဆိုတော့ ကျနော်တို့တွေက Sky Net Sport အဖွဲ့သားတွေအားလုံးကို ကိုယ်စားပြုပြီး ပြောနေရတာကိုး။ ကျနော်ဖြစ်ချင်တာကတော့ ကျနော့တယောက် အဲ့လိုမျိုးကြီးမဖြစ်ချင်ဘူး။ ဦးလှဝင်းပြီးမှ သစ္စာ ဆိုပြီးလည်း မဖြစ်ချင်ဘူး။ ကျနော်တို့ အားလုံးက မြန်မာယူ-၂၃ လိုပဲ အဖွဲ့နဲ့သွားနေရတာ။ ကျနော့်အကြောင်းကို ကျနော့ခေါင်းစဉ်ကြီးတပ်ပြီး မဖြစ်ချင်ဘူး။ အားလုံးကလည်း လက်ရည်တပြင်တည်းမိုလို့ လက်ရည်တပြင်တည်းပဲ ဖြစ်ချင်ပါတယ်။
irrawaddy