ဇွန်လ ၉ ရက်နေ့က ပြင်ဦးလွင်တွင် လူထုကို တွေ့ဆုံ စကားပြောနေသော ဒေါ်အောင်ဆန်းစုကြည် (ဓာတ်ပုံ – ဇာနည်မာန် / ဧရာဝတီ)
ဒေါ်အောင်ဆန်းစုကြည်၏ ခြေမနှစ်ဖက်ရှိ အရိုးများသည် အနည်းငယ် ယိုင်နေသောကြောင့် လမ်းလျှောက်သည့် အခါတိုင်း နာကျင်မှု ခံစားရသဖြင့် ယခုကဲ့သို့ ခွဲစိတ်မှု ခံယူခဲ့ခြင်း ဖြစ်ကြောင်း ၎င်းက ဆိုသည်။
“ခြေမက နည်းနည်းလေး ယိုင်နေတော့ ဖိနပ်စီးတဲ့ အချိန်၊ ခရီးသွား လမ်းလျှောက်တဲ့ နေရာတွေမှာ အခက်အခဲ ရှိတယ်။ အဲ့ဒါကြောင့် အသေးစား ခွဲစိတ်မှုလေး လုပ်ရတယ်။ ထုံဆေးနဲ့ပဲ ခွဲတာပါ။ ခြေမနှစ်ဖက်လုံး ခွဲရတယ်။ အရိုးကို နည်းနည်းလေး ဖဲ့ထုတ်ရတယ်။ တင်းနေတဲ့ အသားတွေ ဖြတ်ပြီး ပြန်ချုပ်ရတယ်။ Modified McBride ဆိုတဲ့ အသေးစား ခွဲစိတ်မှု လုပ်တယ်လို့ ခေါ်ပါတယ်။ အခုတော့ အောင်မြင်ပါတယ်” ဟု ဆရာဝန် ဒေါက်တာ တင်မျိုးဝင်းက ပြောသည်။
ယနေ့ နံနက် ၆ နာရီတွင် ဆေးရုံတက်ရောက်ပြီး နံနက် ၇း၃၀ တွင် ထုံဆေးပေး ခွဲစိတ်မှု စတင် ခံယူကာ နံနက် ၉ နာရီ၌ ခွဲစိတ်ခံယူမှု ပြီးဆုံးကြောင်း သိရသည်။ ခွဲစိတ်မှု ပြုရာ၌ အရိုးခွဲစိတ် ဆရာဝန်ကြီး ပါမောက္ခ ဦးဇော်ဝေစိုးနှင့် မေ့ဆေး ဆရာဝန်ကြီး ပါမောက္ခ ဦးတင်မြင့်တို့မှ ခွဲစိတ် ကုသပေးကြောင်း သိရသည်။
“အသက်အန္တရာယ် မစိုးရိမ် ရပါဘူး။ ၂ ပတ်၊ ၃ ပတ် လောက်ဆို ပြန်ကောင်းသွားပြီး ခရီးတွေ ဘာတွေ သွားလို့ရပါတယ်။ ဒီအသေးစား ခွဲစိတ်မှုလေး ပြီးသွားတော့ အနားယူပြီး ပုံမှန်အတိုင်း လမ်းပြန်လျှောက် နိုင်ပါတယ်” ဟု ဒေါက်တာ တင်မျိူးဝင်းက ဆိုသည်။
ဒေါ်အောင်ဆန်းစုကြည်၏ ကျန်းမာရေး အခြေအနေနှင့် ပတ်သက်ပြီး အားလုံး ကောင်းမွန်ကြောင်း အဆုတ်၊ နှလုံး၊ ကျောက်ကပ်၊ သွေး စသည် တို့ကို စစ်ဆေးမှု ပြုကာ ခွဲစိတ်ခြင်း ဖြစ်ကြောင်း၊ အရိုးခွဲစိတ် ဆရာဝန်ကြီးနှင့် မေ့ဆေး ဆရာဝန်ကြီးတို့မှ ဆေးရုံ ဆင်းခွင့်ပေးပါက ပြန်လည် ဆင်းခွင့်ရမည်ဟု ၎င်းက ဆိုသည်။
ဒေါ်အောင်ဆန်းစုကြည်သည် ၂၀၁၂ ခုနှစ် ဇွန်လအတွင်းက ဆွစ်ဇာလန်နိုင်ငံသို့ သွားရောက်စဉ် မူးဝေပြီး ကျန်းမာရေး ချို့ယွင်းမှု ဖြစ်ပေါ်ခဲ့သဖြင့် ဆွစ်ဇာလန် နိုင်ငံခြားရေး ၀န်ကြီး Didier Burkhalter နှင့် ပူးတွဲ ပြုလုပ်သည့် သတင်းစာ ရှင်းလင်းပွဲ ရပ်ဆိုင်းခဲ့ရသည်။
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။