ဒေါ်အောင်ဆန်းစုကြည် နယကအဖြစ် ဆောင်ရွက်မည့် စာပေပွဲတော်ကြီး ဖေဖော်ဝါရီလတွင် ကျင်းပမည်

ထင်ရှားကျော်ကြားသည့် စာရေးဆရာများ ပါဝင်မည့် ထူးခြား ဆန်းသစ်သော စာပေပွဲတော

်ကြီးကို ဖေဖော်ဝါရီလအတွင်း ကျင်းပမည် ဖြစ်ပါသည်။
အင်းလျားကန်ဟိုတယ်တွင် ဖေဖော်ဝါရီလ (၁)ရက် နေ့မှ (၃)ရက်နေ့ထိ ကျင်းပမည့် ဧရာဝတီ စာပေပွဲတော်တွင် နိုင်ငံတကာနှင့် ပြည်တွင်း စာပေပညာရှင်များ၏ စာမူများကို တင်ဆက်သွားမည် ဖြစ်ပါသည်။ အဆိုပါ ပွဲတော်ကြီး၏ နယက ဖြစ်သော ဒေါ်အောင်ဆန်းစုကြည်က ပြောသည်မှာ

“ယခု ပထမဦးဆုံးသော ဧရာဝတီ စာပေပွဲတော်ကို ကိုယ်တိုင် ပါဝင်ဆင်နွှဲရခြင်းနှင့် ကူညီပံ့ပိုးခွင့် ရခြင်းတို့အတွက် ၀မ်းမြောက် ကျေနပ်ရပါသည်။ စာပေသည် ကျွန်မ၏ ဘ၀တွင် ကြီးမားစွာ အရေးပါသည့် အစိတ်အပိုင်း တစ်ခုဖြစ်ပြီး ယခုပွဲတော်ကြီးသည် အခြားသူများကိုလည်း စာပေလောကကြီးကို စူးစမ်း လေ့လာခွင့်နှင့် အင်္ဂလိပ်ဘာသာကို ပိုမို နားလည်ခွင့် ရရှိစေမည်ဟု မျှော်လင့်ပါသည်”။
ပါဝင်ဆင်နွှဲရန် စီစဉ်ထားသည့် စာရေးဆရာများတွင် နိုင်ငံတကာ ရောင်းအား အကောင်းဆုံး စာရေးဆရာများ ဖြစ်သည့် Vikram Seth, Jung Chang, William Dalrympleနှင့် Fergal Keaneတို့ ပါဝင်ပါသည်။ ဤပွဲတော်ကြီးတွင် ပါဝင် တက်ရောက်ရန် သေချာနေသူများတွင် Sudha Shah၊ ပါစကယ် ခူးသွယ်၊ သန့်မြင့်ဦး၊ Akash Kapurတို့နှင့်အတူ ပြည်တွင်းမှ ထင်ရှားကျော်ကြားသော စာပေနှင့် ယဉ်ကျေးမှု အနုပညာရှင်များဖြစ်သည့် ဇာဂနာ၊ ဒေါက်တာ မသီတာနှင့် ထင်ရှားလှသည့် စာကြည့်တိုက် ပညာရှင်ကြီးဖြစ်သော ဦးသော်ကောင်းနှင့် သူ၏သား ဒေါက်တာ သန့်သော်ကောင်းတို့ ပါဝင်ပါသည်။

ဤ ပွဲတော်ကြီး ဖြစ်မြောက်လာရခြင်းမှာ ဤ နိုင်ငံတွင် ၂၀၀၉ ခုနှစ်မှ စ၍ နေထိုင်နေသည့် Jane Heyn၏ အကြံဉာဏ်ဖြစ်ပြီး သူမက ဆိုသည်မှာ “မတူခြားနားသည့် ယဉ်ကျေးမှုနှင့် စာပေ ပုံစံများကို ဖလှယ်ခွင့် ရနိုင်ရန် အထောက်အကူ ပြုမည့် ဆွေးနွေးပွဲလည်း ပါဝင်မည် ဖြစ်ပြီး အလွန် လျှင်မြန်သော အရှိန်အဟုန်ဖြင့် ပြောင်းလဲနေသည့် ဤနိုင်ငံ၏ ထူးခြားလှသည့် ယဉ်ကျေးမှု ဓလေ့ထုံးစံများကို ပုံရိပ်ထင်စေရန် ရည်ရွယ်ပါသည်”ဟု ဆိုခဲ့သည်။
အင်းလျားကန် ဟိုတယ်၏ အေးမြ ကျယ်ဝန်းလှသည့် ခန်းမများသည် ပုံမှန်အားဖြင့် မင်္ဂလာဧည့်ခံပွဲများ ကျင်းပရန်နှင့် ကမ္ဘာလှည့် ခရီးသည်များ ဘူဖေး စားသုံးရန် ခန်းမများ ဖြစ်သော်လည်း ယခု ကျင်းပမည့် စာပေပွဲတော်ကြီးတွင် အလုပ်ရုံ ဆွေးနွေးပွဲများ၊ အုပ်စုလိုက် ဆွေးနွေးပွဲများနှင့် ဓာတ်ပုံသတင်းစာ ပညာပြခန်းများ ပြုလုပ်ပြသသည့် အထူးခန်းများအဖြစ်သို့ ပြောင်းလဲကျင်းပမည် ဖြစ်ပါသည်။
အင်းလျားကန် ဟိုတယ်ရှိ ကန်ဘေး မြက်ခင်းပြင်များကိုလည်း ရောင်စုံ ရွက်ဖျင်တဲများဖြင့် စာအုပ်ဆိုင်များ၊ လက်မှုအနုပညာပစ္စည်း အရောင်းဆိုင်များနှင့် အစားအသောက်ဆိုင်များဖြင့် ပြည့်နှက်စေမည် ဖြစ်သည်။ မန္တလေး ရုပ်စုံရုပ်သေး ပညာရှင်များကလည်း ၄င်းတို့၏ ထူးခြား ပြောင်မြောက်လှသည့် ရုပ်သေးရုပ်များကို သက်ရှိပမာ လှုပ်ရှားစေပြီး ဖျော်ဖြေ တင်ဆက်မည်ဖြစ်သည်။

ဤအခွင့်အရေးသည် ရှေးရိုးဖျော်ဖြေမှု တစ်ရပ်ကို ပညာရှင်များက ဖျော်ဖြေတင်ဆက်ခြင်းကို မျက်ဝါးထင်ထင် တွေ့မြင်ရမည့် အထူးအခွင့်အရေး ဖြစ်သည်။
ဤပွဲတော်ကြီးတွင် ရိုးမ FMIက ချီးမြှင့်မည့် ၀တ္ထုတိုဆုကို ပထမဆုံး စတင် ချီးမြှင့်မည်ဖြစ်ပြီး ၀တ္ထုတိုပြိုင်ပွဲကို ယခု စတင်နေပြီ ဖြစ်သည်။ ပြိုင်ပွဲဝင်ရန်အတွက် အသက် ၂၅ နှစ်အောက် ကျောင်းသား လူငယ်များထံမှ ပြိုင်ပွဲဝင် ၀တ္ထတိုများကို ဖိတ်ခေါ်ပါသည်။ စိတ်ဝင်စားသည့် ကျောင်းသား လူငယ်များသည် “ပြောင်းလဲနေသည့် ဘ၀များ” ခေါင်းစဉ်ဖြင့် စာလုံးရေ နှစ်ထောင်ထက် မပိုသည့် ၀တ္ထုတိုများကို ပေးပို့ယှဉ်ပြိုင် နိုင်ပါသည်။ ဒေါ်လာ တစ်ထောင်တန်ဆု နှစ်ဆု ချီးမြှင့်မည် ဖြစ်ပြီး တစ်ဆုမှာ အင်္ဂလိပ်ဘာသာဖြင့် ရေးသားသည့် အကောင်းဆုံး ၀တ္ထုတိုဆုဖြစ်ပြီး နောက်တစ်ဆုမှာ မြန်မာဘာသာဖြင့် ရေးသားသည့် အကောင်းဆုံး ၀တ္ထုတိုဆု ဖြစ်ပါသည်။ ပြိုင်ပွဲဝင် စာမှုများကို ဇန်န၀ါရီလ ၁၈ ရက်၊ ၂၀၁၃ ခုနှစ်၊ သောကြာနေ့ နောက်ဆုံးထား၍ info@irrawaddyLitfest.comသို့ ပေးပို့နိုင်မည် ဖြစ်သည်။
ဆုများကို ဧရာဝတီ စာပေပွဲတော်ကြီး၏ ကူညီ ထောက်ပံ့ပေးသူ တစ်ဦးဖြစ်သည့် Surge Pun Associatesက စီစဉ် ချီးမြှင့်ခြင်း ဖြစ်ပြီး အခြားကူညီ ပံ့ပိုးသူများမှာ Myint & Associates Co., Ltd. နှင့် TODAY Media Groupတို့ ဖြစ်ပါသည်။

ဗြိတိသျှသံရုံးနှင့် ဗြိတိသျှကောင်စီတို့ကလည်း ပွဲတော်ကြီးကို ထောက်ပံ့ပေးပြီး နှစ်နိုင်ငံကြား တည်ရှိနေသည့် ယဉ်ကျေးမှုဆိုင်ရာ ဆက်ဆံရေးကို ပိုမို ခိုင်မာစေပြီး အသစ်သော ပေါင်းစည်း ဆက်ဆံရေးများကိုလည်း ဖန်တီးနိုင်မည် ဖြစ်ပါသည်။
Orwell Prize ဆုကြီးသည်လည်း တန်ဖိုးကြီးဆု တစ်ဆုဖြစ်ပြီး ၄င်းတို့၏ Website ဖြစ်သော www.theorwellprize.co.ukတွင် ပန်ကြားထားသည့် “မြန်မာနိုင်ငံအတွက် စာအုပ် တစ်အုပ် ၀ယ်ပါ”ဟူသည်မှာ စာရေးဆရာကြီး George Orwellနှင့် ဤနိုင်ငံကြား နီးကပ်သော ဆက်ဆံမှု ရှိခဲ့ခြင်းကို ထင်ဟပ်စေပါသည်။

ပွဲတော်ကြီး၏ တစ်စိတ်တစ်ပိုင်းကို ဗြိတိသျှ ကောင်စီ၏ ဆရာ၊ ဆရာမ များအတွက် ဦးတည် ရည်ရွယ်ထားပါသည်။ ၄င်းတို့က ကျောင်းသား မိဘများအတွက် အင်္ဂလိပ်စာ အလုပ်ရုံ ဆွေးနွေးပွဲများနှင့် ကျောင်းသား ကျောင်းသူများအတွက် ပျော်ရွှင်ဖွယ်ရာ ပညာရေး အစီအစဉ်များကို ပြုလုပ်ပေးမည် ဖြစ်ပါသည်။
ပွဲတော်လက်မှတ်များကို ဇန်န၀ါရီလ(၇)ရက်
၂၀၁၃ ခုနှစ်မှ စတင်ပြီး အင်းလျားကန် ဟိုတယ်၊ ဗြိတိသျှကောင်စီနှင့် တူဒေး စာအုပ်ဆိုင်များတွင် စတင် ရောင်းချပါမည်။ အသေးစိတ် သိလိုပါက
www.irrawaddylitfest.comတွင်
ဝင်ရောက် ကြည့်ရှုနိုင်ပါသည်။

 

By :

Jack Ko shared Myanmar ICT's photo.