ထူးဖောင်ဒေးရှင်း၏နယ်လှည့်ဆေးကုသမှုစစ်တွေရှိဒေသခံ(၉၀၅)ဦးအားအောင်မြင်စွာကုသပေးနိုင်ခဲ့

နာယကဦးတေဇ၏ လမ်းညွှန်မှုဖြင့် ထူးဖောင်ဒေးရှင်းသည် ရခိုင်ပြည်နယ်၊နယ်လှည့်ဆေးကုသမှုခရီးစဉ်အဖြစ် ပြီးခဲ့သောမေလ (၂၄)ရက်နေ့၊ မနက်ပိုင်းကရန်ကုန်မြို့မှထွက်ခွာခဲ့ရာစစ်တွေမြို့သို့ မေလ (၂၅)ရက် နံနက်အစောပိုင်းတွင် ရောက်ရှိခဲ့ပါသည်။ အဆိုပါခရီးစဉ်တွင် မြန်မာနိုင်ငံသွားနှင့်ခံတွင်းဆေးကောင်စီမှ ပါမောက္ခဒေါက်တာပိုင်စိုးနှင့် ၀ါရင့်ဆေးဘက်ဆိုင်ရာပုဂ္ဂိုလ်များကဦးဆောင်၍ သွားနှင့်ခံတွင်းလူနာများကိုအခမဲ့ ဆေးကုသပေးခဲ့ခြင်း ဖြစ်ပါသည်။

အဆိုပါနယ်လှည့်ဆေးကုရေးအဖွဲ့သည် စစ်တွေမြို့ရှိ၊ ဦးဥတ္တမခန်းမတွင် စတင်ရောက်ရှိသည့် မေလ (၂၅)ရက်နေ့မှစ၍ မေလ (၂၇)ရက်နေ့အထိ (၃)ရက်ကြာကုသမှုများ ပြုလုပ်ပေးခဲ့ရာဒေသခံ(၉၀၅)ဦးအားကုသမှုများ ပြုလုပ်ပေးနိုင်ခဲ့ပြီးသွားနှင့်ခံတွင်း ဝေဒနာရှင်(၂၀)ဦးအားအံကပ်များ ပြုလုပ်ပေးခဲ့ပါသည်။
ထို့နောက် မေလ(၂၈)ရက်၊နံနက်အစောပိုင်းတွင် ထူးဖောင်ဒေးရှင်းမှ ၀န်ထမ်းများနှင့် ဆေးဘက်ဆိုင်ရာပုဂ္ဂိုဟ်များသည် စစ်တွေမြို့မှ ထွက်ခွာခဲ့ပြီးအခမဲ့ဆေးကုမှုပြုလုပ်ရန် အစီအစဉ်ရေးဆွဲထားသည့်အတိုင်းအမ်းမြို့သို့ ထွက်ခွာခဲ့ကြပါသည်။
ထူးဖောင်ဒေးရှင်းသည် ကျန်းမာရေးကဏ္ဍတိုးတက်ကောင်းမွန်ရေးအတွက် အမှန်တကယ်လိုအပ်သည့်ဒေသများတွင် ကူညီဆောင်ရွက်မှုများကိုစွမ်းနိုင်သမျှ စဉ်ဆက်မပြတ် လုပ်ဆောင်လျှက်ရှိပါသည်။

Other 30 new photos.