KIA ၏ မူလသဏ္ဍာန် အမှန် (ကိုယ်တိုင်အတွေ့အကြုံ)

ကချင်လက်နက်ကိုင်တွေကိုစောင့်ကြည့်ကြဖို့လိုပါတယ် ။ဤစာကို ကချင်ပြည်နယ်မှာ (၆)နှစ်နေလာခဲ့တဲ့ အတွေ့အကြုံအရ

(၁)ကချင်ပြည်သူတွေနဲ့ သဘောထားပျော့ပြောင်းတဲ့ ခေါင်းဆောင်ပိုင်းကငြိမ်းချမ်းရေးလိုလားကြပေ မယ့်သဘောထားတင်းမာတဲ့ အရာရှိအချို့နဲ့ နောက်လိုက်တွေက ၁၀နှစ်ကာလ ယာယီအပစ်အခတ် ရပ်စဲမှုစာချုပ် ပျက်ပြယ်ချိန်မှာပဲ ပြန်ပြီးတောခိုသွားကြတယ် ။

(၂)အစ္စလာမ် အစွန်းရောက်တွေကို မွေးမြူထားပြီး ကျောထောက်နောက်ခံပြုပေးတယ် ၊ ပြည်တွင်းအဖျက် အမှောင့် လုပ်ငန်းတွေမှာ အစ္စလာမ်အစွန်းရောက်တွေကို ထုတ်သုံးလေ့ရှိတယ် ။

(၃)သဘောထားတင်းမာသူ ခေါင်းဆောင်တစ်ချို့နဲ့ အရာရှိ စစ်သည်တချို့က ဗမာမုန်းတီးရေး ၀ါဒမှိုင်းတွေတိုက်ပေးပြီး ၊ လခမပေးရတဲ့ ကချင်စစ်သားတွေကိုစုဆောင်းတယ် ။

(၄)ချင်းတွင်းမြစ်ရဲ့ မြစ်လက်တက်တစ်ခုဖြစ်တဲ့ တနိုင်းခမြစ်ကြောင်းတလျောက်ကို KIA ပိုင်နက်နဲ့နာဂလူမျိုးများရဲ့ အပိုင်အဖြစ်ပိုင်းခြားထားပြီး နာဂတွေကိုလက်နက်နဲ့ ဘိန်း ၊ ဘိန်းနဲ့လက်နက် အပြန်အလှန်လဲလှယ်ကြတယ် ။

(၅)လျိုမြောင်တွေပေါများပြီးဆင်နဲ့တောင်မှခဲရာခဲဆစ်သွားရောက်ရတဲ့ တောတောင်ထူထပ်တဲ့နေရာတွေမှာ ဘိန်းဖြူ ၊ဘိန်းမဲ ကို စီးပွါးဖြစ်စိုက်ပျိုးကြတယ် ။

(၆)တရုတ်ပြည်ထဲကနေ ဌာနချုပ်လိုင်ဇာအထိ ကားကြီးတွေနဲ့ဝင်ရောက်လာပြီးကျွန်း ၊ သမ်ဘ ဒန်း၊ ကျောက်စိမ်း ၊အင်ကြင်းကျောက် (အဖြူ/အ၀ါ) အစရှိတဲ့သယံဇာတ မှန်သမျှကို တရုတ်ပြည်မထဲထိ ပို့ဆောင်ရောင်းချတဲ့ စီးပွါးရေးလုပ်ငန်းတွေအပြင် ၊ တရုတ်ကုမ္ပဏီတွေကို ဖိတ်ခေါ်ပြီး ကချင်ပြည်နယ်ရဲ့ အထင်ကရရွှေမှော်တွေမှာ အကျိုးအမြတ်ခွဲတမ်းယူ၍ ရွှေတူးဖော်ရေးတွေလုပ်တယ် ။ တရုတ်ပြည် က လောင်းကစားမျိုးစုံအပြင် ကျားနဂါး ၊ ပေါက်စီ ၊ အစရှိတဲ့ နာမည်ကြီးလောင်းကစား နည်းတွေကို ကချင်ပြည်နယ်ရွှေမှော်တိုင်းမှာ ဒိုင်ဖွင့်စေပြီး အကောက်အခွန်ကိုကောက်ယူကြတယ် ။

(၇) တုမ္ပဏီ ၊ တလူး ၊ ဝေဘူ ၊ မုန်းစမ်ယန် ၊ နန့်စမ်ယန် ၊ဖားမှော် ၊ အစရှိတဲ့ အထင် ကရ ရွှေမှော်တွေမှာ ပြည်တွင်းရွှေတူးဖော်သူ(လော်ပန်)များကို စက်ကြီးမျော တစ်မျောလျှင်တစ်လ ရွှေ (၂ကျပ်သား) စက်ကလေး (တစ်လုံးထိုး) တစ်မျောလျှင် (၁ကျပ်သား)လေးပေကျင်း တစ်ကျင်းတူးလျှင် (၂သောင်း) အစရှိသဖြင့် အခွန်ငွေ (ဆပ်ကြေး)တောင်းခံသောကြောင့် ငွေကြေးတောင်းတင်းသော လက်နက်ကိုင်အဖွဲ့အစည်း ဖြစ်လာတယ် ။

(၈)ဗမော် ၊ ကလေး ၊ခန္တီး ၊ ဟုမ္မလင်း ၊ မြစ်ကြီးနား ၊နမ္မတီး ၊ တနိုင်း ၊ အစရှိတဲ့ ဒေသများတွင် လူသစ်စုဆောင်းခြင်းများရှိသည့်အပြင် ကျေးလက်တောရွာများနှင့် စစ်အစိုးရ၏ သြဇာသက်ရာက် မှုမရှိသည့် ရွှေမှော်များမှ ရွှေလုပ်သား ကရင် ၊ ရှမ်း ၊ဗမာ ၊ ပအိုဝ့် ၊ ရခိုင် ၊လီဆူး များအားလဲ နိုင့် ထက်စီးနင်းပြု၍ ပေါ်တာဆွဲလေ့ရှိသည် ။

(၉)ပြည်နယ်တွင်း ဖွံ့ဖြိုးမှုနဲသည့် ဒေသများတွင် တာဝန်ထမ်းဆောင်ကြရသောပညာရေး ဌာန၀န်ထမ်းများဖြစ်သည့် ဆရာမများအားလဲ နည်းမျိုးစုံနှင့် သိမ်းသွင်းစည်းရုံးသည် ။အနုနည်းနှင့်မရပါက အကြမ်းဖက်၍ ဖမ်းဆီးခေါ်ဆောင်ပြီး KIA တပ်စခန်းချရာဒေသများ၌စာသင်ကြားပို့ချစေသည် ။

(၁၀)တောင်တန်းသာသနာပြုသံဃာတော်များအားလဲ အေးအေးချမ်းချမ်းသာသနာပြုခွင့်မရအောင် နှောက်ယှက်ဖျက်ဆီး၍ ၄င်းတို့နှင့် သဟဇာတမဖြစ်ပါက အသက်ကိုပါအန္တရာယ်ပြုသည့်အထိ ရက်စက်ကြသည် ။

အထက်ပါ အကြောင်းအချက်များသည် ကချင်ပြည်နယ်နေရာအနှံ့(၆)နှစ်လုံးလုံးနေ ခဲ့ချိန်တွင်မိမိကိုယ်တိုင်တွေ့ကြုံခဲ့သော အဖြစ်မှန်များဖြစ်သည် ။လိမ်လည်၍သော်၎င်း ချဲ့ကား၍သော်၎င်း တစ်လုံးတစ်ပါဒမျှ အပိုရေးမထားခြင်းမရှိ ။ကချင်လက်နက်ကိုင်အဖွဲ့အစည်း အင်အားတောင့်တင်းခြင်း ၊ သဘောထားတင်းမာနေခြင်းတို့သည် တိုင်းပြည်၏ သယံဇာတအားနည်းမျိုးစုံနှင့် ပြည်ပသို့ သယ် ထုတ်နေသည့်အပြင် ပြည်တွင်းမှ ပြည်သူတို့ထံမှလဲ အခွန်ဆပ်ကြေးများတောင်းခံခြင်း ၊ ဘိန်းဖြူ ဘိန်းမဲ စိုက်ပျိုးခြင်းနှင့် လက်နက်မှောင်ခို ရောင်းဝယ်ခြင်းအစရှိသော စီးပွါးရေးလုပ်ငန်းများကြောင့် ခိုင်မာသော လက်နက်ကိုင် အဖွဲ့အစည်းတရပ်အဖြစ် ရပ်တည်နေနိုင်ခြင်းဖြစ်သည် ။

တိုင်းပြည်ဆင်းရဲနေခြင်းသည် စစ်အစိုးရ၏ဖိနှိပ်မှု ၊ နိုင်ငံတကာ၏ စီးပွါးရေးပိတ်ဆို့မှု ၊ အတိုက် အခံတို့၏မခံခြင်စိတ် နာကြည်းစိတ်တို့မှဖြစ်ပေါ်လာသော အမှားများ ၊တိုင်းရင်းသား လက်နက်ကိုင် များ၏ ပြည်တွင်းသယံဇာတများ ပြည်ပသို့ခိုးထုတ်မှုများအပြင် အမျိုးသားသစ္စာဖောက် စည်းပွါးရေး သမားများ၏ မတော်လောဘအမှားများ ခေတ်အဆက်ဆက်အစိုးရများ၏ မိမိကောင်းစားရေးအတွက် တိုင်းပြည်၏သယံဇာတများအား ပေါ်ထင်တမျိုး ခိုး၍တစ်ဖုံပြည်ပသို့ ရောင်းချနေမှုများ လူပျင်းလူညံ့ တို့၏ ရေသာခိုအချောင်နေချင်စိတ်ကြောင့် အလုပ်လက်မဲ့ဖြစ်နေမှုများကြောင့်သာ တိုင်းပြည်ဆင်း ရဲတွင်းနက်ရသည်ဟု မျှမျှတတ ဝေဖန် မိသည် ။

ညီသုတ(ပြည်)

 

 Ref ; http://www.oppositeyes.info