သတင်းကြေငြာမှုကြည့်ရန်
နိုင်ငံတော်အတွင်း လုံခြုံရေး၊ တရားဥပဒေစိုးမိုးရေးနှင့် တည်ငြိမ်အေးချမ်းရေး ပျက်ပြားစေရန် ရည်ရွယ်ပြီး ယခုရက်ပိုင်းအတွင်း တိုင်းဒေသကြီးအချို့တွင် မသမာသူများက ဖောက်ခွဲမှုများအား လုပ်ဆောင် ခဲ့ကြသည်။ အထူးသဖြင့် ပြည်သူများ ထိတ်လန့်မှု၊ စိုးရိမ်ကြောင့်ကျမှု များ ဖြစ်ပေါ်စေ ပြီး နိုင်ငံ တည်ငြိမ်အေးချမ်းမှုကို ထိခိုက် ပျက်ပြားစေရန် ဦးတည်ဆောင်ရွက်ခဲ့ကြောင်း တွေ့ရှိရသည်။
ရန်ကုန်တိုင်းဒေသကြီး စော်ပွားကြီးကုန်း၊ အဝေးပြေးကားဝင်းရှေ့ ကားမှတ်တိုင်ရှိ ခရီးသည် နားနေဆောင် ပေါက်ကွဲမှု၊ သာကေတမြို့နယ် အခွန်လွတ်ဈေး ခြံစည်းရိုးအနီး ပေါက်ကွဲမှု၊ အလုံမြို့ နယ် ကမ်းနားလမ်းရှိ Western Park II စားသောက်ဆိုင် စားပွဲခုံအောက်တွင် ကြွပ်ကြွပ် အိပ်ဖြင့် ထုပ်ထားသည့်မိုင်း တွေ့သည့်ဖြစ်စဉ်နှင့် ကျောက်တံတားမြို့နယ် ကုန်သည်ကြီးများဟိုတယ်၊ အခန်း အမှတ် ၉၂၁ တွင် ပေါက်ကွဲမှုဖြစ်စဉ်များ ဖြစ်ပွားခဲ့ပြီး ပေါက်ကွဲမှုဖြစ်စဉ်များတွင် သံသယရှိ သူ စောမြင့်လွင် (ခ) မောထ ဆိုသူအား ဖြစ်စဉ်ဖြစ်ပွားပြီး ၂၄ နာရီအတွင်း ပြည်သူလူထု၏ ပူးပေါင်းပါဝင်မှုဖြင့် ဖော်ထုတ်ဖမ်းဆီးရမိခဲ့ကြောင်း သိရှိရသည်။
ထို့အပြင် ပဲခူးတိုင်းဒေသကြီး ညောင်လေးပင်မြို့မှ ဖြူးမြို့သို့ ထွက်ခွာလာသည့် ဇေယျာဟိန်း ယာဉ်လိုင်းပေါ်တွင် ကြွပ်ကြွပ်အိပ်ဖြင့် ထုပ်ထားသည့်မိုင်း တွေ့သည့်ဖြစ်စဉ်နှင့် တောင်ငူမြို့ ချမ်းမြေ့တည်းခိုခန်းအပေါ်ထပ် အခန်းအမှတ် ၆ တွင် ပေါက်ကွဲမှုဖြစ်စဉ်တို့တွင် ပြစ်မှုကျူးလွန်သူဟု ယူဆရသူမှာ စောစောထွန်းဆိုသူဖြစ်ကြောင်း ဖော်ထုတ်ရရှိပြီး ၄င်းအား ဖမ်းဆီးရမိရေး အတွက် ပြည် သူလူထုနှင့် ပူးပေါင်းဆောင်ရွက်လျက်ရှိသည်။
အလားတူ မန္တလေးမြို့ အောင်မြေသာစံမြို့နယ် ၁၆ လမ်းနှင့် လမ်း ၈၀ ထောင့် စားသောက်ဆိုင်တစ်ဆိုင် မိုင်းတွေ့သည့်ဖြစ်စဉ်၊ ရွှေပြည့်စုံတည်းခိုခန်း စားသောက်ခန်း ပေါက်ကွဲမှုနှင့် ဆွမ်းဦးပုညရှင်စေတီ ယာဉ်ရပ်နားနေရာ ပေါက်ကွဲမှု ဖြစ်စဉ်တို့အတွက် တရားခံ များ ဖော်ထုတ် ဖမ်းဆီးရမိရေးအတွက် တရားဥပဒေစိုးမိုးရေးအဖွဲ့များက ပြည်သူလူထုနှင့် ပူးပေါင်းဖော် ထုတ် ဆောင်ရွက်လျက် ရှိကြောင်း ပြည်ထဲရေးဝန်ကြီးဌာနမှ သတင်းရရှိသည်။
Myanmar Navy
Ref ; http://www.oppositeyes.info
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။