မလေးရှားမှ ဒဏ်ရာရှိသည့် မြန်မာလူမျိုးများ ဧရာဝတီဖောင်ဒေးရှင်း၏အကူအညီဖြင့် မြန် မာပြည် ပြန်မည်

...............................................................................................................
မလေးရှားနိုင်ငံတွင် မကြာသေးမီက ဖြစ်ပွားခဲ့သော အဖြစ်အပျက်များကြောင့် ထိခိုက်ဒဏ်ရာရရှိ ခဲ့ကြသော မြန်မာနိုင်ငံသားများသည် ဧရာဝတီဖောင်ဒေးရှင်း၏အကူအညီဖြင့် မြန်မာနိုင်ငံသို့ ပြန် လာတော့မည်ဖြစ်သည်။
ဆာလာရန်းဈေး၌ဓါးဖြင့်အထိုးခံခဲ့ရသော ကိုထွန်းမော်သိန်းကို လာမည့်(၁၇)ရက်နေ့တွင် MAI လေကြောင်းလိုင်းဖြင့် ဧရာဝတီဖောင်ဒေးရှင်းက မြန်မာနိုင်ငံသို့ပြန်လည်ပို့ဆောင်ပေး မည်ဖြစ်ပြီး ဆာလာရန်းဈေးတွင်ပင်တိုက်ခိုက်ခံခဲ့ရသော ကိုကိုမောင်ကိုလည်း မြန်မာနိုင်ငံသို့ ပြန်လည်ပို့ပေးရန် စီစဉ်နေသည်။
ဧရာဝတီဖောင်ဒေးရှင်းမှ ဦးရဲမျိုးဟိန်းက " လာမယ့်(၁၇)ရက်နေ့ MAI လေကြောင်းလိုင်းနဲ့ မြန်မာပြည်ပြန်မယ့် (၂၂)ဦးကို ကျွန်တော်တို့ ပြန်ပို့ပေးပါမယ်။ ဒါ ပထမ ဆုံးအသုတ်ပါပဲ။ အဲဒီ(၂၂)ဦးမှာ ၁၇ ဦးကတော့ ပဋိပက္ခတွေဖြစ်ခဲ့တဲ့ ဆာလာရန်းဒေသကပါ။ သူတို့ ဆက်မနေရဲတော့ဘူး။ တစ်ချို့ဆို အခု ခိုလှုံနေတဲ့ ဘုန်းကြီးကျောင်းထဲကနေ အပြင်ကို အမှိုက်တောင်ထွက်မပစ်ရဲဘူး။ အဲဒီထဲက တစ်ယောက်ကတော့ ဓါးနဲ့အထိုးခံခဲ့ရတဲ့သူပါ။ သူလည်း ပထမအသုတ်နဲ့ပြန်ပါမယ်။ သူက စာရွက်စာတန်းအားလုံးပြည့်စုံတော့ ချက်ချင်းပြန်လို့ရတယ်။ နောက်တစ်ယောက်ကတော့ ကိုကိုမောင်ပါ။ သူလည်း ပြန်ဖို့စီစဉ်နေတယ်။ သူကတော့ စာရွက်စာတန်းမပြည့်စုံလို့ ဆောင်ရွက်နေပါတယ်။ သူ့ကိစ္စနဲ့ပတ်သတ်ပြီး နိုင်ငံခြားရေး ဒုဝန်ကြီးနဲ့ သံအမတ်ကြီးတို့နဲ့လည်း ညှိနှိုင်းဆောင်ရွက်နေပါတယ်။ သူတို့ကလည်း ကိုကိုမောင့်ကို စာရွက်စာတန်းတွေအားလုံးထုတ်ပေးဖို့ စီစဉ်နေပါတယ်"ဟုပြောကြားခဲ့သည်။
အဆိုပါဒဏ်ရာရှိသူနှစ်ဦးအား စာရွက်စာတန်း၊ လူဝင်မှုကြီးကြပ်ရေးကိစ္စမှစ၍ အမိမြေ သို့ပြန် ရောက်သည်အထိ ဧရာဝတီဖောင်ဒေးရှင်းမှတာဝန်ယူဆောင်ရွက်ပေးသွားမည်ဖြစ်ပြီး ရန်ကန်ုလေဆိပ်သို့ရောက်ရှိပါက လူနာများကို ဆေးရုံကားဖြင့် ချက်ချင်း ဆေးရုံများသို့တင်ပို့ကာ လုံးဝကျန်းမာရေးပြန်ကောင်းသည်အထိ တာဝန်ယူကုသပေးသွားမည်ဖြစ်သည်။
အဆိုပါဒဏ်ရာရရှိသူနှစ်ဦးအပြင် အမိမြေသို့ပြန်ချင်သည့် အခြားသောဒဏ်ရာရရှိသူများကိုလည်း ဧရာဝတီဖောင်ဒေးရှင်းအနေဖြင့် တာဝန်ယူကာစီစဉ်ဆောင်ရွက်ပေးလျက်ရှိနေသည်။

 

By :

Ye Myo Hein