မွတ်ဆလင်ပြည်နယ်မှသည် နိုင်ငံတော်သို့ ခိုင်လင်း(မေဃ၀တီ)

ရခိုင်ပြည် ပြဿနာရဲ့ရင်းမြစ်
ဇွန်လနဲ့ အောက်တိုဘာလ ရခိုင်ပြည်အရေးအခင်းဟာ ပညာမတတ်မှု၊ ဥပဒေပညာ နားမလည်မှုတွေကြောင့် ဖြစ်ပွားရတာဖြစ်တယ်ဆိုတဲ့ သုံးသပ်ချက်တွေ ထွက်ပေါ်လာတယ်။ ဒီသုံးသပ်ချက်တွေဟာ အပေါ်ယံအားဖြင့် ကြည့်လျှင် ဖြစ်နိုင်မယ် ထင်ရပေမယ့် သေချာရဲ့လားလို့ ထပ်မေးရင် ခိုင်မာတဲ့ အချက်အလက် အထောက် အထားတွေနဲ့ ချပြနိုင်မယ်မထင်ပါဘူး။ ဆိုတော့ ရခိုင်ပြည်အေ

ရးအခင်းဟာ ပညာမဲ့ခြင်း၊ ဥပဒေကို နားမလည်ခြင်းကြောင့် မဟုတ်ဘူးလို့ ပြောချင်တယ်။ ဒါဆိုရင် ဘာကြောင့်လဲဆိုတဲ့ အမေးရဲ့ အဖြေကို ပြောလိုတယ်။

ရခိုင်ပြည်ရဲ့ တစ်ခြားတစ်ဖက်မှာရှိတဲ့ မွတ်ဆလင်များ ရပ်တည်ချက်

မြန်မာနိုင်ငံမှာ ယခုဖွဲ့ စည်းထားတဲ့အတိုင်းပြောရရင် ပြည်နယ်(၇)ခုနဲ့ တိုင်း(၇)ခ ရှိပါတယ်။ စုစုပေါင်း(၁၄)ခုပေါ့ ။ အဲဒီ(၁၄)ခုထဲမှာ ရခိုင်ပြည်ကလွဲရင် ကျန်တဲ့ ပြည်နယ်(၆)ခုနဲ့ တိုင်း(၇)တိုင်းမှာလည်း အစ္စလာမ်ဘာသာကို ကိုးကွယ်တဲ့လူတွေ ရှိပါတယ်။ အဲဒီ အစ္စလာမ်ဘာသာ ကိုးကွယ်တဲ့လူတွေဟာ မြန်မာနိုင်ငံမှာရှိတဲ့ တိုင်းရင်းသားပေါင်းစုံနှင့်အတူ လွတ်လပ်ရေးတိုက်ပွဲတွေမှာ ဆင်နွှဲခဲ့တယ်။ လွတ်လပ် ရေးရပြီးနောက်ပိုင်းမှာလည်း မွတ်ဆလင်ကိုယ်ပိုင်အုပ်ချုပ်ရေး ပြည်နယ်ကိစ္စကို စိုးစဉ်းမျှ မပြောဆိုခဲ့ပါဘူး။ ထို့အတူ ဦးနေ၀င်း အာဏာသိမ်းကာလနဲ့ မဆလခေတ် တစ်လျောက်လုံးမှာဘဲဖြစ်ဖြစ် ၁၉၈၈ လူထုအရေးတော်ပုံ ကာလတွေကနေ ဒီနေ့ အချိန်ထိဘဲဖြစ်ဖြစ် မြန်မာတိုင်းရင်းသားတွေ တောင်းဆို တိုက်ပွဲဝင်ခဲ့တဲ့ စစ်အာဏာရှင်စံနစ် ချုပ်ငြိမ်းရေး၊ ဒီမိုကရေစီအရေး၊ လူ့အခွင့်ရေး၊ လွတ်လပ်စွာ ကိုးကွယ် ယုံကြည်ခွင့်၊ စစ်မှန်တဲ့ ပြည်ထောင်စုတည်ဆောက်ရေးစတဲ့ မူတွေအပေါ်မှာဘဲ ရပ်ပြီးတိုက်ပွဲဝင်ခဲ့ကြတယ်။ တစ်နည်းအားဖြင့် ပြောရရင် မြန်မာနိုင်ငံရှိ တိုင်းရင်းသားပေါင်းစုံနှင့်အတူ တိုင်းပြည် ကောင်းစားရေးကို ရှေ့ရှုခဲ့တယ်။ တိုင်းပြည်အပေါ်မှာ သစ္စာရှိပြခဲ့တယ်။ ဒါတွေကို ငြင်း၍ မရနိုင်သလို သမိုင်းအဖြစ်နဲ့လည်း ကျန်ရစ်ခဲ့တယ်။ မြန်မာနိုင်ငံရှိ တိုင်းရင်းသားပေါင်းစုံကလည်း အသိအမှတ်ပြုခဲ့ကြတယ်။ ဒီအထောက်အထားတွေဟာ ရခိုင်ပြည်ကလွဲပြီး ကျန်တဲ့ ပြည်နယ်(၆)ခနဲ့ တိုင်း(၇)ခုထဲက မွတ်ဆလင်တွေရဲ့ ရပ်တည်မှုတွေဖြစ်တယ်။

ရခိုင်ပြည်မှာရှိတဲ့ ဘင်္ဂလီတွေရဲ့ ရပ်တည်ချက်

ရခိုင်ပြည်ထဲမှာရှိတဲ့ မွတ်ဆလင်ကတော့ အခြားပြည်နယ်နဲ့တိုင်းတွေမှာရှိတဲ့ မွတ်ဆလင်တွေနဲ့ ကွဲပြားပါတယ်။ သူတို့ရဲ့အိပ်မက်ဟာ မွတ်ဆလင် ကိုယ်ပိုင်အုပ်ချုပ်ခွင့်ရ ပြည်နယ်မှတစ်ဆင့် သီးခြားမွတ်ဆလငနိုင်ငံ တည်ထောင်ရေးဖြစ်တယ်။ ဒီအိပ်မက်မျိုးကို အခြားပြည်နယ်နဲ့တိုင်းတွေမှာရှိတဲ့ မွတ်ဆလင်တွေ မက်ခဲ့တဲ့ အိပ်မက်(လှုပ်ရှားမှုသမိုင်း)ကို မတွေ့သေးပါဘူး။ ရခိုင်ပြည်မှာရှိနေတဲ့ ရိုဟင်ဂျာအမည်ခံ ဘင်္ဂလီတွေကတော့ မြန်မာနိုင်ငံ လွတ်လပ်ရေးမရေးခင်ကပင် ဒီအိပ်မက်ကို အကောင်အထည်ဖော်ခဲ့တာဖြစ်တယ်။

မြန်မာနိုင်ငံလွတ်လပ်ရေးကြိုးပမ်းစဉ်ကာလက ဘင်္ဂလီတွေရဲ့ ရပ်တည်ချက်

ဒုတိယကမ္ဘာစစ်မဖြစ်ခင် အန္ဒိယနိုင်ငံရှိ မွတ်ဆလင်များက သီးခြားမွတ်ဆလင်နိုင်ငံတည်ထောင်ရေး လှုပ်ရှားမှုဟာ ရခိုင်ပြည်မှာ ရှိနေတဲ့ ရိုဟင်ဂျာအမည်ခံ ဘင်္ဂလီတွေအတွက် ပုံဖော်စရာ အိပ်မက်တစ်ခုရရှိခဲ့ တယ်လို့ ပြောရမှာ ဖြစ်တယ်။ သူတို့ အိပ်မက်က အိန္ဒိယနိုင်ငံက ခွဲထွက်ပြီး ပါကစ္စတန်နိုင်ငံသစ် ထူထောင်ရေးကြိုးပမ်းနေတဲ့ လှုပ်ရှားမှုနဲ့ ဆက်စပ်ရန်ဖြစ်တယ်။ ဆိုလိုတာက ပါကစ္စတန်နိုင်ငံသစ်ဖြစ်ပေါ်လာရင် ရခိုင်ပြည်နယ်ထဲက ဘူးသီးတောင်၊ မောင်တော၊ ရသေ့တောင်တို့ ကို ထည့်ပြီး နိုင်ငံသစ်တည်ဆောက်ရေး ဖြစ်တယ်။ ဒါကြောင့် ရိုဟင်ဂျာအမည်ခံ ဘင်္ဂလီတွေဟာ ၁၉၄၂ ခုနှစ်၊ ကရာချီမြို့မှာ ကျင်းပတဲ့ အစ္စလာမ်ညီလာခံမှာ ပါကစ္စတန်နဲ့ ပေါင်းစည်းရေးအဆိုကို တင်သွင်းခဲ့ဖူးတယ်။ ဆိုတော့ ဖြစ်နိုင်ချေရှိရဲ့လားလို့ မေးရင် ရှိတယ်ဖြေရပါလိမ့်မယ်။ အကြောင်းကတော့ ၁၉၄၈ ခုနှစ်က ထုတ်ဝေခဲ့တဲ့ ဦးပုကလေးရေးထားသော ငါတို့ဗိုလ်ချုပ် ဘာတွေ လုပ်ခဲ့သလဲ တတိယတွဲမှာပါတဲ အောက်ပါရေးသားချက်က ခိုင်မာတဲ့အထောက် အထားလို့ ပြောရပါလိမ့်မယ်။

" စစ်အတွင်း ၁၉၄၆ တွင် Jami- a – tul Ulema-e Islam အဖွဲ့ပေါ်ပေါက်လာရာ ၄င်းပါတီက ၁၉၄၇ ခုနှစ်တွင် ကရာချီသို့သွားကာ ပါကစ္စတန်လွတ်မြောက်ရေး လှုပ်ရှားနေသော မွတ်ဆလင်ခေါင်းဆောင် ဂျင်းနားနှင့်တွေ့ဆုံပြီး ဘူးသီးတောင်၊ မောင်တော၊ ရသေ့တောင်တို့ကို ပါကစ္စတန်နိုင်ငံနှင့် ပူးပေါင်းခွင့်ပြုရန် တောင်းဆိုခဲ့သည်။ ထိုသို့ဆွေးနွေးရာတွင် ရခိုင်မြောက်ပိုင်းဒေသကို တိုက်ခိုက်ပြီး ပါကစ္စတန်ထဲသို့ သွတ်သွင်းရန် သို့မဟုတ် ကိုယ်ပိုင်အုပ်ချုပ်ခွင့်ရ ဒေသအဖြစ် ရရှိအောင်လုပ်ပေးရန် ဆွေးနွေးခဲ့သည်။ ဗိုလ်ချုပ်အောင်ဆန်း အိန္ဒိယသို့ အသွားတွင် မွတ်ဆလင် ခေါင်းဆောင် မစ္စတာဂျင်းနားနှင့်တွေ့ဆုံခဲ့ရာ ဂျင်းနားက ဘူးသီးတောင်နှင မောင်တောဒေသမှ မွတ်ဆလင်များက ပါကစ္စတန်ထဲသို့ ပူးပေါင်းရန် တောင်းဆိုမှုကို မိမိကိုယ်တိုင် မထောက်ခံကြောင်း ပြောကြားခဲ့သည်။ မွတ်ဆလင်ခေါင်းဆောင် ဂျင်းနားက ရခိုင်ပြည် မောင်တောနှင့် ဘူးသီးတောင်နယ်များကို ဘင်္ဂလားပြည် (ယခုဘင်္ဂလားဒေ့ရ်ှနိုင်ငံ)ထဲသို့ သွတ်သွင်းပေးရန် စစ်တကောင်း မူဆလင်အချို့က တောင်းဆိုချက်နှင့်ပတ်သက်၍ ဤသို့လုံးဝမဖြစ်စေရပါဟုပြောရင်း ဗမာပြည်သာမက မည်သည့်အခြားနယ်ပယ်ကိုမှ သိမ်းယူရန် သို့မဟုတ် တောင်းယူရန် မူဆလင်လိ(ခ်)၌ ရည်ရွယ်ချက်မရှိကြောင်း ၊ ထိုကဲ့သို့ဘင်္ဂလားပြည်အရှေ့ပိုင်းမှ လက်တစ်ဆုပ်မျှလောက်သော မူဆလင်လူမျိုးအချို့၏ တောင်းဆိုချက် ဆိုသည်မှာလည်း ဘာမှ ဂရုစိုက်စရာမလိုကြောင်း စသည်ဖြင့် ရှင်းပြခဲ့သည်။ "ဒီနေရာမှာ စကားချပ်အနေနဲ့ ပြောချင်တာက ၂၀၁၁ က ကျနော်ရေးသားခဲ့တဲ့ ဦးရာဇတ်မှသည် ကိုမြအေးအထိ သို့သော် တံခါးလာခေါက်ပြီ ဆောင်းပါးမှာ ဂျင်းနားက ဘူးသီးတောင်၊ မောင်တောကို တောင်းဆိုခဲ့တယ်လို့  အမှတ်မှားစွာ ဖော်ပြခဲ့ဖူးပါတယ်။ အမှန်က ရိုဟင်ဂျာအမည်ခံ ဘင်္ဂလီတွေက တောင်းဆိုခဲ့တာလို့  အမှန်ကို ပြင်ပါတယ်။ ဆိုတော့ ဂျင်းနားရဲ့ ငြင်းပယ်မှုကြောင့် ဘင်္ဂလီတွေဟာ လက်နက်ကိုင်လမ်းစဉ်ကို ရွေးခဲ့ပြီး ၁၉၄၇ ခုနှစ် ကုန်ခါနီးမှာ မူဂျာဟစ်ပါတီကို ဖွဲ့စည်းခဲ့ပါတယ်။ ၁၉၄၆ ခုနှစ်က ပေါ်ပေါက်ခဲ့တဲ့ Jami- a – tul Ulema-e Islam အဖွဲ့နဲ့ချိတ်ဆက်ခဲ့ကာ ငွေကြေးကို ဒီအဖွဲ့က နည်းမျိုးစုံနဲ့ရှာပေးပြီး မူဂျာဟစ်ပါတီကို ပံ့ပိုးပေးခဲ့ပါ တယ်။ အဲဒီအဖွဲ့ကဘဲ ဘော်တွန်မလေထံ စာရေးပြီး သူတို့ဟာ Indo-Burma Frontier မှာ ရှိတဲ့အတွက် ပင်လုံညီလာခံမှာ Frontier ရပိုင်ခွင့်ကို တင်ပြ တောင်းဆိုလိုကြောင်း အကြောင်းကြားခဲ့ပေမယ့် ရခိုင်ပြည်ထဲက ဘင်္ဂလီတွေ ပင်လုံဆီမလှမ်းနိုင်ခဲ့ပါဘူး။ ဒါပေမယ့်လို့  အခြားပြည်နယ်တွေထဲမှာ နေထိုင်တဲ့ ဦးဖေခင်ကတော့ ပင်လုံကို တက်ရောက်ခွင့်ရခဲ့ပါတယ်။ ဒါဟာ ဘာကို ပြနေသလဲဆိုတော့ တိုင်းပြည်အပေါ်မှာ သစ္စာစောင့်သိမှုနဲ့ တိုင်းပြည်ကို ဖဲ့ထုတ်ရေးရဲ့ ကွာဟမှုဘဲဖြစ်ပါတယ်။

ကနေ့ရိုဟင်ဂျာလို့အမည်ခံထားတဲ့ ဘင်္ဂလီတွေဟာ မြန်မာနိုင်ငံလွတ်လပ်ရေးမရခင် လွတ်လပ်ရေးအကြိုကာလကပင် မက်ခဲ့တဲ့ အိပ်မက်မျိုးနဲ့ အခြားပြည်နယ်ခြောက်ပြည်နယ်နဲ့ တိုင်းခုနှစ်တိုင်းမှာ ရှိနေတဲ့ မွတ်ဆလင်တွေရဲ့ ဆန္ဒ သဘောထားဟာ ကွာခြားပါတယ်။ ရခိုင်ပြည်ဘက်မှာ ရှိနေတဲ့ မွတ်ဆလင်တွေရဲ့ ဆန္ဒသဘောထားဟာ ဒေသ ခံရခိုင်တွေနဲ့ရော ပြည်ထောင်စုကို လိုလားတဲ့ တိုင်းရင်းသားပေါင်းစုံကိုပါ ခြောက်ခြားစေပါတယ်။ ရခိုင်ပြည်ထဲမှာရှိတဲ့ မွတ်ဆလင်ဘာသာဝင်တွေအားလုံးဟာ ဒီလိုဘဲလားလို့မေးရင် မဟုတ်ဘူးလို့  ဖြေရပါလိမ့်မယ်။ ၁၉၃၁ ၀န်းကျင်က ရန်ကုန်တက္ကသိုလ် ကျောင်းသား ကျောင်းသူများ သမဂ္ဂရဲ့ ဥက္ကဋ္ဌ ဦးထွန်းစိန်ဟာ ရခိုင်ပြည်ထဲက မွတ်ဆလင်တစ်ယောက်ပါ။ တိုင်းပြည်ဖဲ့ထုတ်ရေးကို မကြိုးပမ်းခဲ့ပါဘူး။ အဲဒီလို မျိုးဆက်တွေရှိပါတယ်။ ဒါပေမယ့်လို့  ကနေ့အချိန်မှာ အကြမ်းဖက် ရိုဟင်ဂျာအမည်ခံဘင်္ဂလီတွေရဲ့ အကြမ်းဖက်ခြင်း၊ တိုင်းပြည်ဖဲ့ထုတ်လိုခြင်းတွေကြောင့် အပြစ်မဲ့ ရခိုင်ပြည်ထဲက မွတ်ဆလင်တွေပါ အရောင်တွေ စွန်းထင်းခံခဲ့ရသလို အရောင်တွေချယ်သခြင်းကို ခံလိုက်ရပါတယ်။ ထို့အတူ မြန်မာနိုင်ငံ တစ်နံတစ်လျားမှာရှိတဲ့ မွတ်ဆလင်ထုကိုပါ ထင်ယောင်ထင်မှား မယုံသင်္ကာစိတ်တွေကို ဖြစ်ပေါ်စေခဲ့ပါတယ်။ ဒါကြောင့် တိုင်းပြည်ဖဲ့ထုတ်လိုတဲ့ အကြမ်းဖက် ရိုဟင်ဂျာ အမည်ခံဘင်္ဂလီတွေကို ဆန့်ကျင်ကြောင်း မြန်မာပြည်ထဲမှာရှိတဲ မွတ်ဆလင်တွေ ပြသဖို့ လိုအပ်ပါတယ်။

မြန်မာနိုင်ငံလွတ်လပ်ရေးရပြီးနောက် ဘင်္ဂလီတွေရဲ့ရပ်တည်ချက်

ဆက်ပြောရရင် မြန်မာနိုင်ငံလွတ်လပ်ရေးမရမီက ဖွဲ့ စည်းခဲ့တဲ့ မူဂျာဟစ်အဖွဲ့ ဟာ ၁၉၄၈ ခုနှစ်မှာ တရားဝင်ဖွဲ့စည်းပြီး အဲဒီအဖွဲ့က

(က) ကုလားတန်မြစ် အနောက်ဘက်ကမ်းနှင့် နစ်မြစ်အရှေ့ဖက်ကမ်းကြားဒေသကို မွတ်ဆလင်တွေရဲ့ National Home အဖြစ် သတ်မှတ်ပေးရန်။

(ခ) ရခိုင်ရှိမွတ်ဆလင်များကို တိုင်းရင်းသားစာရင်းထဲ ထည့်သွင်းပေးရန် စသည်ဖြင့် တောင်းဆိုခဲ့ကြတယ်။ ဒီတောင်းဆိုချက်တွေကို ခွဲခြမ်းကြည့်ရင် မြန်မာနိုင်ငံ လွတ်လပ်ရေးမရမီကာရော ရပြီးနှစ်မှာပါ တိုင်းပြည်ဖဲ့ထုတ်ရေး ကြိုးပမ်းခဲ့ခြင်းကို တွေ့ရပါတယ်။ နောက်တစ်ချက်က မြန်မာနိုင်ငံလွတ်လပ်ကာစမှာ ဘင်္ဂလီတွေကို မြန်မာနိုင်ငံ တိုင်းရင်းသားစာရင်းမှာ ထည့်သွင်းထားခြင်းမရှိဘူးဆိုတာ ထင်ရှားစေသလို ဘင်္ဂလီတွေဟာ ရိုဟင်ဂျာဆိုတဲ့ စကားလုံးကို သုံးစွဲခြင်းမရှိသေးဘူးဆိုတာလည်း ထင်ရှားစေပါတယ်။

၁၉၅၁ ခု ဇွန်လမှာ နယ်ပယ်အသီးသီးက ပါဝင်တဲ့ မွတ်ဆလင်ညီလာခံကို ရခိုင်ပြည် မောင်တောမြို့နယ် အလယ်သံကျော်ရွာမှာ ကျင်းပခဲ့ပါတယ်။ အဲဒီ အလယ်သံကျော် ညီလာခံက ဆုံးဖြတ်ချက်တွေကို ချမှတ်ခဲ့ပြီး အစိုးရသို့ အိပ်ဖွင့်ပေးစာအဖြစ် တင်ပြခဲ့တယ်။ ညီလာခံရဲ့ဆုံးဖြတ်ချက်တွေထဲမှာ အရေးကြီးတဲ့ အချက်တွေကတော့

(က) ရခိုင်မြောက်ပိုင်းကို ပြည်ထောင်စု မြန်မာနိုင်ငံအတွင်းရှိ ရှမ်းပြည်နယ်၊ ကရင်ပြည်နယ်၊ ချင်းတောင်တန်းများ၊ ကချင်ဒေသများနည်းတူ လွတ်လပ်သော မွတ်ဆလင်ပြည်နယ်အဖြစ် အမြန်ဆုံးဖွဲ့စည်းပေးရန်၊

(ခ) စစ်တွေမြို့ကို ရခိုင်ပြည်နယ် တောင်ပိုင်း မြောက်ပိုင်းမြို့တော်ဟု သတ်မှတ်ကာ မြို့နှင့်ဆိပ်ကမ်းကွပ်ကဲမှုကို ရခိုင်နှင့် မွတ်ဆလင်(၅၀)ရာခိုင်နှုန်းစီ စီမံခန့်ခွဲ အုပ်ချုပ်ခွင့်ပြုရန်နှင့် ပထမဆုံးမြို့တော်ဝန်နှင့် တိုင်းမင်းကြီးကို မွတ်ဆလင်လူမျိုးမှ ခန့်ထားရန်၊

(ဂ)လက်နက်ကိုင်တပ် ဖွဲ့စည်းပေးရန် ထိုတပ်ဖွဲ့မှ မွတ်ဆလင်(၅၀)ရာခိုင်နှုန်းပါဝင်ရန် ဗဟိုအစိုးရအဖွဲ့တွင်မူ ၀န်ကြီးခန့်ထားရန်၊

(ဃ)တိုင်းပြုပြည်ပြုလွှတ်တော်တွင် အခြားပြည်နယ်များနှင့် တိုင်းများနည်းတူ ကိုယ်စားလှယ်အညီအမျှ စေလွတ်ခွင့်ရရန်၊

(င)မွတ်ဆလင်ကောင်စီ ထားရှိခွင့်ပြုရန် စတဲ့အချက်များပါဝင်ပါတယ်။

ဒီညီလာခံကို ပါလီမန်အမတ်များဖြစ်တဲ့ စူလတန်မာမွတ်၊ ဦးဖိုးခိုင်(မွတ်ဆလင်)၊ ဒေါ်မြညွန့်(မွတ်ဆလင်)တို့ပါ တက်ရောက်ခဲ့ပါတယ်။ ဒီပါလီမန်အမတ်များဟာ ဘာသာရေးလမ်းညွန်ချက်အတိုင်း ဆောင်ရွက်နေခြင်း ဖြစ်တယ်ဆိုတာ ထင်ရှားပါတယ်။ ဒါကြောင့် ကနေ့ လွှတ်တော်ကို ရောက်ရှိနေတဲ့ ဘင်္ဂလီအမတ်တွေကို သတိကြီးစွာ ထားရမယ်ဆိုတာ ထင်ရှားစေပါတယ်။ တစ်ဖက်မှာလည်း လက်နက်ကိုင်နေတဲ့ မူဂျာဟစ်ပါတီကလည်း ၀န်ကြီးချုပ် ဦးနုထံသို့ တင်သွင်းခဲ့သည့် စာတမ်းထဲမှာ ပါဝင်တဲ့ တောင်းဆိုချက်များအနက် အရေးကြီးသည့် တောင်းဆိုချက်တွေကတော့ --

(က) ရခိုင်ဒေသအတွင်းရှိ မွတ်ဆလင်များအားလုံးကို နိုင်ငံတော်အတွင်းရှိ ရခိုင် မွတ်ဆလင်များအဖြစ် လက်ခံရန်၊

(ခ) မူဂျာဟစ်များကို အမြဲတမ်းတပ်မတော်တွင် ရခိုင်မွတ်ဆလင် သေနတ်ကိုင်တပ်အဖြစ် သီးခြားထားပေးရန် စတဲ့ အချက်များပါဝင်ပါတယ်။

သုံးသပ်ချက်

အထက်က တင်ပြခဲ့တဲ့ တောင်းဆိုချက် နှစ်ရပ်စလုံးမှာ ရိုဟင်ဂျာဆိုတဲ့ စကားလုံးကို သုံးစွဲခြင်းမရှိသေးပါဘူး။ ၁၉၉၀ ရွေးကောက်ပွဲကာလမှာလည်း ရိုဟင်ဂျာပါတီအဖြစ် မှတ်ပုံတင်ခဲ့ပေမယ့် ဒီစကားလုံးကို သုံးစွဲရင် မှတ်ပုံတင်ခွင့် မပြုခဲ့တဲ့အတွက် အခြားနာမည်ကို ရွေးခဲ့ရတဲ့ သာဓကတွေရှိတယ်။ ရွေးကောက်ပွဲကော်မရှင်က အဲဒီစကားလုံးကို ပယ်ထားခဲ့ပေမယ့် ဘင်္ဂလီတွေဟာ နိုင်ငံတကာကို ခြေဆန့်ပြီး ရိုဟင်ဂျာဆိုတဲ့စကားလုံးကို နိုင်ငံတကာက သိအောင် ငွေတွေခင်းပြီး ပြုလုပ်လာခဲ့တယ်။ တစ်ဖက်မှာလည်း မီဒီယာအချို့ကို အသုံးချခဲ့တယ်။ နောက်ဆုံး ပြဿာနာတွေ ဖန်တီးပြီး ဘာသာရေးအရ ဖိနှိပ်ခံနေရပါတယ်။ လူမျိုးတုန်းသတ်ဖြတ် နေပါတယ်လို့  အော်ဟစ်ခဲ့တယ်။ OIC လို အဖွဲ့ကိုတောင် မြန်မာပြည်ထဲ ၀င်အောင်နိုင်အောင်ထိ ထိုးဖောက်လှုပ်ရှားနိုင်တယ်။ အကြမ်းဖက်အဖွဲ့တွေနဲ့ ချိတ်ဆက်နိုင်သလို ပြည်တွင်း ပြည်ပ ဟန်ချက်ညီညီလှုပ်ရှားမှုဟာ လွှတ်တော်ထဲထိ ရောက်အောင် လှုပ်ရှားပြခဲ့တယ်။ ၁၉၈၈ နောက်ပိုင်းကာလတွေက မြန်မာနိုင်ငံ တနံတလျားမှာ ရှိနေတဲ့ မြန်မာမွတ်ဆလင်တွေကို မစည်းရုံးနိုင်ခဲ့ပေမယ့် ကနေ့ အချိန်မှာ တစ်သားထဲဖြစ်အောင် စည်းရုံးနိုင်ခဲ့တယ်လို့ပြောမယ်ဆို ပြောနိုင်တယ်။ အထက်က တင်ပြခဲ့တဲ့ ရခိုင်ပြည်ထဲက ရိုဟင်ဂျာအမည်ခံဘင်္ဂလီတွေရဲ့ လှုပ်ရှားမှုအဆင့်ဆင့်ဟာ လွတ်လပ်ရေးမရခင်ကပင် ဒီနေ့အချိန်ထိ မြန်မာနိုင်ငံ တိုင်းရင်းရင်းသားဖြစ်ရေး လှုပ်ရှားမှုရဲ့နောက်ကွယ်မှာ မွတ်ဆလင်ပြည်နယ်မှသည် မွတ်ဆလင်နိုင်ငံ ထူထောင်ရေးဖြစ်တယ်ဆိုတာကို ပြောချင်ပါတယ်။ ဒီလှုပ်ရှားမှုတွေကို အာဏာမဲ့နေတဲ့ ရခိုင်လူထုက ခေတ်အဆက်ဆက် ထိတွေ့ခံစားလာရခြင်းဖြစ်တယ်။ ဒါကြောင့် ရခိုင်လူထုရဲ့ တုန့်ပြန်မှုဟာ တိုင်းပြည်ရဲ့ အချုပ်အခြာအာဏာအပေါ်မှာ ရပ်ပြီးတုန့်ပြန်ခဲ့တာဖြစ်တယ်။ ပညာမတတ်မှု၊ ဥပဒေကို နားမလည်မှု၊ တရားဥပဒေစိုးမိုးမှု မရှိခြင်းကြောင့်ဖြစ်ရပါတယ်ဆိုတဲ့အဖြေဟာ ခိုင်မာတဲ့အထောက် အထားမရှိတဲ့ ယိုင်နဲနဲ အထောက်အထားတွေသာဖြစ်တယ်ဆိုတာကို အထက်က အထောက်အထားတွေနဲ့ ချပြခဲ့တာဖြစ်တယ်။ ဘယ်လိုဘဲဖြစ်ဖြစ် အလယ်သံကျော် ညီလာခံရဲ့ ဆုံးဖြတ်ချက်တွေဟာ ဒီနေ့အချိန်ထိ သက်ဝင်လှုပ်ရှားနေပြီး ဟန်ချက်ညီညီ လှုပ်ရှားနေဆဲဖြစ်တယ်ဆိုတာကို ပြောလိုပါတယ်။ ပါလီမန်ခေတ်ကလည်း လွှတ်တော်ထဲထိ တင်သွင်းဆွေးနွေးခဲ့ဖူးသလို ကနေ့အချိန်မှာလည်း လွှတ်တော်ထဲထိ သယ်ဆောင်လာကာ ရိုဟင်ဂျာအမည်ခံ ဘင်္ဂလီတွေက နိုင်ငံတော်ရဲ့ အချုပ်အခြာအာဏာကို ကိုင်လှုပ်ခဲ့ပါတယ်။ ဒါဟာ ခေတ်သစ်မြန်မာနိုင်ငံအတွက် ပြင်းထန်တဲ့ စိန်ခေါ်မှုတစ်ရပ်လို့ ပြောရပါလိမ့်မယ်။ ။

ခိုင်လင်း(မေဃ၀တီ)

နိုင်ဝင်ဘာ(၁၁)၂၀၁၂ ညနေ - ၄း၅၀

 

By :

Black Angle