2013-03-17
လက်ပံတောင်းတောင် ကြေးနီစီမံကိန်း ဖျက်သိမ်းရေးအတွက် ဆန္ဒပြခဲ့ကြတဲ့ သပိတ်စခန်းတွေကို ဒေသခံလူထုက သူတို့သဘောဆန္ဒအရပဲ မနေ့ညက ယာယီ ရုပ်သိမ်းလိုက်ကြပါတယ်။
သပိတ်စခန်းတွေ ရုပ်သိမ်းလိုက်တဲ့ အကြောင်းအရင်းနဲ့ ပတ်သက်ပြီး ဒေသခံရွာသား ဦးအောင်သန်းမျိုးက RFA ကို အခုလို ပြောပါတယ်။
" ကျွန်တော်တို့ သပိတ်စခန်းတွေ ဖျက်ရတဲ့ အကြောင်းအရင်းကတော့ ကော်မရှင်ထဲမှာပါတဲ့ ကျွန်တော်တို့ ဒေသခံပြည်သူတွေက ကိုယ့်ဘာသာကိုယ် တရားဥပဒေနဲ့ အညီ အသိစိတ်ဓာတ်နဲ့ တရားဥပဒေကို လေးစားလိုက်နာတဲ့အနေနဲ့ ယာယီရပ်ဆိုင်းထားတာပေါ့"
ရန်ကုန်မြို့ကနေ လာရောက်ကူညီသူတွေ အနေနဲ့ ဒေသခံတွေရဲ့ သဘောဆန္ဒမပါဘဲ ဆန္ဒပြပွဲတွေ ထပ်မံပြုလုပ်ခွင့်ရှိမှာ မဟုတ်ဘူးလို့ ဒေသခံ ဦးပဇ္ဇင်း တစ်ပါးက ဆန္ဒပြမယ့် အခြေအနေတွေနဲ့ ပတ်သက်ပြီး မိန့်ကြားပါတယ်။
တဆက်ထဲမှာလည်း လက်ပံတောင်းတောင်မှာရှိတဲ့ သပိတ်စခန်းတွေကို ဒေသခံရွာလူထုက သူတို့ဆန္ဒအရ ပိတ်သိမ်းလိုက်တာနဲ့ ပတ်သက်ပြီး ဒီအရေးကို ပါဝင်ဆောင်ရွက်ခဲ့တဲ့ ဆားလင်းကြီးမြို့နယ်၊ ဇီးတောရွာ စမ်းမြဝတီကျောင်းတိုက်မှာ သီတင်းသုံးနေတဲ့ အရှင် ဦးစန္ဒာသီရိကို RFA သတင်းထောက် မရတနာဦးက ဆက်သွယ်မေးမြန်းထားပါတယ်။
------------------------------
RFA Burmese
By:
Post a Comment
Blogger Facebook DisqusComment ပေးရန် ညာဘက်ထောင့်မှ Blogger or Facebook or Disqus ကိုနှိပ်ပါ။