မတင်ညွှန့် 

မတင်ညွန့် မတင်ညွန့် အသက် ၅၀ ကျော်မှ ကံပေါ်ရှာတယ်။ ရွာမှာတော့ အနေကျုံ့သူတစ်ဦး။ ရွာမှာဆိုရင်တော့ ငယ်ငယ်ကတည်းက သိကြတဲ့သူတွေက သူ့ကို ချစ်စနိုးနဲ့ ဖြူသဲ လို့ ခေါ်ကြတယ်။ ဘာကြောင့် ဖြူသဲလို့ ခေါ်တာလဲ ဆိုတာတော့ သိတဲ့သူက ခပ်ရှားရှား။(သိတဲ့သူက ဘာသာပြန်တက်တယ်)


နာမည်ကြီးချင်တော့လည်း တစ်ချက်တည်းပါ့လားနော်။ အခုတော့ ဒီနံမည် မသိတဲ့သူတွေက ခေတ်မမှီလွန်းလို့ သိတဲ့သူတွေကို messenger Viber ဖုန်း စသည်ဖြင့် တိုးတိုး တိတ်တိတ် မေးနေကြလေရဲ့။

သူက သိပ်စကား အများကြီးပြောတက်သူ မဟုတ်။ စကားနည်းလွန်းတယ်။ သူပြောချင်မှ ပြောတာ။ အလွန်ဆုံး ပြောလှ တစ်ခွန်း နှစ်ခွန်း။
ဓါတ်ပုံ ရိုက်မယ်လို့ ပြောလိုက်မှ "ရိုက် ရိုက်" ဒီလောက်ဘဲ တစ်ခွန်းတစ်လေ ပြောတက်သူ။

မွေးတာလဲ ကြည့်အုံးလေ။ စနေသမီး။စနေသမီး စိတ်ကြီးတယ်။ သူ့အမေကအစ ဗုဒ္ဓဟူးနေ့ကတည်းက ဗိုက်နာပြီး မွေးချင်နေတာ စနေဖြစ်အောင် (၃)ရက်လောက် ဇွတ်ပိတ်ပြီး စနေမှ စနေ ရအောင်မွေးခဲ့သူ။ မအေတူတယ်လို့ဘဲ ပြောရလေမလား။ နေတက် ရေတက်ကြမှ မွေးလာသူလေးမို့ အပြောထက် လက်တွေ့ဘဝမှာ အောင်မြင်သူဖြစ်တာပေါ့လေ။

ရွာမှာဆိုတော့ ဘယ်သွားသွား နေပူပူ မိုးရွာရွာ အဆင်ပြေအောင် ဗီယက်နမ် ခမောက်နဲ့တူတဲ့ ဝါး ခမောက်ကလေးတော့ အမြဲဆောင်နေကြ။
မြင်တဲ့သူတိုင်းကတော့ မတင်ညွန့်ကို နန်းဆန်လိုက်တာကြီး ပြောနေကြတာဘဲ။
မတင်ညွန့်ကိုလား သိတဲ့သူက အများသား ချစ်တဲ့သူကအများသား ဆိုတော့လဲ ထိကပါးရိကပါး လုပ်ဖို့ မပြောနဲ့ စေ့စေ့ ကြည့်ဝင့်တဲ့သူတောင် သိပ်မရှိ။ မတင်​ညွန့်ကိုမထိနဲ့​ မိုက်​ရင်​ထွက်​ခဲ့ ဆိုပြီး ကာကွယ်မဲ့သူကလဲ ဒုနဲ့ဒေး။

အနေအထိုင်တက်သူမို့ ဆဲဆိုပြီး ပြောတာလဲမရှိ။လုပ်ရပ်နဲ့ အနိုင်ယူတက်တာလေးတော့ တောသူမို့ ခွင့်လွှတ်ရတာပေါ့။
အခုခေတ်စားမေတဲ့ ဇွန်ကြီးတို့ ဇာကြီးတို့ လုလု တို့ နေခဲ့လိုက်တော့။ မတင်ညွန့်က သနားတယ်။
ချော်လဲတာတောင် အိုက်တင်လေး အပြည့်နဲ့ လဲတာရယ်။ မင်းသမီး တွေကတောင် ဘယ်လိုချော်လဲလိုက်တာလဲ မတင်ညွန့်ရယ်လို့ မေးယူရတဲ့အထိ လဲတဲ့အိုက်တင်လေးက အပြည့်။

တောဆိုတော့ ဟိုရိုက်ဒီရိုက် ရိုက်ရအောင် ကင်မရာ အစုတ်လေးတစ်လုံးတော့ သွားလေရာ ဆောင်ထားတက်တဲ့ မတင်ညွန့်။ ကင်မရာ အစုတ်ဆိုပေမယ့် ရုပ်ထွက် ကြည်သားနော်။ mega pixel မြင့်တယ်ဘဲ ပြောရမှာပေါ့။ သူမထင်တဲ့သူ သိပ်သဘောမကျတဲ့သူကိုတော့ အဖြူအမဲဘဲရမယ်ဆိုပြီး ရိုက်ပေးတယ်။ တစ်ချို့ အရိုက်ခံပြီးသူတွေရဲ့ပုံတွေ အဖြူအမဲနဲ့ လိုင်းပေါ်တက်နေပြီ။
အခုတော့ ဓါတ်ပုံသမား တော်တော်များများကလဲ ဓါတ်ပုံရိုက်မယ်ဆို မော်ဒယ်က ရိုက် ရိုက် ဆိုပီးပြေားလိုက်တိုင်း မတင်ညွန့် မျက်နှာကြီး ပြေးပြေးမြင်နေကြတယ်ဆိုတယ်။ အဲဒီလောက်ထိ လွှမ်းမိုးတဲ့ မတင်ညွန့်။

ချစ်သူချင်းဆိုရင်လဲ
"စိုးရိမ်တယ် မင်းလေးကို မိုးရာသီရဲ့ လမ်းချောတယ့် မြေသားတွေကို မနင်းပါနဲ့
မတင်ညွန့် ဖြစ်နေအုံးမယ် လို့"
ပြောပြီး စိုးရိမ်တက်တဲ့ အတွဲတွေ များလာပြီ။
ဟုတ်တယ်လေ ဘယ်ချစ်သူကမှ ကိုယ့်စော်ကို ချာ်လဲ ရောဖြဲဖြစ်စေချင် အဲလေ ရောင်လို့ ချော်လဲ ရောထိုင် ဖြစ်စေချင်ပါ့မလဲ နော့်။


ကိုယ်မကျေနပ်တဲ့သူက ကိုယ် post မှာ မဟုတ်မဟတ် လာရေးလို့ကတော့ လာထားဘဲ။ ခေတ်မှီမှီပြန်ရေးလိုက်မယ်
"Ha Ha တော့မရဘူး မတင်ညွန့်ပဲရမယ်"
ဒါမျိုး
ခေတ်လဲမှီရော ကိုယ်ပြောချင်တာလေးလဲ ပြောထည့်လိုက်ရရောအေ မကောင်းဘူးလား ဟီးးးး
မနက်က အလှူမှာ ဆုံလို့ မတင်ညွန့်က ခပ်အေးအေး နဲ့ တိုးတိုးလေး လာမေးသွားတယ်
ဘာတဲ့
ကျွန်မ ချောလား ဟင်?

ကိုဖြိုး (ပွင့်သောပန်းတိုင်း မွှေးရမည်)
၁၃-၆-၁၇ (၁၆:၃၁)