ကေအိုင်အေတို့ဝင်အစီးခံခဲ့ရသောကျွန်တော်စခန်းနှင့်ကျွန်တော်အဖြစ်

အဲဒီအချိန်တုန်းက ကချင်ပြည်နယ် ကေအိုင်အေစခန်းမျာနှင့်နီးသော ဝန်ထမ်းအချို့တွေအတွက် မလွယ်လှ အန္တရာယ်ရှိလှပါသည်။ မြစ်ကြီးနာမြို့တွင်လည်း ဟိုနေရာမိုင်ကွဲ ဒီနေရာမိုင်းကွဲဖြင့် မြို့တွင်းရှိပြည်သူများထိတ့်လန့်ါဖြင့်နေကြရသည်။အဝေးဆက်သွယ်ရေးစခန်းတွင်အလုပ်လုပ်နေကြသော ၀န်ထမ်းများ အထူးသဖြင့် မြန်မာ့ဆက်သွယ်ရးလုပ်ငန်း KIA လမ်းကြောင်းရှိရာ လိုင်ဇာ ဗန်မော် ဒေါ်ဖုန်းယံ မြို့သစ် ဆင်ဘိုအနီးရှိဝဲကြီးတောင် တာလောကြီး မလိယန်တော် ဝါရှီဘွန်တောင် CDMAစခန်းများ မိုက္ကရိုဝေဗ့်စခန်းများအတွက် ပိုမိုမလွယ်ကသည့်ူစိုးရိမ်စရာ အခြေအနေ။ မည်မျှပင်စိုးရိမ်စရာကောင်းနေပါမူ စားဝတ်နေရေးဖြစ်သော ၀မ်းရေးပြေလည်နိုင်ရန် တက်နိုင်သလောက်သတိထားလုပ်ကိုင်နေကြရသည်။ ဗန်မော်မှသူငယ်ခြင်း မြင့်ဇော်ဦး ခေါက်ဆင့်စခန်းတွင် မိုက္ကရိုစက်ပစ္စည်းများသွားရောက်ဖြုတ်ယူရင်း KIA လက်အတွင်းသို့ ကျရောက်ခဲ့ပြီ။ သူတို့လက်တွင် ကျရောက်ပြီဆိုလျှင် လွယ်အံမထင်။ ပြေးရင်လဲ လွတ်အောင်ပြေး မလွတ်က အသက်သေမည်လောမသိနိုင်ပါ။ မိခင်ဌါနသို့ပြန်ရောက်လာပါက အစစ်ဆေးမေးမြန်ခံရ မယုံသ့င်္ကာဖြစ်၍အလုပ်ပြုတ်ယုံသာလျှင်ဖြစ်နိုင်ခြေရှိသည်။ မြို့သစ်မိုက္ကရိုစခန်းမှ အသိတစ်ယောက်လဲ ဆက်သွယ်ရေးမှဝန်ထမ်းတစ်ယောက် ကေအိုင်အေစခန်းသို့ရောက်ရှိသွားပါ မည်ကဲ့သို့အလုပ်မျိုးကို တင်းကျပ်စွာစေခိုင်းမည်မသိနိုင်ပါ။ နီးရာဓါးကိုကြောက်နေရသူအဖို့ လူအခွင့်အရေးဟူသည် ဝေးနေအုံးမည်သာ။ စခန်းဝင်စီးရင် အပြစ်ခက်ခံရသည်။ မြို့သစ်မိုက္ကရိုစခန်းမှ အသိတစ်ယောက်လဲ ကေအိုင်အေများစခန်းဝင်စီးစဉ်က ကေအိုင်အေထဲသို့ပါသွားသည်လော သေသွားသည်
လော မသိရ။ တောထဲတွင် သွေးကွက်များသာတွေ့ရပြီး အလောင်းရှာရန် ခက်ခဲသဖြင့် ရှင်သည်လား
သေသည်လား အခုအချိန်အတိအကျမသိရပါ။ သူတို့်လက်တွင်ပါသွားသူအဖို့ ခိုင်းတာလုက်ရမည်လား
သေရမလား ဒီနှစ်လမ်းသာစဉ်းစားဘို့သာရှိသည်ထင်။ ကျွန်တော်အတွက်ကတော့ လက်နက်ကိုင်ခြင်း အကြမ်းဖက်ခြင်းအလုပ်ကို ဘယ်သောအခါမျှမလုပ်လို။ စားဝတ်နေရေးအတွက် ဒီဆက်သွယ်ရးအလုပ်ကလဲ မလုက်လို့မဖြစ် ဘာပဲဖြစ်ဖြစ် အတက်နိုင်ဆုံးတော့ သတိထားပြီး လုက်ကိုင်နေရသည်။

တော်သလင်းလပြည့်နေ့ညပိုင်းတွင် တာလောကြီး ဥက္ကဌဟောင်းဦးဆန်းထူကို ကြိုးတုပ်ကာ ဖမ်းဆီးခေါ်ဆောင်သွားသည်။ သူအကြောင်းနှင့်သူမို့ ကျွန်တော်အလှည့်တစ်နေ့ရောက်လာလိမ့်မည်တော့ ဘယ်လိုမှမထင်မိခဲ့ မတွေးမိခဲ့။ ကိုယ်လုပ်တာအမှားအယွင်းမရှိဟုယုံကြည်နေသည့်ကွန်တော်
ကေအိုင်အေတို့သည်လည်း ကျွန်တော်အတွက် စိုးရိမ်စရာမရှိဟုသာ ကျွန်တော်ယုံကြည်ခဲ့သည်။ ကျွန်တော်စခန်းတွင် စစ်တပ်အစောင့် ရဲအစောင့် ဘယ်သူမျှဘယ်နှစ်ယောက်မျှမရှိပါ။ ဒါလဲကောင်းပါသည်
နိုမဟုက်ရင် သူတို့အခြင်းခြင်းပစ်ခတ်ရင်း ကျွန်တော်ပါကြားညပ်ဒုက္ခရောက်သွားနိုင်သည်လို့သာ
တွေထင်ထားသည့်ကျွန်တော်အတွေး။ တခါတလေ ညတရေးနိုးတိုင်း တာလောကြီးရွာအတွင်းတစ်အိမ်
တက်တစ်အိမ်ဆင်းနေသည့် ကေအိုင်အေတို့သွားလာလှုပ်ရှားမှုတချို့ကို ညအမှောင်ထဲတွင်ကျွန်တော် ဝိုးတို့ဝါးတားမြင်ရတက်သည်။

8.10.11နေ့တွင် မိုးပြိုခဲ့သည်ရှိသော်ဆိုသည့် စကားပုံအတိုင်း ကျွန်တော်၏ပြည်နယ်မန်နေဂျာထံသို့ ကျွန်တော်စခန်းအတွက် အခြေအနေ မကောင်းကြောင်းကို သတင်းပို့ခဲသည်။ ပြည်နယ်မန်နေဂျာသည် ကျွန်တော်၏စခန်းအတွက် လုံခြုံရေးချထားရန် စီစဉ်ပြီး အခြေအနေထူးခြားမှုရှိပါက ပြန်လည်
သတင်းပို့ရန်မှာကြားခဲ့လေသည်။ လုံခြုံရေးမရှိ မလာပဲ ကျွန်တော်စခန်းတွင် လုံခြုံရေး 1+3 ဟု အထက်ကို သတင်းပို့ထားလေသည်။

ကျွန်တော်၏တပြည့်ကျော်မှာလဲ ကျွန်တော်အားခွင့်တိုင်ပြီး နေရပ်ရွှာသို့ ခ္တေခဏပြန်သွားသောကြောင့် ညပိုင်းတာဝန်ဝတ္တရားများအတွက် ကျွန်တော် အိပ်ရေးပျက်ရလေပြီ။10.10.11 နေ့ ပိုင်း ၇နာရီတွင် ကျွန်တော် ထမင်းစာပြီး ကျွန်တော်၏ခယ်မဖြင့် စကားကောင်းနေဆဲ။ ညပိုင်း ၈ နာရီသို့ ရောက်သောအခါ ဘေးအိမ်မှမိန်းကလေးအဖော်အဖြစ် ညဆွမ်းချက်ကူ အတူကူအိပ် မနက်ဆွမ်းပို့ရန်ခ်ါသွားလေသည်။

အိပ်ရေးပျက်သောညများအတွက် ကျွန်တော်သည် အိပ်ချင်စိတ် ဖြစ်ပေါ်လာခဲ့သည်။
ကျွန်တော်အမျိုးသမီးအား ကျွန်တော်အား ညဆယ်နာရီခွဲမှနှိုးရန် မှာပြီး
အိမ်အပေါ်ထပ်သို့တက်ကာ ကျွန်တော်တစ်ယောက်တည်း တဲအိမ်ကလေးအပေါ်ထပ်သို့တက်ကာ အိပ်လေတော့သည်။ အိပ်ပျော်စမကြာခင်မှာပင်တဝုန်းဝုန်းဆူသံများကြောင့် ရုတ်တတရက် ကျွန်တော်နိုး
လာခဲ့သည်။ အိပ်ရေးမဝရုတ်တရက်နိုးလာသဖြင့် ကျွန်တော်စိတ်ဆိုးစွာဖြင့် အသံကြားရာဘက်သို့
လှန်းကြည့်လိုက်သည်။ ``ဟာ ´´ သွားပြီ ကျွန်တော်ရှိရာအိပ်ပျော်နေရာအိမ်အပေါ်ထပ်သို့ လက်နက်ကိုင်များ လျှင်မြန်စွာတက်လာခဲ့ကြလေပြီ။ စစ်တပ်တော့မဟုက် ကေအိုင်အေစစ်သားများ
သာလျှင်ဖြစ်ပေတော့သည်။ ဘယ်အကြောင်းဘယ်လိုအကြောင်းများကြောင့် KIAတို့ ရောက်ရှိ
လာကြသနည်း။ တစ်စုံတစ်ခုသော သတင်းမှားကြောင့်သော်၎င်း ၊ သတင်းပေးမှားခြင်းကြောင့်သော်၎င်း ကျွန်တော်ရှိရာဆက်သွယ်ရေးစခန်း သို့ရောက်လာသည်ဟုသာ ကျွန်တော်တွေးထင်မိခဲ့ပါသည်။ တစ်ဆက်တည်းမှာပင် ကျွန်တောမိသားစုများ ဘယ်ရောက်ဘယ်ပျောက်ကုန်ကြသနည်းဟုတွေးရင်း ကျွန်တော်အလွန်စိတ်ပူသွားခဲ့သည်။

ကေအိုင်အေတို့သည် ကျန်ရှိနေသောကျွန်တော်မိသားစုတိုို့ အိမ်အောက်ထပ်နှင့်ရုံးခြံပတ်လည်တွင် လိုက်ရှာကြသည်ထင်။ ရှာတွေ့သည်ပုံမပေါ်ပါ။ တခြားဝေးရာသို့ရောက်ရှိသွားကြလေပြီထင်သဖြင့် ကျွန်တော် တော်တော်ကလေးစိတ်သက်သာရာရခဲ့သည်။ ကေအိုင်အေအင့်အား ၇ယောက်ခန့်က ကျွန်တော်အားဓါတ်မီးဖြင့်ထိုး သေနတ်ဖြင့်ဝိုင်းချိန်ကာ ကျွန်တော်ဆီသို့ ချဉ်းကပ်လာကြသည်။ အနားရောက်မှ ကျွန်တော်ကိုဖမ်းခြုပ်ကာ လည်ပင်းကို ကြိုးဖြင့် ချည်နှောင်ထားလေတော့သည်။ တစ်သက်နှင့်တစ်ကိုယ် မကြုံဖူးတဲ့အဖြစ်။

`` ကျန်တဲ့လူတွေ ဘယ်ရောက်ကုန်ပြီလဲ။´´
`` မသိဘူ ကျွန်တော်အိပ်ပျော်နေတာ။´´
`` သေနပ်ရှိလား။´´
`` မရှိဘူး။´´

ပြောလို့သာရရင်တော့ ကျွန်တော်က လက်နက်ကိုင်အဖွဲ့အစည်းမှမဟုက်တာ ဘယ်လိုသေနပ်ရှိရမှာ
လဲလို့သာပြောလိုက်ချင်သည်။ ခြင်ထောင်ထဲ အိပ်ယာထဲမချန် ကျွန်တော်မိသားစုကို သူတို့လိုက်ရှာကြသည်။ သူတို့ကျွန်တော်၏လည်ပင်းကိုကြိုးချဉ် လက်ပြန်ကြိုးတုပ်ထားကာ သေနပ်ဖြင့်
လည်းထောက်ထားပြီး တဲအိမ်အနှံ ရုံးခြံဝန်းအနှံမွှေနှောက်နေကြသည်။ ကျွန်တော်မိသားစုအ
ပြင်ရောက်နေကြသည်မှာ သေချာပါပြီ။ လာစမ်းဟု ကျွန်တော်ကို သေနပ်ဖြင့်ထောက်ကာ ကျွန်တော်အိပ်နေသည့်နေရာမှ ကျွန်တော်မိသားစုအိပ်ခန်းထဲသို့ ခေါ်သွားလေသည်။ အိပ်ခန်းထဲသိ
ေ့ရောက်မှ ကျွန်တော်ကိုချဉ်ထားသည့်လက်ပြန်ကြိုးကို ဖြည်ပေးပြီး သေတ္တာသော့ကိုဖွင့်ခိုင်းလေသည်။ တကယ် သေနပ်ရှိသည်ထင်လို့လား ပစ္စည်းယူချင်လို့လားဆိုသည်ကိုတော့ ကာယကံရှင်ကိုယ်တိုင်သာ သိပါလိမ့်မည်။ သေတ္တာပွင့်သွားသောအခါ သူတို့မွှေနှောက်ရှာဖွေကြသည်။ ဘာရှိမလဲ အ၀တ်အစားနှင့် လက်ဝတ်လက်စားသာလျှင် ရှိလိမ်မပေါ့။ `` ဗုံးရှိလား ´´ ကြံကြံဖန်ဖန် ကျွန်တော်စခန်းထဲတွင် ကျွန်တော်ကမိုင်းဗုံးထောင်ထားသည်ထင်နေ၍မေးခြင်းသာဖြစ်မည်။ သေတ္တာကိုသူတို့မွှေနှောက်ကြရင်းက ရှိမဲ့စုမဲ့ စုဆောင်းဝယ်ယူထားသော လက်ဝတ်လက်စားဘူးကလေး ထွက်ပေါ်လာခဲ့သည်။ အင်း ငါ့ပစ္စည်းလေးတွေတော့ သွားတော့မှာပျောက်ဆုံးတော့မှာပါလေဟု စိတ်မှာထင်လိုက်သည်။ နောက်ထပ်
ကျန်ရှိနေသည့် သောခက်မထားသောသေတ္တာတစ်လုံးကို ဖွင့်ခိုင်းသဖြင့် ကျွှန်တော်ဖွင့်ပြလိုက်သည်။ သူတို့စိတ်ကြိုက်ရှာဖွှေပြီးနောက် ကျွန်တော်ကို တဲအိမ်အောက်ထပ်သို့ဆွဲထုတ်ခေါ်ဆောင်
သွားလေတော့သည်။

ထိုသို့ခေါ်နေစဉ်အတွင်းမှာပင် ကျွန်တော်သေတ္တာအတွင်းရှိ ကျွန်တော၏လက်ဝတ်လက်စားဘူးများ
ကိုတစ်ချက်ပြန်ကာငဲ့ကြည့်မိသည်။ သြော် လူတို့၏သဘာဝသည် အံသြစရာကောင်းလေစွ သေ
ဘေးနှင့်ကြုံတွေ့နေတာတောင် အသက်သေမည်မသေမည် ဂရုမစိုက်နိုင်ပဲ ပစ္စည်းဥစ္စာကိုဂရုစိုက်
နေမိသည်လေ။ ကျွန်တော်ကံဆိုးပါပြီ ဘယ်သူလက်ချက်ကြောင့် ကျွန်တော်စုဆောင်းထားသည်
ပစ္စည်းပျောက်ဆုံးသွားသည်မသိပါ။ ကျွန်တော်ချွေးနည်းစာကလေးများ သူ၏မူလနေရာတွင်မရှိ
တော့ပါ။ ဖြစ်ပျက်တဖန်ပျောက်ဆုံးခြင်း ကျွန်တော်မလိုချင်သော သင်ခါရတရားပဲပေါ့။

ကြိုးတုပ်ထားသော ကျွန်တော်ကို သေနတ်ဖြင့်ထောက်ပြီး အိမ်အောက်သို့ဆင်းခိုင်းပါသည်။ အရေးထဲ ကျွန်တော်ကလဲ တစ်မျိုး။ ဖိနပ်မပါ ခြေဗလာဖြစ်နေသော ကျွန်တော်ခြေထောက်တစ်စုံအတွက် ဖိနပ်ဖိနပ်ဟု အတင်းအော်ကာ ဖိနပ်စီးဘို့ ကြိုးစားနေသေးသည်။ ခက်လိုက်သည့်အဖြစ်။ လူတို့၏အကျင့်သည်သေမှုသေခင်းအရေးတကြီးကြုံတွေ့နေရသည်ကိုပင် မထင်မှတ်ပဲ ပေါ်လာတက်သည်။ ကြည့်လေ သေမှာမသေမှာကိုတောင်သေချာမသိပါဘဲ သေရေးရှင်ရေးလောက်အရေးမကြီးသည်ဖိနပ်မပါ
သည်ကို ဖိနပ်စီးရန်တောင်းဆိုနေခြင်း။ `` ဘာဖိနပ်လဲ ´´ ဟု ဆောင့်အတွန်းခံလိုက်ရမှ ကျွန်တော် စက်များရှိရာ စခန်းအတွင်းသို့ ချေဗလာဖြင့် ရောက်ရှိခဲ့သည်။ မင်းတို့စခန်းရှိလို့ငါတို့တရုတ်
ဖုန်းတွေမရတာ မင်းတို့တရုတ်လိုင်းကို ပိတ်တယ်မဟုက်လားဟုမေးပါသည်။ `` မပိတ်ပါဘူး။´´ `` ဘာမပိတ်ရမလဲ ´´ ဟု ကျွန်တော်ကို ကေအိုင်အေတစ်ယောက်မှ ဟိန်းဟောက်လိုက်ပါသည်။ ကျွန်တော် ၏ဘာမျှပြန်မပြောနိုင်တော့ပါ။

တရားရုံးတွင် ကျွန်တော်တရားမျှမျှတတ အစစ်ဆေးမေးမြန်းခံနေရခြင်းမဟုက်။ ယခုလိုအခြေအနေမျိုးတွင် ကျွန်တော်အနေဖြင့် မှန်သည့်စကားကိုအတင်းအကျပ်ပြောနေယုံဖြင့် ဘာကောင်းကြိုးမျှရှိမည် ရှိနိုင်မည်နည်း။ ဘယ်စက်တွေက အရေးကြီးဆုံးလဲဟု သူတို့မေးပါသည်။ ဒီစက် ဒီစက်တွေပါဟု ကျွန်တော် ပြန်ဖြေပါသည်။ `` အဲဒီစက်တွေပိတ်လိုက်ရင် ဖုန်းတွေဆက်လို့မရတော့ဘူးမဟုက်လား ´´ ဟု မေးပါသည်။ `` မရတော့ဘူး´´ ဒါဆိုရင် ဖြုတ်ဟုပြောပါသည်။ ဝက်အူလှည့်ဖြင့်တပ်ဆင်ထားသော
စက်ကို ကျွန်တော်လက်ခြည်းသပ်သပ်ဖြင့်ဖြုတ်ခိုင်းနေခြင်း ဘယ်လိုလုပ်ဖြုတ်နိုင်မည်နည်း။ `` ဒီအတိုင်းဖြုတ်လို့မရဘူး ´´ ဟု ကျွန်တော်ပြန်ဖြေလိုက်သည်။ ``ဖုန်း´´ကနဲဆို ကျွန်တော်နာရင်းတစ်ချက်
အုတ်ခံလိုက်ရသည်။ ``မင်းကလီကမာမလုပ်နဲ့ ညာဏ်နီညာဏ်နက်များမယ်မကြံနဲ့ မင်းတို့ အစိုးရလဲ အရမ်းညာဏ်နီညာဏ်နက်များတယ် ဖြုတ် ´´ ဟူ၍နောက်ထပ် အတင်းအကျပ်ခိုင်းပါတော့သည်။ ကျွန်တော်လက်နှစ်ဖက်ကိုဘေးသို့ဆန့်ကား၍ ဒီအတိုင်းဖြုတ်လို့မှမရတာဟု ခပ်ကြယ်ကြယ် ခတ်ဆတ်ဆတ်ပြန်ဖြေမိလိုက်သည်။

ကျွန်တော်ဒေါသထွက်ပြီးပြန်ဖြေမိသည့်ကိစ္စသည် ပြန်စဉ်းစားကြည့်မိတော့ အံသြပြီး ရယ်စရာကောင်း
လှသည်။ သို့သော် `` ဝက်အူလှည့်ပါမှ ဖြုတ်လို့ရမယ် ´´ ဟု ကျွန်တော် ထပ်ပြောလိုက်သည်။ ထိုအခါမှ ကောအိုင်အေတစ်ယောက်ကကျွန်တော်၏ အင်ဂျင်စက်ခန်းအတွင်းသို့ ဝက်အူလှည့်နှင့် ဆိုဒ်ခွများရှာဖွေယူဆောင်လာ၍ ကျွန်တော်၏ရှေ့မှောက်တွင်`` ၀ုန်း ´´ကနဲမြည်အောင် ပြစ်ချပေးပြီး ``ရော့ဖြုတ်´´ ဟူ၍ခပ်ကြမ်းကြမ်းပြောကာ ဆက်သွယ်ရေးစက်များကိုဖြုတ်ခိုင်းလေတော့တော့သည်။ ကျွန်တော်ပုံမှန်ဖြုတ်နေစဉ်အတွင်း ကေအိုင်အေငယ်သားတစ်ယောက်မှ `` မြန်မြန်ဖြုတ်ဟု´´ ကြိမ်းမောင်းပါ့သည်။ သို့သော် သူတို့ခေါင်ဆောင်ဟုယူဆရသူကတော့ `` အေးအေးဆေးဆေးဖြုတ် ငါတို့တစ်ညလုံး အချိန်ရတယ်ဟူ၍´´ ပြောပြန်သည်။ မေးချင်တိုင်းမေးခွင့်ရမယ်ဆိုရင်တော့ ``တစ်ယေက်ကမြန်မြန်ဖြုတ် တစ်ယောက်က အေးအေးဆေးဆေးလုပ် ကျွန်တော်ဘယ်လိုလုပ်ရမလဲ´´ ဟုသာမေးလိုက်ချင်သေးသည်။ သူတို့ခေါင်းဆောင်ဟုယူဆရသူသည် ထိုင်ခုံယူ၍အေးအေးဆေးဆေးထိုင်
ကာ ကျွန်တော်လုပ်သမျှကို ကြည့်နေတော့သည်။ လည်ပင်းကိုကြိုးချည်ထားသော ကျွန်တော်၏ကြိုး
ကိုနောက်မှကိုင်၍ သေနတ်ဖြင့်ထောက်ထားသောသူက တစ်ယောက်၊ ကျွန်တော်ဘေးမှာ ချေယောင်ပြ၍ ပတ်ပြေးနေသူက တစ်ယောက်၊ ကျွန်တော်ဖြုတ်ပြီးသမျှသော ပစ္စည်းများကို ယူ၍ရိုက်ခွဲးဖျက်ဆီးနေ
သူများမှာ လေးငါးယောက်လောက်ရှိမည်ထင်ပါသည်။

`` ဒါက ဘာလဲ´´ ကျွန်တော် စက်ကို အအေးပေးထားသော ပန်ကာကို ယူလာ၍ မေးလေသည်။ ကျွန်တော်ကလဲ ``ပန်ကာ´´ဟု ပြန်ဖြေလိုက်သည်။ ``ဘာလုပ်တာလဲ´´ဟုပြန်မေးပြန်သည်။ စက်ကိုအအေးပေးတာဟုပြန်အဖြေ၊ သူပန်ကာကို ``ဝုန်း´´ကနဲနေအောင် ကျွန်တော်၏ရှေ့တွင်ပင် ရိုက်ချိုးဖျက်ဆီးလိုက်ပါတော့သည်။ ဘာအကြောင်းကြောင့်နည်း အဘယ်အတွက်ကြောင့်နည်း။ ကျွန်တော် မည်သူတစ်ဦးတစ်ယောက်၏ ပစ္စည်းကိုမျှလဲ မဖျက်ဆီးခဲ့ဘူးပါ။ မည်သူတစ်ဦတစ်ယောက်ကိုမျှ စိတ်ထိခိုက်ဆင်းရဲအောင်လဲ မလုပ်ခဲ့ဘူးပါ။ စားဝတ်နေရေးအတွက် ရိုးသာစွာအလုပ်လုပ်နေသော်
ကျွန်တော်သည် အပြစ်ရှိသလော။ ကျွန်တော်သည် နိုင်ငံဝန်ထမ်းတစ်ယောက်ဖြစ်ပါသည်။ နိုင်ငံဝန်
ထမ်းဖြစ်သည့်ကျွန်တော် ပြည်သူဝန်ထမ်းဖြစ်သည့်ကျွန်တော်သည် ကေအိုင်အေကိုဆန့်ကျင်သည့်မည်သည့်
အလုပ်ကိုမျှမလုပ်ရပဲ သက်သက်အပြစ်ရှိနေသည်လော။ ကျွန်တော်ကျမှ ဘာအကြောင်းကြောင့် ဒီလိုဖြစ်ရသနည်း။ ကျွန်တော် စီတ်မကောင်းဖြစ်သွားခဲ့သည်။ ကျွန်တော်ဘယ်လိုပဲ ဆင်းရဲဆင်းရဲ တရားမျှမျှတတသာလျှင် ရှာဖွေစားသောက်ခဲ့သည်။ မည်သူတစ်ဦးတစ်ယောက်မှမျက်ရည်ပေါက်ကြီး
ငယ်ကျအောင်လုပ်၍ စီးပွါးဝမ်းစာ မရှာခဲ့ဘုးပါ။ ရရှိလာသောကျွန်တော်၏ချွေးနည်း
စာများကိုသာလျှင် ချွေတာ၍ပင်ပင်ပန်းပန်းစုဆောင်းခဲ့သည်ပဲ။ ထိုငွေကြေးထဲမှပင်ကျွန်တော်ကျေးရွာ
အတွက် ကျွန်တော်ရုံးအတွက် ကိုပင်သုံးစွဲခဲ့သည်။ ဒါနဲ့များတောင် ကျွန်တော် ဘယ်လိုဖြစ်နေသနည်။ ကျွန်တော် ဝမ်းနည်းမိသည်။ ကိုယ့်တရားကိုယ်သာလျှင်စောင့်ရှောက်ပါစေဟုသာ ဆုတောင်းမိသည်။ သူတို့စိတ်တိုင်းကျဖျက်ဆီးပြီးသောအခါ ကြိုးတုပ်ထားသော ကျွန်တော်ကို စ၍စစ်မေးပါတော့သည်။

`` နာမည်ဘယ်သူလဲ ´´
`` အိုက်ဟိုင်းပါ ´´
`` အဖေနာမည် ´´
`` ဦးစိုင်းလင်း ´´
`` အမေနာမည် ´´
`` ဒေါ်နန်းဆာ ´´
`` ဘာလူမျိုးလဲ ´´
`` ရှမ်းဗမာ ´´
ပြသနာ ဗမာလူမျိုးဆိုလျှင် အယုံအကြည်နည်းပါးသူ ဗမာဆိုလျှင်မုန်းတီးသူတို့ကို ဗမာဟု ထည့်ပြောမိလေပြီ။ မတက်နိုင် အမှန်တိုင်းပြောတာအကျင့်ပါနေပြီ။ ပြီးတော်မှတ်ပုံတင်ထဲမှာလည်း
ဒီအတိုင်းရေးထားသည်ကို။

လွှတ်ကနဲပြောပြီးမှတော့ဘာပဲဖြစ်ဖြစ်မတက်နိုင်တော့ပါ။ သေရေးရှင်ရေးဖြစ်နေတာတောင် အမှန်ပြောမိနေတဲ့ကျွန်တော်အတွက်အမှန်တရားနှင့် ကံတရားသာလျှင်အားကိုးရာရှိသည်ပေါ့။
ထို့နောက်`` ဘာရှမ်းလဲ ´´ဟုမေးပါတော့သည်။

`` လာရှိုးမိုင်ရယ်ရှမ်း´´
`` ဟာ ရှမ်းကြီးပဲ ´´
ဟူ၍ ကျွှန်တော်ကို စစ်မေးသူက ရေရွတ်ကာ သူတို့စကားပြောစက်မှတဆင့်  သူတို့အထက်ညွန်ကြားသူကို သတင်းပို့နေကြသည်။ ကချင်လို ပြောသံများကို ကျွန်တော် ကြားနေရသော်လည်း ဘာတွေပြောနေကြသည်ကိုတော့ နားမလည်နိုင်ပါ။ ဒီအခြေအနေအထိ ကျွန်တော် သိပ်စိတ်မလှုပ်ရှားသေးပါ။ ခေတ္တကြာသောအခါမှ ကျွန်တော်ကို စိဒိအမ်အေရုံးရှေ့တွင် လက်ပြန်ကြိုးတုပ်၍ တိုင်မှာကပ်ကာချည်နှောင်ထားပါတော့သည်။

`` ကဲငါတို့ ဒီနေရာကို မိုင်းခွဲမယ်။ မင်းကိုဒီမှာ ကြိုးတုပ်ပြီးထားခဲ့မယ်။ မင်းအဲဒီမှာ သေပါစေနော်။´´
`` ဟာ အဲဒီလိုတော့ မလုပ်ပါနဲ့ဗျာ။´´

ကျွန်တော် တော်တော်ထိတ့်လန့်သွားသည်။ တကယ်သေမည့်အရေး သေမည့်ဘေးကိုကြုံတောင်ကြုံခဲ နဖူးတွေ့ဒူးတွေ့ ထိတ့်လန့်ကြောက်ရွံစွာဖြင့် ကြုံတွေ့နေရချေပြီ။ အချိန်တိုတိုအတွင်း ခဏတာအတွင်းမှာ ကျွန်တော်၏စိတ်အဖြစ်အပျက်တို့သည် ပြင်းထန်စွာ ကြိမ်ဖန်ပေါင်းများစွာ ကုဍေကုဍာပေါင်းမြောက်များစွာ။
ငါ ငါ............။ သွားပြီ သေတော့မည်၊ ဘယ်လိုသေရမည်နည်း ။ သူတို့ခွဲသောမိုင်းနှင့် တစ်စစီဖြစ်ပြီး ချက်ချင်းသေမှာလား။ ဝေဒနာတွေ မချည့်မဆံ့ဝေဒနာတွေ အကြာကြီးခံစားပြီး ဒါဏ်ရာပြင်းထန်စွာဖြင့် ခံစားညည်းညူ၍သေရမည်လား။ ဘုရားစာတွေ ဂုဏ်တော်လား၊ စိန္တာမဏိလား၊ သရဏဂုံ၊ ဘာရွတ်ရမလဲ။ ကျွန်တော်၏စိတ်တို့သည် ဆောက်တည်ရာမရ ဘာတရားစာတစ်ခုမျှ ကျွန်တော်ကောင်းကောင်း
မရွတ်ဆိုနိုင်။

ကျွန်တော်၏ကြောက်ရွံအားငယ်စိတ်တို့သည် ပြင်းထန်စွာအပြန်ပြန် အလှန်လှန် လူလားခေါက်
တုန်ဖြစ်၍ ဗြောင်ဆန်နေတော့သည်။ ကျွန်တော် ဝန်းနည်းစွာဖြင့် ရိုက်ကြီးတငင် ပြင်ထန်သော သက်ပြင်းကို သုံးကြိမ်သုံးခါတောင်ရှိုက်မိသည်။ အို ဝမ်းနည်းမနေပါနဲ့ ဝမ်းနည်းနေလို့ ဘာထူးလာမှာလဲ။ ဖြစ်သမျှအကြောင်း အကောင်းပဲပေါ့။ ငါသေနိုင်ပြီလား ။ကိုယ့်ကိုယ်ကို အားတင်း၍မေးခွန်းထုတ်ကြည့်သည်။ မသေနိုင်သေးပါဘူးဟုတော့တစွန်းတစ်ယုံကြည်မိသည်။ စိတ်အစဉ်မှာ မသေနိုင်သေးပါဟု တစ်စွန်းတစ်စယုံကြည်နေခဲ့သော်လည်း ကြောက်ရွံစိုးရိမ်စိတ်တို့သည် မပျောက်ပျက်ပဲကျန်ရှိနေသေးသည်။ စိတ်ထဲမှ သရဏဂုဏ်ကိုသာ ခပ်ကျဲးကျဲးတော့ရွတ်ဆိုနိုင်လာခဲ့သည်။ အနည်းငယ်ကြာသောအခါမှစိတ်တို့သည် ပြန်လည်ငြိမ်သက်လာသည်။ နည်းနည်းထပ်ကြာသောအခါ
ကေအိုင်အေထဲမှ တစ်ယောက်ကကျွန်တော်ကို စကားလာပြောပါတော့သည်။

`` မင်းအခုနတုန်းက အရမ်းငိုတယ်ရော။ တော်တော်ကြာက်သွားသလား ´´
ကျွန်တော် မငိုပါ သို့သော် သူကျွန်တော်ငိုတယ်လို့ ဘယ်လို ထင်သွားသည်မပြောတက်ပါ။ `ကျွန်တော်ကလဲ `` ဟာ လန့်တော့လန့်တာပေါ့ဗျာ´´ `` မင်းအသက် ဘယ်လောကရှိပြီလဲ။´´
`` ၃၃နှစ်ပါ။´´

`` ဟာ အဲဒီလောက်တောင်ရှိပြီလား ဟားဟားဟား´´ ဟူ၍ ကျွန်တော်ကိုစစ်မေးသောကေအိုင်အေသည် ပြင်းထန်စွာ ရယ်ပါတော့သည်။ ကျွန်တော်သည် ပုပုသေးသေးဖြစ်နေပါသဖြင့် ညအမှောင်မထင်မရှားတွှင် ကျွန်တော်၏အသက်ကို ငယ်ရွယ်သူဟူ၍ သူတို့ ခန့်မှန်းထားပုံ ရပါသည်။ ဘေးအိမ်မှ ၄င်းရယ်သံကိုကြားသောအခါ အိုက်ဟိုင်းအား သူတို့ ကြိုက်သလိုနှိပ်စက်ကာ သဘောကျလွန်း၍ ရယ်နေချင်းဖြစ်မည်ဟု ကောက်ချက်ချကြ၍ ကျွန်တော်အားလွှန်စွာ သနားနေကြပါတော့သည်။

`` မင်းဘာဘွဲ့ရပြီးပြီလဲ။´´
``ကျွန်တော်ဘွဲ့မရပါ။´´ 10တန်းသာအောင်ပါသည်ဟုဆိုပြီး GTI ကျောင်ဆင်းဆိုသည်ကို မပြောပဲ ချန်လှပ်ထားလိုက်ပါသည်။
`` မင်းငါတို့နဲ့လိုက်ခဲ့ပါလား ပိုက်ဆံတွေအများကြီးရမယ်´´ဟုလဲ ပြောသည်။
`` ကျွန်တော်မှာ သားမယားတွေနဲ့ ´´ဟူ၍သာ ကျွန်တော်ပြန်ဖြေလိုက်သည်။
`` မင်းဒီအစိုးရအလုက်ကို ဘာဖြစ်လို့လုပ်တာလဲ။´´
`` ကျွန်တော်အရွယ်မရောက်ခင် အဖေဆုံးသွားလို့ပါ။´´
`` မင်းတခြားအလုက်တွေ လုပ်စားစရာ အများကြီးရှိတဲ့ဟာကို။´´
`` မင်းတို့ရှမ်းတွေ ဘာလုက်နေလဲ သိလား။´´
ကျွန်တော်ကလဲ ``ဟုက်´´ဟူ၍သာ ပြန်လည်ဖြေလိုက်ပါတော့သည်။
ထိုအချိန်က SSA နှင့် မြန်မာစစ်တပ်တို့ အပြင်းအထန်ပစ်ခတ်နေသည့်အချိန်ဖြစ်ပါသည်။
`` နောက်ဒီအလုပ်ကို မလုက်နဲ့ ကြားလား။´´
`` ဟုက်´´ ကျွန်တော်မှာ တဟုက်တည်းသာ ဟုက်နေရပါတော့သည်။
နောက်ထပ် ကေအိုင်အေတစ်ယောက်က`` ဒီဆက်သွယ်ရေးစခန်က စစ်ကြောင်းသုံးလား။´´
`` မဟုက်ပါဟု´´ ကျွန်တောပြန်ဖြေလိုက်သည်။
`` ဘာမဟုက်ရမှာလဲ ဒီစခန်းကို ဘယ်သူပိုင်တာလဲ။´´
`` အစိုးရပိုင်တာပါ။´´
`` စစ်တပ်ဆိုတာလဲ အစိုးရမဟုက်ဘူးလား။´´
``ဟုက်ပါတယ်။´´
`` အေးနောက်ဆိုရင် စကားပြောရင် ကြည့်ပြော´´ဟူ၍ ကျွန်တော်ကို ဆူပူကြိမ်းမောင်းပါတော့သည်။ ထို့နောက်ကေအိုင်အေတစ်ယောက်က တိုင်မှာလက်ပြန်ကြိုးတုပ်ထားသော ကျွန်တော်ကို ပါစပ်တွင် အဝတ်ပြန်လည်၍စည်းပါတော့သည်။ ခေတ္တကြာသောအခါ လာ မိုင်းခွဲရင် မင်းလွတ်မှာမဟုက်ဘူးဟုဆိုကာ ကျွန်တော်ကို ရုံးအတွင်းကြိုးတုပ်ထားရာမှ ရုံးရှေမှ ဦးညိုဒေါ်သောင်းအိမ်ရှေ့တိုင်တွင် ပြည်လည်၍တုပ်ထားပါတော့သည်။ ခေတ္တပြန်လည်၍ကြာလာသောအခါ ဟင်းဒီမှာလဲ လွတ်မှာ မဟုက်ဘူးဆို၍ ဦးသံငွေဒေါ်တင်မိ အိမ်ရှေ့တွင် ပြန်လည်၍ကြိုးတုပ်ပါတော့သည်။ သူတို့ လုက်ကိုင်နေစဉ်အတွင်းတွင် ကျွန်တော်အား ခေါင်းငုံ့ထားဟု ပြောပါသည်။ ထိုအချိန်အတွင်းမှာပင် CDMAစခန်းအား ဖောက်ခွဲးဖျက်ဆီးပါတော့သည်။ ပထမ ကျွန်တော်ကြားရသော အသံများမှာ အချက်နှစ်ဆယ် ဝန်းကျင်ခန့်ရှိပါသည်။ ကျွန်တော်၏စိတ်ထဲမှာတော ဟာ သွားပြီ ဘာတွေဘယ်လောက်အထိ ပျက်စီးကုန်ပြီလဲဟုသာ တွေးနေမိတော့သည်။ သို့သော် စခန်းအတွင်းရှိ လျှပ်စစ်အင်ဂျင်မှာတော့ လည်ပက်နေဆဲ။ အတန်ကြာသောအခါ အင်ဂျင်ခန်းဘက်တွင် ပေါက်ကွဲးသံများ ဆက်လက်ကြားရပါတော့သည်။ သို့သော အင်ဂျင်လည်ပက်မှုမှာ ရပ်မသွားပဲ ဆက်လက်လင်းနေသည့် 20watt အီကြာကွေးမီသီးမှ လျှပ်စစ်မီးရောင်ကို ကျွန်တော် ဆက်လက်၍မြင်နေရဆဲ။ ပေါက်ကွဲးမှု ၈ချက်မြောက်သောအချိန်တွင် အင်ဂျင်လည်ပက်သံ ရပ်စဲသွားပါတော့သည်။ ထိုအချိန်တွင် စခန်းအတွင်းရှိမီးများမှာ အမှောင်အတိ။ `` မနက်ဖြန်ကျရင် မင်းဒီရွာကနေ ချက်ချင်းပြန် နောက်ဒီမှာ လာလုက်မစားနဲ့ ကြားလား ဝန်နင်နော်´´ဟူ၍ ကေအိုင်အေထဲမှတစ်ယောက်က ကွန်တော်အား ပြောခဲ့ပါသေးသည်။ ထို့နောက် သူတို့အင့်အား၇၀လုံး CDMAစခန်းအတွင်းမှအဆင့်ဆင့် ထွက်ခွါကြပါတော့သည်။ ကျွန်တော်အား ခေါ်ဆောင်သွားမည်လောဟုသာတွေး၍သာ ကျွန်တော် စိုးရိမ်စိတ်များနေခဲ့သည်။ ထို့နောက် နောက်ဆုံးတစ်ယောက်က `` မင်းကို ကြိုးတုပ်ပြီး ထားခဲ့မယ် မင်းမိန်းမ လာဖြည်ပေးပါစေ။ ခေါင်းငုံထား မော့မကြည့်နဲ့ ငါတို့ပြန်လာခဲ့မယ်ဟူ၍ပြောဆိုထွက်ခွာသွားပါတော့သည်။´´


ကိုယ်တွေ့အမှန်တကယ်ဖြစ်ရပ်ဖြစ်ပါသည်။

အိုက်ဟိုင်း