(( ဘူးသီး နုနုကို ရွေးခူးလေသော နိုင်ငံရေး လှည့်ကွက်))

******************************

********* ဟိုတစ်လောက ဘာနှစ်ပါတ်လည် နေ့ဆိုလား သိပ်မမှတ်မိပေမယ့် အသက်မပြည့်သေးတဲ့ ကျောင်းသားအရွယ် လူမမည် ကလေးငယ် တွေ အလံအနီကြီးကိုင်လို့ လမ်းလျှောက်ပြီး သွားကြတာကိုတွေ့မိ လိုက်တယ် ။ ( ဓါတ်ပုံရိုက်မယူလိုက်ပါ ) မြန်မာပြည်ရဲ့ နိုင်ငံရေး လောက မှာက ၊ ကျောင်းသားတွေ ဆိုတဲ့ - အရာတွေက အသုံးချခံတစ်ခုအဖြစ် ပုံသေ ၊ သတ်မှတ်ထားနေကြ သလားတော့ မပြောတတ်ဘူး ။ နိုင်ငံရေး နှင့် ကျောင်းသား - ကျောင်းသား နှင့် နိုင်ငံရေး ဆို တာ ကို တစ်တွဲတည်း ရောထွေး အသုံးချ နေတာ ကတော့ အမှန်ဘဲ ။ ယခင်ခေတ် တုန်းက ကျောင်းသားတွေ ဆိုတာက အနည်းဆုံး အ သက် ၇ ၊ ၈ နှစ်ခန့်မှ မူလတန်းကို စတက်ခဲ့ကြတာ များလေတော့ အထက်တန်းကို ရောက်တဲ့ အချိန်မှာ အသက်အတော်ကြီးနေကြ ပါပြီ ။ ခုခေတ် ကတော့ အချို့ဆို ၄ နှစ်ခွဲ လောက် နဲ့ မူလတန်းကို စတက်ရတယ်ဆိုတော့ အထက်တန်းကျောင်းသား ဆိုရင် ၁၅ နှစ်၊ ၁၆ နှစ် ဝန်းကျင်သာ ရှိတယ် ။ မိဘတွေရဲ့လောင်းရိပ်အောက်မှာ ရှိနေတဲ့ ဒီကလေးတွေမှာ အမှန် တကယ်၊ နိုင်ငံရေးဆိုတဲ့ ကိုယ်ပိုင်ခံယူချက် ၊ ယုံကြည်ချက်စစ်စစ် ဆိုတာ ရှိနိုင်ပါ့မလား ။ အစိုးရ ဆိုတာကလည်း အစိုးမရ ဘူးဆိုတဲ့ စာရင်းမှာ ထိပ်ဆုံးက ပါဝင်နေတယ် ။ အစိုးရက ထုတ်ပြန်ထားတဲ့ တည်ဆဲဥပဒေတွေ ဘာတွေဆိုတာကို ဒီကျောင်းသားလူငယ်တွေ က ဘယ်လောက်ထိ သိနိုင်မှာ မို့လို့လဲ ။ မုန့်ဖိုး ပဲဖိုး လောက်သာ- အဓိထားကြတဲ့ အရွယ်လေးတွေ ၊ သူများစကား နားယောင်တတ် ပြီး မရင့်ကျက်တဲ့ အရွယ်လေး တွေမှာ မြှောက် ပေးထားတဲ့ အရှိန် တွေနဲ့ သွေးကြွနေမယ် ၊ ယုံကြည်မှု လွန်ကဲ နေကြမယ် ဆိုလျှင် အရေးအကြောင်းဆို ကိုယ့်ထံရောက်လာမယ့် အန္တရာယ်ကိုလည်း ရှောင်တတ်ကြပါ့မလား ။ အန္တရာယ် မဖြစ်ကြဘူး ဆိုလျှင်တော့ ကောင်းပါရဲ့ ။ အကယ် ၍ အန္တရာယ် ဖြစ်ကြပြီ ဆိုလျှင်တော့ တကယ်တမ်း ခံစားရမှာက ထို ကျောင်းသားလေးတွေ ကိုယ်တိုင် နဲ့ သက်ဆိုင်ရာ မိဘတွေ သာ ဖြစ်လိမ့်မယ် ဆိုတာ အမှန်ဘဲ ။ ဖြစ်ခဲ့ ကြဖူးတဲ့ သာဓကတွေ ဆို တာကလည်း လက်ညှိုးထိုး မလွဲရှိနေ ပါသေးတယ် ။ ဆိုတော့ဗျာ အဲဒီ ကျောင်းသားလူငယ်ကလေးတွေကို အသုံးချနေတဲ့ နိုင်ငံရေး ဆြာကြီးတွေရဲ့ သားသမီးတွေ ဘယ်လောက်များများ ၊ အဲဒီလို ဒို့ အရေးအော် ၊ အလံကိုင် ၊ ရေဗူးကမ်း အင်အားပြတဲ့အထဲမှာပါဝင် နေသလဲ။ ဘယ်လောက်များများ ချအနင်းခံလေးတွေ ၊ ထိုးကျွေး ခံလေးတွေနေရာမှာထည့်သွင်းခဲ့ကြဖူးလဲ ။ တကယ်ဆို ဒီလိုလုပ် ဆောင်မှုတွေက လူကို လူလို့ မြင်တတ်ခြင်း စံနှုန်းနှင့် ကိုက်ညီပါ ရဲ့လား ။ သားသမီးချင်း စာနာစိတ် ၊ ကိုယ်ချင်း စာနာစိတ် ဘယ် လောက် ရာခိုင်နှုန်း ထည့်သွင်းလို့ သူတစ်ပါး သားသမီးငယ်လေး တွေကို အနာဂတ်ပျောက်မယ့် ချောက်ကမ်းပါးထိပ်မှာ လက်ညှိုး ထောင် ၊ ခေါင်းငြိမ့် ၊ အော်ဟစ် ဆန္ဒပြမယ့် နေရာမျိုး တွေမှာ - ၊ ဘယ်သူ သေသေ ၊ ဘယ်သူ ထောင်ကျကျ ငါတို့ အသံ မိုးသို့ညံ ဖြစ်လျှင်ပြီးရော ဆိုပြီး အသုံးချ ၊ အင်အားပြခိုင်းနေရတာလဲ ။ အသက်အရွယ် ကန့်သတ်ချက် အလိုက် ပါတီနိုင်ငံရေးတွေမှာ ပါ ဝင်လုပ် ဆောင်ခွင့်တွေ (အနည်းဆုံး အထက်တန်းအောင်အဆင့် အသက်အရွယ်ရှိ ) ကို ပြဋ္ဌာန်းနိုင်မယ့် ဥပဒေ တစ်ခုတော့ ရှိသင့် နေပြီ ထင်မိပါတယ်။ ထိုဥပဒေကို အစိုးရတိုင်းက ကိုယ်တိုင် ထိန်း သိမ်းလိုက်နာပြီးယခင်လုပ်ဆောင်ခဲ့ဖူးသော ကျောင်းသားလူငယ် တွေကို ဆန္ဒခံယူပွဲဆိုပြီး ဘောလုံးကွင်းထဲသို့ခေါ်သွင်းတာမျိုးတွေ ကို ရှောင်ကြဉ်နိုင်မယ်ဆိုလျှင် အနာဂတ်လူငယ်လေးတွေရဲ့လွတ် လပ်စွာ ရွေးခြယ်ပိုင်ခွင့်နှင့် အနာဂတ်ကောင်းများစွာ ရှင်သန်၍တိုး တက်စေမှာ ဖြစ်ပါတော့တယ် ။ ဦးယဉ်ကျေး ။ ၂၊၁၁၊၁၃။

 

ရခိုင် မရှည် and Rango Black shared ဦး ယဉ်ကျေး's photo.