ငတုံးငတိတို့ ပြောတဲ့  မြန်မာ့ဘော်လုံး ( ၄ )

“ခြေစမ်းပွဲ ကန်တာနဲ့ ပဲ ကမ္ဘာ့ အဆင့် တက်ရောလားးဗျ ”

ငတိ ထိုင်နေကျ လက်ဘက်ရည်ဆိုင်ထဲက ရုတ်တရက် ထွက်ပေါ် လာသော အသံဖြစ်၏။ အသံ လာရာ လှည့်ကြည့် မိတော့ ဆိုင် အ၀င်ဝ ထိပ်ဆုံး စားပွဲဝိုင်းတွင် အသက် ၃၀ကျော်ခန့်  လောက် ရှိဟန်တူသော လူ၂ယောက်  ထိုင်နေသည်ကို တွေ့ ရ၏။ ဘာမဆို စပ်စု တတ်သော မြန်မာတို့ ၏ ထုံးစံ အတိုင်း  သူတို့ ၏ စကား သံများကို ငတိ နားစွင့်နေမိလေသည် ။ အခြား တစ်ယောက်က ပြန်ပြော၏ ။ “သေချာကန်ရင် တက်တာပေါ့ ဗျ“ ဟူ၏။ ငတိ စိတ်ထဲတွင် မတော့ ဘာရယ် မဟုတ် ဤသို့ အပြု သဘောဆောင် အပြောင် သဘောစုမိ၏။ ကြွက်တက်တာ များလားကွယ်။

ထိုခဏတွင်ပင် ကျွန်ုပ်၏ ဇာတ်လိုက်ကျော်ကြီး ငတုံး ဆိုင် အတွင်းသို့ အော်ကြီးဟစ်ကျယ်ဖြင့် ၀င်ရောက်လာပေပြီ။ စိတ်ပျက်တယ်ဟေ့ စိတ်ပျက်တယ်၊ ရင်လေးတယ်ဟ။ ငတုံး ဘာကို ဘယ်လို စ်ိတ်ပျက်ပြီး ရင်လေးနေ  ပါလိမ့်နော်……

ဤသည်ကား ငတုံး ငတိတို့  စတုတ္တ မဏ္ဍိုင် ၂ ဦး ၏ စတုတ္ထ အကြိမ်မြောက် ဆွေးနွေးပွဲကြီး ဖြစ်မြောက် လာရသော အကြောင်း တရားပေတည်း။

ငတိ  ~ ကဲပြောပါဦး ကိုယ့်လူ ဘာတွေများ စိတ်ပျက် ရင်လေးနေ တာတုန်းဗျာ ။

ငတုံး ~ စိတ်ပျက်တာက  မြန်မာ အမျိုးသမီးအသင်း ဗိုလ်လုပွဲ တက်ပါရက်နဲ့  ပယ်နယ်တီနဲ့ ရှုံးရလို့ ပေါ့ဗျာ။ အမျိုးသမီး အသင်း ခမျာ အမျိုးသား အသင်းတွေ လောက် ပံ့ပိုးမှု လောက်လောက်လားလား မရပေမယ့်  အကောင်းဆုံး ကြိုးစား သွားတယ်။ ထိုင်းကိုနိုင်ပီးမှ ဖိုင်နယ်မှာ ရှုံးတော့  တော်တော်ကို စိတ်ပျက် မိတာပေါ့ဗျာ။

ငတိ ~  အင်းဗျာ ဟုတ် ပါပြီ ။ ဒါနဲ့  ရင်လေးတယ် ဆိုတာ ကရော ဘာကို ဆိုချင်တာလဲဗျ  ။

ငတုံး ~ ရှင်းပါတယ် ကိုယ့်လူရယ်  …. အမျိုးသမီး အသင်းက အမျိုးသား အသင်းထက် စာရင် ပံ့ပိုးမှုက သိသိသာသာကို နိမ့်ကျ လွန်းတယ်လေ။ အမျိုးသား အသင်း အနေနဲ့ ကတော့  ယူ ၂၂ ဆိုတော့လည်း ယူ ၂၂ အလျောက် အခု လက်ရွေးစင် အဆင့်ရောက်ပြန်တော့လည်း ဂျပန်ထိ သွားပြီး လေ့ကျင့်နေကြတယ် မဟုတ်လားဗျ။ အခုဆိုဗျာ မြန်မာ နေရှင်နယ် လိဂ်လည်း ၄နှစ်ကာလကိုရောက်နေပြီ ၊ နောက်ပီး အရင်ကဆို တစ်ခါလာ အူဆန်တက္ကသိုလ် ၊ တစ်ခါလာ ဘင်္ဂလားဒေ့ရှ် နဲ့  ပဲ ခြေစမ်းနေရာက အခုဆို ဒေသတွင်း ပြိုင်ဘက် စင်ကာပူနဲ့  ခြေစမ်း လာသလို ဂျပန် ကိုရီးယား အထိ သွား လေ့ကျင့်နေပြီ မဟုတ်လားဗျ။ မျိုးလှိုင်ဝင်းတို့ ခေတ်တုန်း ကတောင် ကနေဒါ အပျော်တမ်း ကလပ် အေအိုင်အေ နဲ့ ပဲ ကန်ခဲ့တာ မဟုတ်လားဗျာ။ အခုလို ချိန်မှာ မြန်မာ အသင်းရဲ့ခြေစွမ်းက မတိုးတက် လာသေးဘူး ဆိုရင် ဘယ်အချိန် တိုးတက်ဦး မှာလဲ ကိုယ့်လူရေ။ အဲ့ ဒါကို ရင်လေး မိတာပဲဗျို့ ။ မနေ့ တစ်နေ့ ကမှ လစာ ၃ သိန်းကနေ ၅သိန်း တိုးသွားတဲ့  အမျိုးသမီး လက်ရွေးစင် တွေကတောင် အမြဲလိုလို ဖိုင်နယ်ရောက်နိုင်သေးရင် အမျိုးသား လက်ရွေးစင်တွေ အုပ်စု အဆင့် ကတော့ တက်ဖို့ ကောင်းတယ်ဗျာ။

 ငတိ  ~  ဟုတ်တာပေါ့ဗျာ ။ ကမ္ဘာ့ အဆင့် တက်ချင်ရင် ခြေစမ်းပွဲ ကန်တာ အဓိက မကျဘူးလေ ။ လက်ရွေးစင် အဆင့် မှာ ၀င် ကန်လိုက်တိုင်း အုပ်စုက မတက်တော့  အာနိုးခေါ်ပီး ဆွဲတင်တောင် ဒီအဆင့်က တက်လာမှာ မဟုတ်ဘူးဗျ။ ခင်ဗျားပြောမှ သေခြာ သတိထား မိတယ် မြန်မာ့ လက်ရွေးစင် အသင်း ဗိုလ်လုပွဲနဲ့  ဝေးတာ အနှစ် ၂၀ ပြည့်တော့ မယ်ဗျို့။ ၁၉၉၃ ဆီးဂိမ်းမှာ ငွေရပီးတော့  ဆယ့် တစ်နှစ်အကြာ ၂၀၀၄ မှာ တစ်ကြိမ် ဆီမီးတက် စတုတ္ထရပီးကတည်းက အောင်ဖျာ လိပ်လာတာ အခုဆို ၈နှစ်တောင် ရှိဘီနော်။

ငတုံး ~ ဟားဟားဟား ဒါဆို မန်ယူ ပရိသတ်တွေ မန်စီးတီး ဖလား မရတဲ့  နှစ်ပတ်လည် ပါတီ လုပ်သလို တို့မြန်မာ ဖိုင်နယ် မရောက်တဲ့  အနှစ်၂၀ အမှတ်တရ ပါတီ လုပ်ကြရင် မကောင်း ပေဘူး လားဗျာ။ အခုဂျေလိဂ်နဲ့ လည်း ပူးပေါင်းမှုတွေ ရှိနေတော့ လက်ရှိ အာရှ ဘောလုံးလောကမှာ စိုးမိုးနေတဲ့  ဂျပန်တွေ အနေနဲ့  အာရှရဲ့ တစ်ချိန်က ကျားကြီး အာရှ ၀င် မတိုးနိုင်တော့တဲ့  ရွှေရတု အခမ်းအနားတွေ ဘာတွေ လုပ်မလား ဘာလား အစီအစဉ် ရှိမရှိ သွားဗျူး အုံးမှပါဗျာ ။

ငတိ  ~ ဒါပေမယ့် လက်ရှိ နည်းပြကြီးက တော်တယ် မဟုတ်လားဗျ ။ အာရှ ခြေစစ်ပွဲတွေ ဘာတွေတောင် အောင်မြင်အောင် စွမ်းဆောင်နိုင်တယ် မဟုတ်လား ။

ငတုံး ~ နေပါတော့ ကိုယ့်လူရယ် ကျုပ်က မြန်မာ ပွဲတွေက လွဲရင် မသိလို့  ကိုယ့်ကိုယ်ကိုယ် အတော် ပိန်းတယ် မှတ်တာ ခင်ဗျားက ကျုပ်ထက် ပိန်းတာပဲဗျ။ ပက်ဆောင်ဟွာ ကိုယ်တိုင်က ပြောတယ်လေ။ သူ့ တာဝန်က ဆီးဂိမ်း တဲ့ ဗျ။ ဆီးဂိမ်း ဆိုတာကလည်း အသက်ကန့် သတ် ထားသလို အိမ်ရှင်လည်း လုပ်မှာ ဆိုတော့ ဒီက ပရိသတ်ရဲ့ အားပေးမှုပုံစံ   နဲ့  ပေါင်းစပ် လိုက်မယ်ဆိုရင် ဘယ်နည်းပြပဲ လာကိုင်ပါစေ ချန်ပီယံ ဖြစ်ကိုဖြစ်မှာ ပါဗျာ။ အာရှခြေစစ်ပွဲ အောင်ခဲ့တယ် ဆိုတာကလည်း အသက် ကန့် သတ် ထားတဲ့ပြိုင်ပွဲ ဆိုတာ သတိ ရဦးမှပေါ့ဗျာ။ ဘရာဇီးနည်းပြ ဖလော်ပါ ကိုင်တုန်းက ဆီးဂိမ်းမှာ ငွေ ရ ရက်နဲ့  နောင်နှစ်ကျတော့ ထုတ် ခံရတယ်လေဗျာ။ ၁၅နှစ်ကျော် အတွင်းမှာ ဒေသတွင်း လက်ရွေးစင် အဆင့် ပြိုင်ပွဲ တစ်လျောက် ဆီမီး တက်အောင် လုပ်ပေးနိုင် ခဲ့တာကတော့ အခု ရန်ကုန် နည်းပြ အိုင်ဗန်ကိုလဗ်ပဲ ရှိသေးတယ် ဆရာရေ။ မာဒေးကား ဖိတ်ခေါ်ဖလား ရခဲ့ဖူးတဲ့ ဦးဆန်းဝင်းကိုလည်း အသိ အမှတ်တော့ ပြုရ မပေါ့ဗျာ။ အဲ့ ဒီတော့ဗျာ ကျွန်တော် ပြောချင်တာ ကတော့ ပက်ဆောင်ဟွာလည်း စွမ်းနိုင်မယ်လို့ တော့ မထင်ဘူး  ၊ ဆူဇူကီးမှာ မနှစ် ကလိုပဲ ဖြစ်မယ် ထင်တာပါပဲဗျာ။ ဆူဇူကီးမှာ အုပ်စု တက်ရင်တော့ ပက်ဆောင်ဟွာကို ချီးကျူးမယ်ဗျာ။ အခုတော့  စောသေးတယ်လို့ ပဲပြော ပါရစေဗျာ။ မြန်မာအသင်း ဆိုတာ အသက်ကန့် သတ်ထားတဲ့  ပြိုင်ပွဲတွေမှာ ဆို နည်းပြတွေကလည်း ဗျူဟာတွေ သိပ်ကောင်း၊ ကစားသမားတွေက လည်း ခြေစွမ်းတွေ သိပ်ထက်ပီး လက်ရွေးစင်ကျ ဘာတွေဖြစ်ကုန်မှန်း မသိတော့ ပြောရ ခက်ကြီးပါဗျာ ။

ငတိ  ~ MNL All Star အသင်းနဲ့  လက်ရွေးစင်ကို ပညာပေး သွားတဲ့  ရတနာပုံနည်းပြ ပြော စကားကတော့ ရှင်းပါတယ်ဗျာ ဆရာရေ။ မြန်မာ ဆူဇူကီး ခြေစစ်ပွဲ အောင်မှာပါ  ပြိုင်ဘက်တွေက ညံ့ ပါတယ်တဲ့  ခင်ဗျာ။ အုပ်စု အဆင့်ကျရင်တော့ ဘယ်လိုဖြစ်လာ မလဲ မျှော်လင့် ရတော့မှာပေါ့ဗျာ။ ဟုတ်ကဲ့  အဲ့ ဒီတော့လည်း ဘောလုံး အဖွဲ့ ချုပ် အနေနဲ့   မြန်မာ ပရိသတ်ကို သက်တမ်း အလိုက်ပြိုင်ပွဲလေးတွေနဲ့  ပဲ  အချိုသပ်ဖို့  လုပ်နေဦးမှာလား တွေးရ တော့မယ်ပေါ့ဗျာ။ အသက်ကန့် သတ်တဲ့  ပြိုင်ပွဲတွေ ၀င်ရလွန်းလို့  လူငယ် မျိုးဆက်သစ်လည်း ထွက်ချိန်ကို မရပဲ မျိုးဆက်တုန်း ဖြစ်နေဘီ။ ကျွန်တော်လည်း ဆူဇူကီးဖလား အနီး ထားစေချင် ဆိုတဲ့  ခေါင်းစဉ်နဲ့ ဆောင်းပါး ရေးဖြစ် ခဲ့သေးတယ်ဗျာ။ တော်ဘီဗျာ။ ဒီ အကြောင်းတွေ ပြောရလွန်းလို့  အပ်ကြောင်းတွေလည်း ထပ်နေပါဘီ ၊  သောက်လက်စ လက်ဘက်ရည်လေး အမြန်မော့ပီး အရန်အသင်း ပွဲစဉ် သွားကြည့်ကြ စို့ ဗျာ ။

မည်သို့ ပင် ဆိုစေကာမူ မြန်မာ့ ဘောလုံးကို အားပေးသော ငတုံး ငတိတို့ သည်ကား  မျှော်လင့်ချက် ကောက်ရိုး တစ်မျှင်နှင့် Suzuki စိတ်ကူး  ယဉ်ကြ ပေဦးမည် မှာကား ဧကန် မုချ ဖြစ်တော့သည်တကား။

 ရေးသားသူ - ကောင်းမြတ်သူ

www.myanmarstriker.com မှာ ရေးသားခဲ့သော ကျွန်တော့်ရဲ့ ဆောင်းပါးလေးပါ ။ 

ဒီမှာ  ၀င်ရောက် ဖတ်ရှုနိုင်ပါတယ် ။