ဆဲဆိုခြင်း၏ ချွင်းချက်များ

ဆဲဆိုခြင်း၏ ချွင်းချက်များ

by Mg Linnith on Wednesday, August 22, 2012 at 2:14am ·

အခန်း(၁)

ညီညီပြောသော အင်္ဂလိပ်ဆဲနည်းများ (မသိပဲဆဲခြင်း)

ကျွန်တော်ထင်ပါသည် လူတော်တော်များများ အနည်းနှင့်အများဆဲဖူးကြပါလိမ့်မည်။ ဘယ်အရွယ်ကစပြိး ဆဲတတ်မှန်းမသိသော်လည်း တကူးတက သင်ယူစရာမလိုပဲ တတ်မြောက်သော အရာထဲတွင် ဆဲဆိုခြင်းလည်း တစ်ခုအပါအဝင်ဖြစ်သည်။ ကျွန်တော်တို့ယောက်ျားလေးများအဖို့တော့ င

ယ်ငယ်ထဲက အရုပ်ပစ်ရင်း၊ဂေါ်လီရိုက်ရင်း အငြင်းအခုံများဖြစ်ရာမှ စတင်ပြီးဆဲဆိုတတ်ကြတာများသည်။ ထိုစဉ်က အဓိပ္ပါယ်တွေကို သေသေချာချာ နားမလည်ပဲ ဆဲဆိုကြသည်။ အဆဲခံရသူကလည်း ဒေါသထွက်ရကောင်းမှန်းမသိ။ လူကြီးတွေဆီက အတုမြင်အတတ်သင် အကောင်းမှတ်ပြီး ဆဲခြင်းအမှုကို

ပျော်ပျော်ကြီးလုပ်ခဲ့ကြသည်။ ဒီလိုနဲ့ စတုတ္ထတန်းရောက်လာတော့ ကျွန်တော်တို့သူငယ်ချင်းတွေဆီကို ထူးဆန်းသောဆဲနည်းအသစ်များ ရောက်ရှိလာသည်။ ထိုဆဲနည်းများကို ဆောင်ယူလာသောသူမှာ အတန်းထဲက မူစလင်ကုလားလေး ညီညီဖြစ်သည်။ ညီညီက သူတို့အိမ်တွင်ကြည့်ရသော အင်္ဂလိပ်ကားများထဲမှ ဆဲနည်းတွေကိုမှတ်လာပြီး အတန်းထဲတွင် ဖောက်သည်ချသည်။ (ညီညီတို့ကသူဌေးတွေ ဖြစ်သောကြောင့် အိမ်တွင် တီဗွီ အပေါ်စက်၊အောက်စက်များရှိသည်။ထိုအချိန်က တီဗွီမပြောနှင့် ရေဒီယို၊ကက်ဆက်ပင် အိမ်တိုင်းတွင်ရှိသောအရာမဟုတ်ပေ)

" အင်္ဂလိပ်တွေကဆဲရင် ဆယ့်နှစ်လက်မဘစ်တို့... ဘုတ်ရှစ်တို့...မားသားဖက်ကာတို့.. ဆဲကြတယ်ကွ "

အားလုံးက ညီညီပြောသမျှကို ပါးစပ်အဟောင်းသားလေးတွေဖြင့် နားထောင်နေကြသည်။ ညီညီက အတန်းထဲတွင် ပိုက်ဆံအချမ်းသာဆုံးဖြစ်သည်။ ကျောင်းသားတော်တော်များများ၏ မွေးနေ့တွင် ဝေဖါချောင်း၊ ဘီစကွတ်ထုပ်လောက်သာ ဝေသော်လည်း ညီညီမွေးနေ့တွင်မူ ရေခဲမုန့်နှင့်ကိတ်မုန့်ကျွေးလိုက်သဖြင့် ညီညီက အတန်းထဲတွင် ဆရာကြီးဖြစ်သွားသည်။ ကျွန်တော်တို့အတွက် ထူးဆန်းသောအကြောင်းအရာအများစုကို ညီညီက ဆောင်ယူလာမြဲဖြစ်သည်။ ခုလည်း သူပြောသော အင်္ဂလိပ်ဆဲနည်းတွေက အားလုံးကြားမှာ ပျံ့နှံ့သွားသည်။ ကလေးတွေကြားထဲတွင် ဆယ့်နှစ်လက်မဘစ် ဘုတ်ရှစ် ဆိုတာ ပလူပျံနေသည်။(မားသားဖက်ကာကတော့ မှတ်ရခက်သဖြင့်သိပ်မပေါက်ခဲ့) ဆယ့်နှစ်လက်မ ဆိုသည် မြန်မာစကားမှာ အင်္ဂလိပ်ဆဲနည်းတွင် ဘာကြောင့်ပါဝင်နေမှန်း ကျွန်တော်စဉ်းစားမရခဲ့။ ပြီးတော့ ဘုတ် ရှစ် ...ဘုတ်(Boat)ဆိုတော့ လှေ.... ရှစ်(Ship)ဆိုတာ သင်္ဘော ဘုတ်ရှစ် ဆိုတာ လှေသင်္ဘော ဖြစ်ရမည်။ ဘာကြောင့်ဆဲဆိုခြင်းဖြစ်နေရသနည်း။ ညီညီကိုမေးတော့လည်း မဖြေနိုင်..." မင်းကလည်း ဘုတ်ရှစ်ပဲ ဘာတွေလာမေးနေမှန်းမသိဘူး " ဟုဆိုကာ လှည့်ထွက်သွားပြီး စိုးမင်းအောင်တို့နှင့် ဂေါ်လီသွားရိုက်ရန်ထွက်သွားလေသည်။ ထို့နောက် ဂေါ်လီရိုက်ရင်း ငြင်းခုံကြရာမှ ညီညီက စပြီးဆဲသည်။

" ဟေ့ရောင်..မင်းကငြင်းတယ်ကွာ ဆယ်နှစ်လက်မဘစ် ပဲ "

" ဆယ်သုံးလက်မဘစ်ကွာ ငါစည်းခိုးတာမှမဟုတ်တာ "

ညီညီ တစ်ချက်ကြောင်သွားသည်။ သူ့စိတ်ထဲလည်း ဇဝေဇဝါဖြစ်သွားသည်။ ဆယ့်နှစ်လက်မဘစ်ကို ဆယ့်သုံးလက်မဘစ်က နိုင်သည်ဟု အထင်ရောက်သွားသည်။ ဒီလိုတော့ အကြောမခံနိုင်...

" ဆယ့်လေးလက်မဘစ်ကွာ ကဲ.." ညီညီက ချက်ချင်းပြန်တုံ့ပြန်လိုက်သည်။

" ဆယ့်ငါးလက်မဘစ်ကွာ "

" ဆယ်ပေ ဘစ်ကွာ......"

" ပေတစ်ရာ..............."

" တစ်မိုင်.................."

" ............................"

ဒီလိုနဲ့ မိုင်တစ်ရာ..မိုင်တစ်ထောင်...သိန်း သန်း ကုဋေ ကုဋာ မိုင်ချီကာ ရှည်ရှည်လျားလျားတွေ ဘစ် ကုန်ကြလေတော့သည်။

နောက်ရက်နည်းနည်းကြာလာတော့ မေဖြူလတ်က ညီညီကိုပြောသည်။(ကျွန်တော်တို့က သူ့ကို မြေဖြူခဲ ဟုခေါ်ကြသည်)

" ဟဲ့...ညီညီ နင်တို့ပြောပြောနေတဲ့ ဆယ့်နှစ်လက်မဘစ်တို့ ဘုတ်ရှစ်တို့ဆိုတာ ဘာအဓိပ္ပါယ်လည်းသိလား "

" ဆယ့်နှစ်လက်ဘစ်ဟာ ဆယ့်နှစ်လက်မဘစ်ပဲပေ့ါဟာ ဘာအဓိပ္ပါယ်လဲတော့ ငါလည်းမသိဘူး "

" အေး..ငါ့အစ်ကို ကို ငါမေးလာခဲ့တယ် ဆယ့်နှစ်လက်မဘစ်ဆိုတာ (Son of a Bitch) ခွေးမသား တဲ့... ဘုတ်ရှစ် ဆိုတာက (Bull Shit) နွားချေး(နောက်ချေး)တဲ့ "

သူပြောတာကို ဘယ်သူမှလက်မခံကြပါ။ နွားချေး လို့တော့ ဘယ်သူမှဆဲမည်မဟုတ်။ ဆယ့်နှစ်လက်မဘစ်သည် ဆယ့်နှစ်လက်မဘစ်သာဖြစ်သည်။ ဒေါ့(Dog)ဆိုသည့်စကားလုံးမပါဝင်ဘဲ ဘယ်လိုမှ ခွေးမသား မဖြစ်နိုင်။ (ထိုစဉ်က ခွေးဆိုလျှင် ဒေါ့ Dog သာ သိကြသည်။) ထိုသို့ဖြင့် ဘာအဓိပ္ပါယ်မှန်း သေချာမသိသော်လည်း ဆယ့်နှစ်လက်မဘစ် ဘုတ်ရှစ်တို့ကို တွင်တွင်ကျယ်ကျယ်ဆဲရင်း မူလတန်းကျောင်းသားဘဝသည်လည်း ကုန်ဆုံးသွားခဲ့လေသည်။ (ကျွန်တော်တို့သည် ကျွန်တော်တို့ကိုယ်တိုင် အဓိပ္ပါယ်သေချာမသိသောအရာများကိုလည်း ဆဲဖူးသည်။)

မဖတ်လည်းရသော စာကြွင်း- မူလတန်းပြီးတော့ အဖေက ကျွန်တော်ကို လာခေါ်သဖြင့် လှိုင် သို့ရောက်ခဲ့သည်။ မူလတန်းကျောင်းသားဘဝတွင်မူ အဒေါ်နှင့်အတူနေခဲ့ရခြင်းဖြစ်သည်။ ကျွန်တော် ဆယ်တန်းလောက်ရောက်သောအခါ ကျောက်မြောင်းသို့ ပြန်ပြောင်းလာဖြစ်သည်။ စိုးမင်းအောင်၊Fisherman(နာမည်အရင်းမမှတ်မိတော့ပါ) စသော သူငယ်ချင်းများနှင့် ပြန်တွေ့ခဲ့သော်လည်း ညီညီနှင့် ပြန်မတွေ့တော့ပါ။ ထို့ပြင် ကျွန်တော်ငယ်ငယ်က ကြိတ်ကြွေခဲ့သော အစိမ်းအသင်းခေါင်းဆောင် နန်းသူဇာ ဆိုသည့်ကောင်မလေးနှင့်လည်း ပြန်တွေ့ခဲ့ပါသည်။(Model နန်းသူဇာ မဟုတ်ပါ) မေဖြူလတ်ကိုမူ ကျွန်တော်အဆိုတော်ဖြစ်ပြီးမှ ပြန်တွေ့ခဲ့ပါသည်။ FM တစ်ခုတွင် အလုပ်လုပ်နေခြင်းဖြစ်သည်။ သူမကငယ်ငယ်ကရုပ်အတိုင်းပင်ဖြစ်သည့်အတွက် ကျွန်တော်ကစမှတ်မိခဲ့ခြင်းဖြစ်သည်။
@@@@@@@@@@@@@@@@@@@@@@@@@@@@@@@@@@@@@@@@@@@

အခန်း(၂)

အဆဲအားလုံးကိုနိုင်သည့်စကားလုံး (အဆဲခံချင်ကြသူများ)

ဆဲဆိုခြင်းသည် မနှစ်မြို့စရာကိစ္စဟု ယေဘူရ သတ်မှတ်နိုင်သော်လည်း ဆဲဆိုခြင်းကို ချစ်စရာကောင်းသည်ဟုထင်ကာ တစ်ဟားဟား သဘောကျနေသူများလည်း ရှိပါသည်။ ကျွန်တော်ရှင်းပြပါဦးမည်။ ကလေးများ စကားပြောတတ်စ အရွယ်တွင် မပီကလာပီကလာဖြင့် ဆဲခြင်းကို အချို့သော လူကြီးများက(အထူးသဖြင့် အဖိုးအဖွားများက) သဘောကျနေလေ့ရှိသည်။ မြေးကို မဆဲမခြင်း စိတ်မဆိုးဆိုးအောင်စ၍ ကလေးက မပီ့တပီဖြင့် ပတ်ပတ်ကြီး ဟုဆဲလိုက်လျှင် တစ်ဟားဟားဖြင့် ရယ်မဆုံးသော ကျွန်တော့်အဖိုးက ဥပမာပင် ဖြစ်သည်။ အဖိုးကဲ့သို့ပင် ဆဲဆိုခြင်းကိုမှ ချစ်စရာကောင်းသည်ဟု ထင်နေသော နောက်တစ်ယောက်မှာ(အဒေ့ါ်ယောက်ျား) ကျွန်တော့်ဦးလေးပင်ဖြစ်သည်။ ဦးလေးသည် ညနေအလုပ်ကပြန်လာသည်နှင့် သူ့သားကိုမေးမြဲ။ ပြီးလျှင်သားလုပ်သူ ဆော့နေသည့်အနားကိုသွားပြီး " ခွေးကောင်လေး ...ငါ****လေး " စသည်ဖြင့် ပါးစပ်မှလည်းဆဲ

လက်မှလည်း ပါးလေးဆွဲလိုက် နားရွက်လေးဆွဲလိုက် စမြဲဖြစ်သည်။ သားလုပ်သူက ပြန်ဆဲလျှင်လည်း တစ်ဟားဟားသဘောကျပြီး စမြဲ။ နောက်ဆုံး သားအဖနှစ်ယောက် နပန်းလုံးခြင်းဖြင့် အဆုံးသတ်လေ့ရှိသည်။ (ကျွန်တော့်အဒေါ်)အန်တီဝါကသားလုပ်သူကို မဆဲအောင် မည်သို့ပင်ဆုံးမကာစေမူ သားကိုမခံချင်အောင် အမြဲစနေသောအဖေလုပ်သူကြောင့် ထိုသားအဖနှစ်ယောက်၏ ပုံမှန်ဖြစ်နေသော အလေ့အကျင့်ကို မတားဆီးနိုင်ခဲ့ချေ။ ဒီလိုပဲ ဆဲလိုက်ဆိုလိုက် လုံးလိုက်ထွေးလိုက်ပင်။ ကြာတော့ သားလုပ်သူကို ငရဲကြီးမည်ဆိုးသဖြင့် အဒေါ်က တစ်မျိုးပြောင်းကြံရတော့သည်။

" သား..ဖေကြီးဆဲရင်လေ သူဆဲတာတွေ ပြန်မဆဲနဲ့သိလား။ သာဓု...လို့သာပြန်ပြောလိုက်...အဲဒါဆိုသားကနိုင်သွားရော "

" သာဓု ဆိုတာဘာလဲ မေကြီး "

" သာဓု ဆိုတာ ဆဲတာအားလုံးကိုနိုင်တဲ့စကားပဲသားရဲ့။ နောက်ဆို ဘယ်သူကဆဲဆဲ ပြန်မဆဲနဲ့နော်..သာဓု လို့သာပြန်ပြောလိုက် ကြားလား "

နောက်တော့ အန်တီဝါ့သား တစ်ယောက် သာဓု ဆိုတာ ထပ်နေတော့သည်။ အဖေလုပ်သူကဆဲလိုက် သူက "သာဓုကွာ သာဓု..ကဲမှတ်ပလား" ဟု ပြန်ပြောလိုက်နှင့် သူ့အဖေကပိုသဘောကျကာ စမဆုံး ရယ်မဆုံးတော့။ ကလေးအချင်းချင်းဆော့ရင်း ငြင်းခုံရန်ဖြစ်ကြလျှင်လည်း သာဓု ကိုသာ တွင်တွင်ကျယ်ကျယ် ခေါ်နေတော့သည်။ ကြာလာတော့ သူတို့နေတဲ့ ဝန်ထမ်းအိမ်ရာ တစ်ဝင်းလုံးလည်း ဒီအကြောင်းသိကာ တွေ့သမျှလူက သူ့ကိုစ သူက သာဓုခေါ် ကြားတဲ့လူတိုင်းက ရယ်မဆုံးဖြစ်နေလေတော့သည်။ (သင့် ဘေးပါတ်ဝန်းကျင်တွင်လည်း အဆဲခံချင်ကြသူများကိုတွေ့နိုင်သည်။)

@@@@@@@@@@@@@@@@@@@@@@@@@@@@@@@@@@@@@@@@@@@

အခန်း(၃)

ချစ်ခြင်းအားဖြင့် ဆဲဆိုကြသူများ

ကျွန်တော့်ကို ပေါ်ပေါ်တင်တင် အများဆုံး ဆဲဖူးသူမှာ ကျွန်တော့်၏ အချစ်ဆုံးသူငယ်ချင်း အောင်သူ ပင်ဖြစ်သည်။(ပေါ်ပေါ်တင်တင်ဟု သုံးရခြင်းမှာ ကွယ်ရာတွင် အောင်သူ့ထက်သာအောင် ကြိတ်ဆဲနေသူများလည်းရှိနိုင်သောကြောင့်ဖြစ်သည်)အောင်သူ နောက်တွင်မူ နောင်နောင်၊ကိုဘချော၊မိသိမ့်၊ချစ်ပွင့်၊ခိုင်လေး အစရှိသော သူငယ်ချင်းများဖြစ်မည်။ (သီဟကတော့ သိပ်အဆဲမသန်လှ) ဤအချက်ကို ကြည့်ခြင်းအားဖြင့် ဆဲဆိုခြင်းမှာ အမုန်းဖြင့်သာမဟုတ်ပဲ ချစ်ခြင်းအားဖြင့် ဆဲဆိုကြသည်ကိုလည်း ချွင်းချက်အနေဖြင့် အံ့သြဖွယ်တွေ့ရပြန်သည်။ အောင်သူ နှင့်တွေ့လျှင် အနည်းဆုံး ငါ... နှင့်တစ်ခွန်း -ီးပဲ ဆိုတာ တစ်လုံးလောက်တော့ ကြားရမြဲဖြစ်သည်။ ဒီစာကိုမရေးခင်အချိန်ထိ ကျွန်တော်တို့တွေ ဆုံလိုက်တိုင်း ချစ်ခြင်းအားဖြင့် မည်မျှဆဲခဲ့ကြသည်ကို သတိမပြုမိခဲ့။ ဆဲသူရော အဆဲခံရသူပါ အပြုံးမပျက် ပျော်ပျော်ရွှင်ရွှင် ပေါ့ပေါ့ပါးပါး ဆဲခဲ့ကြသည်သာ။ မိန်းကလေးသူငယ်ချင်းတွေနှင့်တွေ့လျှင်လည်း ကျွန်တော်တို့ကစ သူတို့ကဆဲ...။ မိသိမ့်၏ နှုတ်ခမ်းနီဆိုး အချိုးမကျပုံကိုအစွဲပြု၍ အောင်သူက ချင်ပန်ဇီ ဟုခေါ်လေ့ရှိသည်။ မိသိမ့်ဆိုတာကလည်း ဥာဏ်အလွန်တိမ်သည်။ ချင်ပန်ဇီ ဆိုတာဘာမှန်းမသိ....နောက်မှ ကျွန်တော့်ကိုမေးပြီး စွေ့စွေ့ခုန်လေတော့သည်။ေ-ာက်ကောင်စုတ်၊မသာကောင်...အစရှိသဖြင့် မိန်းကလေးလိုရော ယောက်ျားလေးလိုပါ အငှားဆဲလေသည်။ ကျွန်တော်တို့ကတော့ တစ်ဟားဟားပွဲကျမဆုံး။

ကြုံတုန်း မိသိမ့်၏ ဂင်းနစ် စံချိန်တင်ဖွယ် လုပ်ရပ်တစ်ခုကို ဖွပါဦးမည်။ ဆယ်တန်းအောင်စာရင်းထွက်တော့ အောင်တာချင်းအတူတူ မိသိမ့်က ကျွန်တော့်ကို ဒန်ပေါက်လိုက်ဝယ်ကျွေးခိုင်းသည်။ ကျွန်တော်လက်ထဲတွင်လည်း အဖေပေးလိုက်သည့် မုန့်ဖိုးရှိနေသဖြင့် ဒန်ပေါက်ဆိုင်သို့ချီတက်ခဲ့ကြသည်။ ဆိုင်ရောက်တော့ စားပွဲထိုးလေးတစ်ယောက်က ရနိုင်သော စားသောက်စာရင်းကို ရွတ်ပြနေခိုက်

မယ်မင်းကြီးမက ထဖောက်တော့သည်။

" ဟို..ဝက်သားနဲ့ရလား မောင်လေး "

ရွတ်ပြနေသည့် ကောင်လေး ရုတ်တရက်ကြောင်သွားသည်။ နောက်နေတာလားအစ်မ ဟူသော အဓိပ္ပါယ်ဖြင့် သူ့ကိုပြူးကြည့်သည်။ ကျွန်တော်က မျက်ရိပ်ပြသည်ကိုလည်းမမြင်။

" မ..မ..မရဘူးအစ်မ "

" သြော်..ကုန်သွားလို့လား "

" မဟုတ်ဘူးအစ်မ...အစကတည်းက မရောင်းတာလေ..."

စားပွဲထိုးလေးက ကောင်တာဘက်သို့ မသိမသာခိုးကြည့်သည်။ ကောင်တာကလူကြီးမျက်နှာဆိုတာလေ.. ခင်ဗျားတို့ကိုမြင်စေ့ချင်တယ်ဗျာ။ ဆိုင်ကကျဉ်းတော့ အကုန်ကြားနေရသည်။ ဒါ့အပြင်ဆိုင်ထဲမှာ ကျွန်တော်တို့ နှစ်ယောက်တည်းသာရှိသည်။ ကျွန်တော်ကတော့ ပြေးပေါက်ကြည့်ထားပြီ။ ဒါတောင်မယ်မင်းကြီးမက အလိုက်ကန်းဆိုးမသိသေး....

" ဘာလို့မရောင်းတာလဲဟင်...ဟို..မင်းကြီး မင်းလေး...အ..အား..ဘာလုပ်တာလဲဟ.. "

သူ့စကားမဆုံးခင် သူ့လက်မောင်းကို ကျွန်တော်လိမ်ဆွဲလိုက်ခြင်းဖြစ်သည်။ လက်မောင်းကိုပွတ်ရင်း ပွစိပွစိ လုပ်နေတုန်း ကျွန်တော်က အမြန်မှာရသည်။

" ဟို.. ကြက်သားနဲ့ပဲ ပါဆယ်နှစ်ပွဲလုပ်လိုက်ပါ "

ဟုတ်တယ်လေ..ဘယ်မျက်နှာနဲ့ ဆိုင်မှာထိုင်စားမတုန်း။ မှာပြီးမှသူ့ကို တိုးတိုးရှင်းပြလိုက်တော့ ဇက်ပုသွားသည်။ မျက်နှာလည်း ဇီးရွက်သာသာရှိတော့သည်။ ထိုဒန်ပေါက်နှစ်ပွဲ ပါဆယ်ထည့်နေသည့် အချိန်သည် ကျွန်တော့်ဘဝတွင် အချိန်အကြာဆုံးပါဆယ်ထုပ်ခြင်း ပင်ဖြစ်သည်။ ကောင်တာကလူကြီးမျက်နှာက နဂိုမည်းခြင်းလား၊ စိတ်ဆိုး၍မည်းခြင်းလားမသိ တော်တော်တော့ မည်းနေသည်။ နောက်မှ Fair&Lovely တစ်ဘူးလောက်ဝယ်ပြီး လာတောင်းပန်ရကောင်းမလား ဟုတွေးနေမိသည်။ ဆိုင်ကထွက်လာတော့ သူကတော့တစ်ဟားဟားနှင့် သူ့လုပ်ရပ်ကို သူ့ဘာသာသူပြောလိုက်ရယ်လိုက်။ ကျွန်တော်ကတော့ ချဉ်ပေါင်ရိုးမ၊တုတ်ထိုးမ၊မရင်ဒါမ၊ 7Up မ စသည်ဖြင့် ဘာမှန်းမသိသော ဆဲရေးတိုင်းထွာခြင်းများဖြင့် ဆဲနေလေတော့သည်။

အခုတော့ သူ မပိန်တော့သဖြင့် ချဉ်ပေါင်ရိုးမ မဟုတ်တော့ပါ။ ရည်းစားရပြီးနောက်ပိုင်း ပိုလှလာပြီး နှုတ်ခမ်းနီလည်း ကောင်းကောင်းဆိုးတတ်သွားပြီဖြစ်သည်။



ကျွန်တော်နှင့် ဝါသနာတူ သီချင်းဆိုချင်သော သူငယ်ချင်းတစ်ယောက်ရှိသည်။ သူကတော့ ချစ်ပွင့် ဖြစ်သည်။ အသံကတော့ သိပ်မဆိုးလှ။ ရုပ်က..အဲ..ရုပ်က ကြိုးကြာနှင့် နဲနဲဆင်သည်ဟု

အောင်သူကပြောပါသည်။

" ဟိုကကြိုးကြာ နင်ကကျီးကန်းပေါ့ဟာ..ဘာပဲပြောပြော ကကြီးနှစ်လုံးပါတာချင်းတူတာပဲ "

" သေလိုက်ပါလားဟဲ့...ငါက ကျီးကန်းမဟုတ်ဘူး နင်သာ လဒ(လင်းတ)...."

ဒီကြားထဲ ကျွန်တော်ကပါ ထပ်ပြီးပို့လိုက်သေးသည်။

" ဟဲ့ ချစ်ပွင့်...ငါအဆိုတော် ဖြစ်လို့ One Man Show လုပ်ရင် နင့်ကိုခေါ်မယ်.."

" အမယ်လေး နင်ပဲဖြစ်အောင် အရင်လုပ်စမ်းပါဦး "

" ဖြစ်ကိုဖြစ်မှာပါဟ နင်ကလည်း...အေး..အဲဒီကျရင် နင့်ကိုပါ လူစိတ်ဝင်စားအောင်လို့ စင်ပေါ်ကို ဒီလိုခေါ်မယ်

" လုပ်စမ်းပါဦး "

ကျွန်တော်က ဟန်ပါပါဖြင့်.....

" ကျွန်တော် စင်ပေါ်မှာ တစ်ခါမှမဆိုဖူးတဲ့ သီချင်းတစ်ပုဒ်ကို တစ်ခါမှမဆိုဖူးတဲ့ကောင်မလေး တစ်ယောက်နဲ့ တစ်ခါမှမဆိုတော့ပါဘူးဗျာ...

ဒါပေမယ့် အဲဒီ့ကောင်မလေးနဲ့ မိတ်ဆက်ပေးချင်ပါတယ်...အဲဒီ့ကောင်မလေးနာမည် ကျီးကန်း လို့ခေါ်ပါတယ်....အဲကြတော့မှ နင်ပြေးထွက်လာခဲ့လိုက်လေ.."

" မသာကောင်........လဒ.........
.........................................."

ခုတော့ ကျီးကန်းက သူထပ်ချောသော ကောာင်လေးတစ်ယောက်ကို ဖမ်းဥထားသည်။ ကောင်လေးက သင်္ဘောသီးသည် အဲလေ သင်္ဘောသား။ သူ့ကိုလည်း တော်တော်ချစ်ပုံရပါသည်။ ကျီးကန်း ဘဲဥ ချီလာပြီ ဟုဆိုလျှင်...ချစ်ခြင်းအားဖြင့် လဒ ဟု ဝင်မန့်ပေတော့မည်။

ကျွန်တော့်သူငယ်ချင်းများထဲတွင် အယဉ်ကျေးဆုံး ဆဲသူတစ်ဦးရှီပါသည်။ တိုသူမှာ ခိုင်လေး ပင်ဖြစ်ပါသည်။ ကျွန်တော် သူနဲ့ခင်လာသည့် သက်တမ်းတစ်လျှောက်တွင် သူစိတ်မကောက်သည့်နေ့ တစ်နေ့မျှ မမြင်ဖူးပေ။ တစ်ယောက်ယောက်ကို အကြောင်းတစ်ခုခုဖြင့်စိတ်ကောက်နေတတ်သည်သာ။ ဘယ်သူကိုမှ စိတ်မကောက်နေလျှင်လည်း ကျွန်တော်က စ သဖြင့် ကျွန်တော့်ကိုကောက်ပါသည်။ ကျွန်တော့်ကို " မသာကြီး(သို့)သေနာကြီး " တစ်ခုခု ကိုအရင်ဆဲပြီး တိုးတိုး တိုးတိုး ပွစိပွစိ ရေရွတ်နေလေ့ရှိသည်။ ထို ပွစိပွစိ သည် ဘာတွေဖြစ်သည်ကိုမူ သူကိုယ်တိုင်မှလွဲ၍ မည်သူမျှ မသိနိုင်သောကြောင့်

ဘယ်သူမှလည်း မနာကြပါ။ စလုံး နေရာတွင် သ ကို အစားထိုးခြင်းဖြင့် "သောက်ကောင်စုတ်ကြီး" ဟုလည်း ယဉ်ယဉ်ကျေးကျေး ဆဲလေ့ရှိသည်။ ဤအချက်ကိုမည်သူက စလိုက်သည် မသိသော်လည်း " စ " အစား " သ " ကို အစားထိုးလိုက်ခြင်းသည် အနည်းငယ်ပို၍ နားခံသာကြောင်း အားလုံး၏ မသိစိတ်ထဲတွင် တညီတညွတ်ထဲ လက်ခံပြီးသားဖြစ်နေသည်။ ယနေ့ အင်တာနက်ခေတ်တွင်မူ

မည်သူက ထွင်လိုက်မှန်းမသိသော ဒေါ်လာ၏သင်္ကေတ $ ကို အစားထိုးသုံးစွဲကြပြန်လေသည်။ $ ရေးမပါတာ $ ဂရုမစိုက်ဘူး စသဖြင့်လည်း ယဉ်ကျေးစွာ ဆဲဆိုနေကြသည်ကိုလည်းတွေ့နိုင်ပါသည်။ ဒီအကြောင်းတွေ မသိခင်အချိန်က $ ရေးမပါတာ ကို ဒေါ်လာ အရေးမပါတာ၊ $ ဂရုမစိုက်ဘူး ကို ဒေါ်လာ ဂရုမစိုက်ဘူး ဟု ယူဆကာ " ကြည့်စမ်း အမျိုးကောင်းသမီးလေးတွေ...

ဒါသူတို့ ငွေ မမက်ဘူးဆိုတာ ရေးထားကြတာပဲ " ဟု မောင်လင်းနစ် အထင်ရောက်ခဲ့ ဖူးလေသည်။ (အင်တာနက်ပေါ်၌ ဆဲဆိုခြင်းကို နောက်အခန်းတွင် အကျယ်ဆက်ရေးပါမည်။)

အခုတော့ ချစ်ခြင်းအားဖြင့် ဆဲဆိုဖူးကြသော သူငယ်ချင်းတွေ အရင်လောက် သိပ်မဆုံဖြစ်ကြတော့။ အောင်သူက မိန်းမရသွားပြီဖြစ်သည်။ မကြာမီပင် ကလေးအဖေဖြစ်တော့မည်။ ဖုန်းနှင့်တော့ ချစ်ခြင်းအားဖြင့် အဆဲမပျက်ကြသေးပေ။ နောင်နောင်က မလေးရှားမှာ။ ကိုဘချောကတော့ ကျိုက်ထီးရိုး ရသေ့တောင်မှာ ဘုန်းကြီးအပြီးဝတ်သွားသည်။ မိသိမ့်၊ချစ်ပွင့်၊ခိုင်လေး တို့ကတော့ FaceBook သုံးတော့ အွန်လိုင်းမှာတော့တွေ့သေးသည်။ ချစ်ပွင့် FaceBook က Chit Pwint ။ ခိုင်လေး ကလည်း Khaing Lay ပဲ။ ဒန်ပေါက်ကို ဝက်သားနဲ့မေးတဲ့ မိသိမ့် ကျမှ ဘာတဲ့ သူ့ကိုယ်သူ ကာရန်လေး(Karyanlay Lay)ဆိုပြီး ဖြစ်သွားသည်။ လုံးဝ လမိုင်းမကပ်။(မသကာ ချင်ပန်ဇီလေးတို့၊ဝက်စတူးလေး တို့ဆိုတော်သေး :P)

ချစ်ခြင်းအားဖြင့် ဆဲဆိုခဲ့ကြသောသူငယ်ချင်းများအားလုံးကိုသတိရပါသည်။ ကမ္ဘာပေါ်ရှိ ဆဲဆိုမှုအားလုံးသည် ချစ်ခြင်းအားဖြင့် ဆဲဆိုခြင်း များသာဖြစ်ကြပါစေဟု ဆန္ဒပြုလျှက်...။

(သင်ကိုယ်တိုင်လည်း ချစ်ခြင်းအားဖြင့် ဆဲဆိုဖူးသူ(သို့)အဆဲခံရဖူးသူ ဖြစ်နိုင်ပါသည်။)
@@@@@@@@@@@@@@@@@@@@@@@@@@@@@@@@@@@@@@@@@@@

အခန်း(၄)

အင်တာနက်ပေါ်၌ဆဲခြင်း

ယနေ့ခေတ် တိုးတက်ပြောင်းလဲလာသော ဆက်သွယ်မှုပုံစံများနှင့်အတူ ဆဲဆိုခြင်းသည်လည်း အင်တာနက်ပေါ်ရောက်သည်အထိ အဆင့်မြင့်လာရလေသည်။ ကျွန်တော်တို့ အင်တာနက် စသုံးစဉ်အချိန်က G-mail,G-talk များဖြင့်သာဆက်သွယ်ခဲ့ကြသော်လည်း နောက်ပိုင်းတွင် FaceBook ကဲ့သို့ Social Networking ခေါ် လူမှုကွန်ယက်များပေါ်လာသည်တွင် ဆဲဆိုခြင်းသည်လည်း ပိုမိုပွင့်လင်းမြင်သာသောဆဲဆိုခြင်း(Transparent Abuse) ဖြစ်ကာ လူသိရှင်ကြားဆဲဆိုခြင်းများဖြစ်လာလေတော့သည်။( ကြိတ်လိုက်ဟ Transparent Abuse တဲ့ မှတ်ပေတော့ တစ်လုံး)

" ဆဲတယ်ဆိုတာ ပါးစပ်ကဆဲတာ ဝစီကံပေါ့ " ဟု ယေဘူရအားဖြင့် ထင်ဖွယ်ရာရှိပါသည်။ သို့ရာတွင် မနောကံဖြင့် စိတ်ထဲကကျိတ်ဆဲခြင်း(ဥပမာ- မင်္ဂလာပါ ဟုပါးစပ်က နှုတ်ဆက်နေသော်လည်း " သေချင်းဆိုးကြီး သူများ မသထာရေစာတွေစားပြီးဝနေလိုက်တာ သူကျတော့ ထမင်းမစားတာလိုက်လို့ " ဟု စိတ်ထဲကကျိတ်ဆဲနေနိုင်သည်)၊ ကာယကံမြောက်ဆဲခြင်း(ဥပမာ- လက်ခလယ်ထောင်ပြခြင်း၊မတော်ရာကိုပုတ်ပြခြင်း) များလည်း ရှိနိုင်သည်ကို သတိချပ်သင့်သည်။ ကျွန်တော်နားမလည်သည်က အင်တာနက်ပေါ်တွင် ဆဲခြင်းပင်။ သူက အော်ဆဲနေတာလည်းမဟုတ်သလို သူဆဲတာလည်း ကိုယ်မကြားနိုင်သဖြင့် ဝစီကံ မဟုတ်နိုင်။ သူနှင့် ကိုယ်နှင့် မြင်တောင်မမြင်ရသည့်အတွက် ကာယကံ လည်းမဖြစ်နိုင်ပြန်။ မနောကံ ဟု ဆိုရအောင်လည်း စိတ်ထဲမှကြိတ်ဆဲခြင်းမဟုတ်ပဲ ဗြောင်ကျကျဆဲထားခြင်းဖြစ်နေပြန်သည်။ ကျွန်တော်တွေးသလိုများ တွေးနေကြ၍လားမသိ FaceBook သည် လူမမြင်ရတိုင်း ကံသုံးပါးအလွတ် အကြိုက်ဆဲသည့်နေရာ တစ်ခုဖြစ်လာလေသည်။ ဓါတ်ပုံအတု၊ကိုယ်ရေးအချက်အလက်အတု(Fake Profile) များဖြင့် အကောင့်အတုများဖွင့်ကာ ငါစကားနွားရ ဆဲကြ၏။ သခင်အားရ ကျွန်ပါးဝ ဆဲကြ၏။ တစ်ချို့က လူအထင်ကြီးအောင် အကိုးအကားများထောက်ပြကာ စနစ်တကျဆဲကြ၏။ တစ်ချို့က ဆရာကြီးလေသံဖြင့် ဂုဏ်သိက္ခာရှိရှိဆဲကြ၏။(ဥပမာ- Mg Satan ကို တကူးတကဝင်ကြည့်ပြီးကာမှ ဘာမ ညာမ $ရှက်ကိုမရှိကြဘူး အစရှိသဖြင့် နှမသားချင်းမစာမနာ ဝဋ်ကြွေးကို မကြောက်မရွံ့ဆဲကြ၏) နိုင်ငံရေး၊ဘာသာရေး၊အနုပညာ အစရှိသဖြင့် အမျိုးမျိုးသော ခေါင်းစဉ်တွေအောက်မှာ အငြင်းအခုံဖြစ်ရင်းဆဲကြကုန်၏။ သတင်းတစ်ခု၊ပို့စ်တစ်ခုအောက်မှာ အမြင်မတူသူနှစ်ယောက်(သို့)နှစ်ဖွဲ့ကွဲကာဆဲကြ၏။ ကိုယ်နှင့်အမြင်မတူသော ပို့စ်တွေ့လျှင်လည်း ဝင်ဆဲကြ၏။ တစ်ကယ်ဆိုသူ့ဘာသာ သူ့ဝေါလ်မှာ သူတင်ချင်တာတင်ခြင်းဖြစ်သည့်အတွက် အမြင်မတူလျှင် ဘလော့လိုက်ယုံဖြင့် သူရောကိုယ်ပါ အကုသိုလ်များတော့မည်မဟုတ်။ (အလွန်အကြူး အန္တရာယ်ရှိလျှင်လည်း ရီပို့(Report) လုပ်လိုက်ယုံသာဖြစ်သည်) သို့သော် မနေနိုင်သဖြင့် ဝင်ဆဲကြ၏။ ဝင်ဆဲရ၏။ မနေတတ်သဖြင့် အဆဲခံရ၏။ ကိုယ့်ဝေါလ်ပေါ်လာဆဲသည်ကိုတော့ ဘယ်သူမှကြိုက်မည်မဟုတ်။ ပိုဆိုးသည့်အချက်ကား ကိုယ့်ကို ဆဲထားသည့်စာကို ကိုယ်တိုင်စာလုံးပေါင်းဖတ်၍ နာရခြင်းဖြစ်သည်။ တွေးကြည့်လျှင်တော်တော်တော့ အသည်းနာစရာကောင်းသည်။ ထိုသို့တွေးပြီး

ကိုယ်ချင်းစာတရားရှိကြလျှင် အဆဲနည်းသွားနိုင်သည်။

မောင်လင်းနစ် FaceBook စသုံးထဲက မည်သူ့ကိုမျှမဆဲဖူးပေ။ (ဆဲချင်စရာများတွေ့လျှင်လည်း အောင့်ထားနိုင်သောကြောင့်လည်းဖြစ်သည်) အဲဒါကြောင့်ပဲလား ဒါမှမဟုတ် ပေါ့ပေါ့ပါးပါး နှင့်

ပျော်ပျော်နေတတ်သောကြောင့်လားမသိ(အလဲ့..ပေါ့ပေါ့ပါးပါး ပျော်ပျော်နေတတ်တယ်ဆိုပဲ:D) ယခုဒီစာကိုရေးနေသည့် အချိန်ထိ (ချစ်ခြင်းအားဖြင့်မှလွဲ၍) အဆဲမခံရဖူးပေ။ ထို့ကြောင့် အမြင်မတူသည်များ(သို့) အမြင်မတော်သည်များ ရှိလျှင်လည်း ကျွန်တော့် ကဲ့သို့ပင် ဆဲချင်သည့် စိတ်ကိုထိန်း၍ အောင့်ကာဘလော့သွားရန်နှင့် သင်မအောင့်နိုင်၍ ဝင်ဆဲခဲ့လျှင်လည်း ကျွန်တော့် အနေဖြင့် အန်တီဝါပြောသော အဆဲအားလုံးကိုနိုင်သည့် " သာဓု " ဆိုသည့် စကားလုံးဖြင့်သာ တုံ့ပြန်သွားမည်သာဖြစ်ပါကြောင်း......။

လင်းနစ်

PM 5:57

21.8.12

စာကြွင်း- " မင်းကို ဆဲချင်လို့ခွေထုတ်ပေးတာကွ လန ရဲ့" ဟူသော ကိုအောင်မင်းသိဏ်း(ကျွန်တော့် ဒုတိယတစ်ကိုယ်တော် နာရီလက်တံ ၏ ပရိုဂျူဆာ)Aung Min Thein ၏ စကားကို ထောက်ရှုခြင်းအားဖြင့် ငွေကုန်ကြေးကျခံ၍ အဆဲဝါသနာကြီးသူများလည်းရှိကြောင်း မှတ်သားရပေတော့သည်။ သာဓုပါ ကိုအောင်ရေ...:P